الـــتـــواجــد ( التجربة الحقيقية )

[الحاضر الغايب]

السلام عليكم ...

حاب اعرض لكم مجموعة من الصور اللي صورتها من خلال دورة التصوير ...

ما ادري هل تنفع اشارك فيها في المعرض ولا لا ... يا ريت تعطوني رايكم ...

وخبروني الاخطاء اللي في الصورة ... وشو هي احلى صورة بنظركم ..؟؟

وهل في تطور ... من الموضوع الأول

الصور من مدينة جميرا ... وقرية التراث

طبعاً الكيمرة Canon EOS 50E ههههههه بو فلم يعني مثل ما فضحوني بعض الناس

والعدسة Tamron 28 - 300 mm

بإنتظار آرائكم ...
















والسموحه ...

[لمّــاح]

مــرحبــا ^_^

و أخـــيرا نــزلت المــوضوع ؟؟

والله والله يـــا مستــر انالوج، و الله يشهد على كلامي، احس انك تفوقت عليّـــــه في التصــوير . .

لمحت اهتــمامك بالتصوير من أول دقيقة شفتك تقبض الكيمره فيها، ليــن ماطلعت نتايج صورك . .

طبعا الصـور الي حاطنهم من اختياري، عند الجاي حليب يوم راويتني و قلتلك شو تحط و شو ماتحط ف مافي داعي أعيد و اكرر نفس الرمسه . .

كل الصور اعطيهن 10 على 10

رايي الحين مب مهم، خلنا نشوف ردود اخواننا الاعضاء عل و عسى انحصل شي يفيدنا

[الحاضر الغايب]

هذه شهادة اعتز فيها عزيزي لماح ... ومكانتك محفوظة ونظرتك في التصوير تفوقني بوايد بعد

وان شاء الله تكون اختيارات الجاي موفقه

تسلم على تعقيبك ومثل ما قلت .. بإنتظار آراء الاعضاء

والسموحه ...

[طير الغرام]

لاه لاه لاه
الصراحه امسكت الحاضر الغايب
بيغلب ناس

الصوره الأولى وايد عيبتني
الصوره الثانيه >> الفوكس عليها
الصوره الثالثه الصراحه لها طابع تراثي خاص
الصوره الرابعه شي الصراحه
الصوره الخامسه حلوه بعد
الصوره السادسه الصراحه منظر عجيــــــــب وجو ساحر

بالمختصر تصويــــــرك عجيـــــــب وما عليه كـــــــلام
وعاشت الكيمره بو فلم

..

لمـّـــاح >> مشكله الخقاقين

[الحاضر الغايب]

طير الغرام ...

لالالا ما بغلب حد ... انا ما يخصني

ههههههه هيه خلج وياي جي حمسيني على الكيمرة مالتي

تعقيبج اسعدني ... ورايج افتخر فيه اختي

والسموحه ...

[عافك الخاطر]

وعليكم السلام
ماشاء الله..
وين خاش كل ها
اممم انا بتكلم بحكم اني متذوقة في هالأمور بس..مب من ناحية خبرة.. لاني في حياتي ما زخيت كيمرة
1
حبيتها وايد
خاصة الألوان اللي طالعة في الماي من الانعكاس
2
هاي هي اللي كنت حاطها فـ الافيتر
انا يوم شفتها قلت ياربي ها شو ر
بكرة خياطة والا شو..لانها مب واضحة وهي صغيرة
احينة عرفت
بس حلوة ..ما عليها كلام
3
اممم ليش على اليمين مضببة شوي >يمكن عيني شي بلاها
الرابعة
عجييبة
5
حلوة بعد
6
هاي بعد حبيتها
بس لو امبين انعكاس المبنى كله على الماي كان بيكون احلى..

وفـ رايي
اللي تستحق العرض
الصورة رقم 1&4&6
وبالتوفيق خيّو..
:)

[لمّــاح]

اختيه عافك الخــاطر . . الصــورة واضحة !!

عينج شي بلاها يمكن . .

