بــاجر دوام

[المزوحي]

كثير مانقول أوف باجر دوام، ومن منا يقدر هالنعمة !! نعمة الدوام والدوام لله
لأنه وايدين يبون وظيفة مب محصلين وأنا الصراحة أقول يالله باجر دوام

بالرغم إنه دوامي تمر فيه المواقف الحلوة والمرة ... لكن ليش ما أخلي كلها حلوة بنفسي ؟؟!!
ويييييه أسأل نفسي ونزلت لكم فضفضة في الواحات ..

ليش أكتب موضوع هل عسب أزيد رصيد المواضيع .. أبدا .. ولكن لكي .. -------

طبعا حد منكم مر بيوم يقول أوووه باجر دوام وليش ومن شو تعانون أو مبسوطين من إجازتكم
نهاية الأسبوع، أم لكم أعداء في الدوام ومشاكل وغيره .. وياليت لو تشاركونا بمواقفكم لتعم
الفايدة كيف نتصرف وهل مواقفنا متشابهه !!

المهم خلوني أخبركم
شقايل أغير أسلوبي
أقووول بوجه مبتسم وبقلب فرح الله باااااااااااااجر دوام

ودي يكون يومي سهل وخفيف ولا كأنه دوام .....

[حبوبه دبي]

افففف بــاجــر دواااااااام


كلمـــة دووووم ع لســانـٌــا !!!

حتــى لــو مــاشي مشــاكل
بــس نشـٌة الصبـــح روحهــا تعــــ ـ ـ ـب


صــح انــي بعدنــي مــاحصـلت ع شغلــه وارقـد ارقــــــــــاااااد اليهد خخخ ،، اونه اقهــربك

بــس حــاول تذكـر المــواقف الحلــوه اللـي مــرت عليــك فالدواام ،،
يعنــي لا تكبــر المــوضــوع واتقــول اففف دوااام ،،
تــرى يلسة البيــت مملــه
والشغــل صح كراااف بــس بعد تضييع وقــت ،،
كــم وكــم بتــرقد وبتظهــر وبتيــلس فالبيــت !!!

أخبــــرك ،،
خلنــا انشــوف ردوود البــاجيــن

والسمــوحه

[حلم الطفوله]

السلام عليكم ورحمة الله وبركاته



اليوم الأربعاء والساعه 2 شوف ابتسامتي



وباجر دوام ؟؟ على حسب نفسيتي باليوم إلي قبله ...

يعني لو كان يوم بدون متطلبات زايده بالشغل بكون

ولو كان يوم صعب ومتوقعه فيه كد من الخاطر

وبأول الأسبوع بكون نشيطه

ولو كنت ناشه تعبانه وفيني رقاد أكيد بكون

ولو كان علي امتحان مثلا أو تسليم شيء بالشغل وما خلصته بتمنى إني ما توظفت أساسا

الحين بجاوب على سؤالك

الانسان لازم يغير نفسيته علشان يحب دوامه ...يعني يرضى بالقدر والنصيب .. ويتأقلم مع شغله

وفكرتك حلوه يالمزوحي ....يوم بداوم بطبقها

[عافك الخاطر]

انا ما عندي شي باجر وما عندي شي بعده ..
بس تبا الصراحة ملل ..!
الاربع شهور اللي طافوا كانوا اتعس شهور في حياتي لاني مب متعودة اتم جي بلا شغلة و لا مشغلة .. هالكورس ما كان عندي شي غير شوية هوم ووركات و كوزات .. انا احب الحج عشان جي حسيت بالملل الفضيع
استمتع بكل شي تسويه ما بتمل ..
بعدين يلسة البيت مب شي اذا زادت عن حدها .. بتم تاكل وايد .. وترقد وايد .. لي ما تتخبل
..
بالتوفيق ان شاء الله ..
..
.

[المزوحي]

حبوبة دبي ... في ناس تتأثر بكلام الغير ... يعني خلني اعطيج مثال
انت مش موظفة همم طالية وعندج إجازة وأنا من كثر ما أقووول أووه باجر دوام
نفسيتج تتغير من كثر ما أقووول هالكلام والله المستعان ..

[المزوحي]

حلم الطفولة يعني هالشي من داخلنا يكون .
إنه لو مللت نفسي " باجر دوام " بتملل زيادة وزيادة والعكس صحيح
لكن مرات أقول باجر دوام ... ويصير موقف يعكر لك يومك

[المزوحي]

عافك الخاطر
لا مب قضية رقاد وطلعات وأكل
لكن أحب الشغل وما أحب حد يعكر لي مزاجي من موظفين ومراجعين
وكل عام وانتوا بخير