<font color='#000000'>مــرحبااااا الســـاع ... <img src="http://oasis.bindubai.com/emoticons/wink.gif" border="0" valign="absmiddle" alt=':;):'>
<span style='color:red'>الثلاثاء و الاربعاء والخميس واليوم بس</span> انتهت عزلتي والله صار لي
اربعة ايام بروحـــي في البيت لا غداي نفــس النــاس ولا عشــايــه نفس النــاس والله ملليــت
من اكل المطاعــم ؛ اهلي كلهــم سافــروا وتميت بروحــي في هالبيــت ( والله تعقدت ) ..
حتى الخدامــه ماطاعو يخللونهـــــااااا ( شو لها الدرجــه عيني زايغــه ) عافانا الله..
<span style='color:red'>المهم ..</span> ابويه اليوم وصل مطار ( ابوظبي ) ..؛ قادمــا من ( الدوحــه ) عبر ( طيران الامارات ) <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> ( والله اني جذاب ) ..
طيران الامارات ومطار ابوظبي !! وين ابى .. لا لا اقص عليكم ( طيران الخليج ) .. <img src="http://oasis.bindubai.com/emoticons/rock.gif" border="0" valign="absmiddle" alt='???'>
أول ماعرفــت انــه واصـــل رحـــت وغســـلت ( الحوي ) وسقيــت الزرع .. وغسلــت السياره بعـــد ..مررره خلليت البيت يلمــع من النظــافــــه ... اول ما وصــل والله عيني دمعــت بصــراحــه الشيبــه من دون العيوز واليهال مايسوى يعني ( صفر ع الشمــال ) ... فديتــه انا
المهم اول ماوصل ابويه البيت قال : البيت صخــه .... قلت لــه بعد هذي حال الدنيــا ..
<span style='color:red'>اصبروا ويا هالويوه بعدين مافضفضت .. ؛</span> <img src="http://oasis.bindubai.com/emoticons/suspect.gif" border="0" valign="absmiddle" alt=':sus:'>
<span style='color:blue'>الى امي وباقي اخوتي ..</span>
امـــي .. <span style='color:green'>اشتقت لج .. الى صــراخج وحشرتج على اخواني اليهال .. اشتقت لدعاويج علينــاااااا .. بقول لج شي يايمــه .. :
( والله اني اموت من الضحك عليج يوم اسمعج تدعين على زايد اخوي وعقبهــا تستغفرين ربج وتدعين على عمرج .. ( انزين اصبري شوي خل دعوتج توصل فوق ) .. والله يا يمــه انج ونــاســه .. كنــت اظن ان ابويه الامان لكـن طلع الشيبه ( خرطي ) انا من اليوم وساير .. برفع لا فته مكتوب عليهـا ( انتـي وبس )</span>
<span style='color:blue'>ابويــه ..</span> كلامك اثار فيني خوف وحزن .. الله لا يحرمنـا من حشرتهـم يا بويــه ويرجعهم بالسلامـه .. وشد حيلك لانه ماشي خدامه ولا العيوز موجوده .. يعني انا وانته بنطبخ .. ومــافيـّــه على اكل المطاعــم لاني في هالايام الاربع ملليــــت وراسك يالغالي .. وخل نخترع لنـا اكلات يديده مب مشكله ( الحياه تجـارب ) <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
<span style='color:red'>نهيان وسيف وزايد</span>
والله يا ( الثلاثي الكوكباني ) اشتقت لكم .. واشتقت لنعناع وايد ههههههههه والله يا اخواني ادري انكم مطفرين بالوالده هناكي في قطر لكن ش اسوي ماروم اوصل لكم .. ويا نهيان وزايد شوي شوي على ( سيفوه ) المسكين .. وحرام اتقولون له يالسوداني .. ترى والله لو انه اسمر بس احلى عنكم .. انتو من زينكم ( عيال روسيــه )..
<span style='color:blue'>خــالد ..</span>
ادري انك الحينه عادي تكون مطيـّــح في سناتر الدوحــه وتغازل .. بس يااخوك ماينفه بعدك 17 سنــه .. القطريــات يبن واحد يصرف عليهن وانته طرطوور .. اسمح لي .. بس الصراحه راحــه ..
<span style='color:red'>ناصر ونواف</span>
لاتتحروني ماعرف سوالفكم والله اني اعرفها ومار بها .. اكيد انتو الحين محطين قناة الافلام واتطالعون الحلوات اللي في التلفزيون .. مشكله هالســن والله ( ماقبل المراهقه ) ...
<span style='color:blue'>الله يرجعكم بالسلامه ياهلي .. والله يعيني كيف بتحمل الشيبه .. <img src="http://oasis.bindubai.com/emoticons/rock.gif" border="0" valign="absmiddle" alt='???'></span>
ملاحظــه ...
عمر نهيان ( 1.5 سنــه ) وسيف في ( اول روضـه ) وزايد ( صف ثاني ) ..
ونواف في ( صف اول اعدادي ) واما ناصر في ( خامس ) ...
واما العيوز .. فعمرها لغز يحاول مكتب الاستخبارات الامريكيه ان يحلله لكنه عجز وهي تقول 33 سنــه بس <img src="http://oasis.bindubai.com/emoticons/Oo.gif" border="0" valign="absmiddle" alt=':oo:'></font>
رد مع اقتباس
مواقع النشر (المفضلة)