[عافك الخاطر]

امممم انا ما قلت كل الصور
صورة وحدة اتهيألي انها مضببة من على اليسار ..
رديتها شفتها..نفس الشي!
عيل عيني شي بلاها
بشرد
السهر يسوي بلاوي

[لمّــاح]

بســـم الله عليـج !!

اقول، اتقــربي من الشاشه قد ما تقدرين، يعني بينج و بين الشاشه انج او انجين، و ركزي ..
صدقيني واضحة !!

[الحاضر الغايب]

عافك الخاطر ...

تسلمين اختي على تعقيبج ... ونفس ما قلتي الصورة الثالثة من اليمين شوي ضبابية وهذه عشان الاسكنر ...

لماح الله يهداك لا تشكك الناس في عيونهم ... ولا تقول تقرب انج ولا انجين ... اتذكر الديبث اوف فيلنج

الله يعطيج العافية على هذه المشاركة ... وعلى رايج اللي احترمه بكل تأكيد

[أتمنى]

يســــعد صباحكم

ماشاء الله الصور اكثر من رائعه يا اخوي

:)

أتوقع لك مستقبل مبهر باذن الله في عالم التصوير

،،

نجي للصور ..




الوان الصورة و الظلال اعطتها انطباع رائع جداً

تخيلتها بزاويه مختلفه .. اوطى من كذا

يعني على مستوى الماء تقريباً .. اعتقد راح تجسد

الحجم و الشكل على انه "مدخل" بشكل اجمل

:)

.
.




رائـــــــــــــــــعة ..


.
.




هذي من جد رائعه في التكوين و وجود الرجال

لكن خسارة انها مهزوزة شوي و "آوت اوف فوكس"

:(

حاول تاخذها مرة ثانية و تستخدم "تراي بود" و تخلي الفوكس

على عيون الرجال .. اتوقع بتطلع مذهله

:)

.
.



أكثر وحده حبيتها

.
.

مجرد رأي مشاهد :) الله يعطيك العافيه

و من اجمل لاجمل ان شاء الله

[عافك الخاطر]

هههه الحمدلله ظهر الحق
لماح لازم بتقول ما فيها شي.. شايفها قبل حظرتك
يا الله حصل خير
اسمحلنا

[الحاضر الغايب]

صبحج الله بالنور والسرور

تعقيبج اسعدني اختي اتمنى

ونجي للملاحظات

بخصوص الصورة الأولى عجبتي الفكرة وان شاء الله اذا حصلت نفس المشهد راح اصور بنفس الطريقة اللي قلتي عنها ...


الصورة الثالثة

هممممم لا هي مب اوت اف فوكس ... لانها واضحة عندي .. يمكن اسويلها اسكان مرة ثانية ان شاء الله واحطها ... بس الملاحظ انه الاضاءة عالية وهذا الشي خلاها مب واضحة اكثر ...

وكل الصور هذه بالتراي بود ... لان التصوير كان كله في الليل وسرعة الغالق كانت صغيرة

والصورة الأخيرة اللي حطيتيها ... صورتها مرتين مرة الفوكس على الحجر نفس الصورة هذه ومرة الفوكس داخل الغرفة على الاشياء اللي داخل ... وحطيت هذه بس

الف شكر على هذا التواجد ... ونظرتج للصورة افادتني كثير ... لا تحرمينا من هذا التواجد

والسموحه ...

[لمّــاح]

الــحاضر الــغــايب، لااااازم تخــرب عليّــــه، خلنا انقص عالخلق . .

و عن الديبث اوف فيلنج، مسكين الريـــال يحبك وايد . .


عـــــــــافك الــخاطر . .

للأسف خرب عليه الحاضر الغــايب، اليايات أكــثر ان شاءالله

--

جماعه، السموحه عالسوالف هاذي، تراها مصخره لحد يزعل ^_^

[الشحية]

فناااااااااان >> ما شاء الله عليك ..
الصور أكثر من رائعــــــه :) ..
ونــــــــــاسه ..
أتمنى لك مستقبل باهر ..




لمــــــّاح + الحاضر الغايب ..
يالسه أقرا هالموضوع وأضحك .. >> http://oasis.bindubai.com/bin/showthread.php?t=27963