واخيراً .. المقاتل

[نجمة دبي]

السلام عليكم

شحالكم ؟ انشاء الله طيبين ..


اليوم وانا اتمشى في الواحات
شفت اخونا اللي اشتقنا له ولمواضيعه وردوده الحلوه ..


الــمــقــاتــل

نورت الواحات اخوي .. وكنا نتريا هاليوم بفارغ الصبر ..

خبرنا عاد بتفاصيل سفرك


نجـــ دبي ــــــــمة

[الحاضر الغايب]

هيه والله اشتقنا له ...

والله يسلمه وين ما كان ان شاء الله

وان شاء الله يفضى ويخبرنا بسوالفه ...

مشكورة اختي نجمة دبي على الموضوع ...

والسموحه ...

[المقاتل]

شفـت أسمـي موجود بين العناويـن .. سرت فيها يالمقـاتل .. !!

ثانكيو ثانكيو .. أشكرج على المشاعـر النبيـله .. !!

اممم اما عن تفاصيـل السفـــر ..فأستراليا بلاد جميلــه ورائـعه .. جوها بارد وحار وممطر وكله هذا يصير في وقت واحد يعني الأخبار تقص علينـا وخخخ .. بس لازم الجاكيت يكون موجود .

وفالحقيقــه واجهـــت صعوبه فـ السكن أو بالأخص مافي حد أستقبلنـي لأن الملحـق الثقافي إلي فـ ملبورن يباله بكســات .

بس ما ننسى معروف الطيبين .. وبلاد فيها مسلمين الحمـدالله .. ومواطنين ومواطنات وفالبنايه شي مواطنين الحمـــدالله .

بس الهب حلو فيها :crosseyed الشيناوييــن مسيطرين على المنطقــــه والجامعه كلها China وانا فـ الجامعه يوم يزقرون الأسماء أنقـع من الضحك .. أسمائهم عجيبه .. كان لي .. شي سو .. وما عرف شوووه .. !!

بس كله يوم يزقرون أسمي يقولولي هاصا .. انا اسمي hassan هب هصى .. هصى الله راسهم .

بس هاه ويهي جان ما علمتهم رمستنـــا .. بس كله ولا السكيروتي كل ما شافني .. قالي مرحبا الساع .

بس بلااااد حلوه والحمـــدالله .. الله ميسر كل شي ..

السموحه على الإطالـــــه .. شكرا لج يا نجمـ ــة دبي

.. :: المقاتل :: ..

[المقاتل]

الحاضر الغايــــب هالو حبيبي واللــــه ،، شخبارها ايدكـ .. سمعت إشاعه بأنكـ مركب جبس عسب لمــاح بالغلط كسرها لكـ هيهيهيه ( سوالف )

تسلم

.. :: المقاتل :: ..

[الدلووووعة]

مرحبا بهل استراليا

( عا دشبابن اوين مايسيرون لازم يعلمون الاجانب شي من رمستنا ولا ماهدالهم بال^_^)

[حلم الطفوله]

مرحبا الساع هصى

إن شاء الله تتسهل كل أمورك وتندمج وياهم بسرعه

وصدقنا كل إخوانك وإخواتك بالواحات يدعولك بالتوفيق


بس تعال دامك باستراليا بحملك توصل سلام خاص جدا جدا

سلملي على فلونه لا تنسى عاد

[عنود الريف]

يا هلا ومرحبا باخونا المقاتل
الحمدلله على سلامتك
احس سفرتك كلها مغامرات
الله يسهل دربك وييسر امورك في الغربه وتحملوا على عماركم عاد ..
وسلم على اهل البلاد اللي هناك يا هصى ..
فمان الله

[بيور]

خلاااااااص ,, غيرنااا اسمك ,, هصى ,, وخخخخخخخخخ ,, سواااالف ^__^
المهم ,, أنكم بخير وعااافيه وسلااااامه ,,
ولاااتنسى ..ترانا نترياااا سوااالفك الحلوة ,
,,

,, وترد بالسلامه ان شاءاالله ,,

خويتك ,, المتفيجة ,,

[بنت الدلع]

مرحبا ملايين ولا يسدن

هلا والله بأخونا المقاتل

الحمدالله على السلامه

انشالله تكون سفرتك موفقه

وهالله هالله بعمرك

وانشالله ترد البلاد بشهاده ترفع الراس

[حبوبه دبي]

الحمدلله ع السلااامه اخـويه ،،

المهم انكــ مــرتــاح هذا اهـم شــي

ربــي يــوفجك ان شالله ويــن مــاكنت ،،

والسمــوحه

[تحفه]

ولكم باك .. ولكم باك ..
والحمدلله على السلامه

[دموع قلم]

وعليـكم السـلام ورحمـة الله وبركــاته


يــا مرحبــا بــك أخــوي المقــــــــــاتـــــــــ ــل..
منـور الـواحـات بـزيـارتـك وإضـافتـك الطيبــة
عسـى ربـي يسهـل عليـك أمـورك ويعينــــــــك
ولا تنسـى.. احفـظ الله يحفظـك الله من كـل سـوء

طمـنـا عليـك دائمـا..

:)



نجمـة دبـي..
ربـي يفـرحـك مثـل ما فـرحتينـي بالمـوضـوع :)

[الجديدة]

هلا و الله بك يا أخ المقاتل
ان شاء الله بس ما تتعب في ذيك البلاد
الله يسهل دربك وييسر امورك و ترجع البلاد بخير

[نجمة دبي]

هلا والله بأخونا المقاتل

حمدلله على سلامتك .. وبالتوفيق ان شاء الله

اكثر شي ضحكني .. هصى .. حليلك والله .. على قولة ( لماح ) نقعت من الضحك خخخخخخخخخخ

والحمدلله انك استفريت هناك ..

الكل يدعي لك اخوي ..

وامنور الواحات الصراحه ..

واشكر كل اللي شاركوا في الموضوع ..



نجــــــــ دبي ــــــــــمة

[الحساس]

الحمدالله ع السلامه مقاتلنا ...

يالله منو قدك في استراليا بلاد الخضره والجمال الطبيعه..

الله يوفجك ان شاءالله .. بتروح السنين بسرررعه .. استمتع بيومك ولحظاتك هناك كلها لانك بتشتاق لها في يوم من الايام ..

واحسن شي ان عندكم مواطنين يشلونك ويساندونك وهالله هالله بالصحبه الخيره ..

بالتوفيق