العــلاج الطبـيعي

**بنوته صغيرونه** · 08-01-06 ||, 06:26 AM

الســـــــلام عليكم

Physiotherapy

أبا معلومات عن هالتخصص و الاماكن اللي نقدر نشتغل فيها بعد التخرج و اذا كان هالتخصص مطلوب و الا لا ؟؟

و بليييز لاتطرون لي الـ spa لاني بحرج

اتعقدت منه

chaaw

**الحساس** · 08-01-06 ||, 10:44 AM

هلا

لين الحينوعلى اخر معلوماتي ماشي مواطن متخرج علاج طبيعي .. وان تخرجتي بهذا التخصص لا تستغربين ان حطوج وزيره للعلاج الطبيعي ;)

بمعنى ىاخى.. الدرب مفتوح على اوسع ابوابه للمواطنين بس خلهم يحدرونه..

التشيك هب من الافضل .. بل الافضل على الاطلاق في دراسه العلاج الطبيعي والصيدله.. واتي بعدها المانيا طبعا.. وسمعة هالدولتين في دراسه العلاج الطبيعي او.... في المصحات العلاجيه غنيه عن التعريف..

عنا بالتشيك 3 سنوات دراسه بس وتاخذن من بعدها بكلوريوس.. واذا تبغين سنة تحضيريه قبل هالـ 3 سنوات شي راجع لج وانا ماافضل الصراحه..

العلاج الطبيعي ياي دربه وقريب جدا بان يكون احد اهم التخصصات المطلوبه من مجتمعنا بالامارات وذلك بانن دبي ستحذو حذو الدول المهتمه ببناء المصحات والاهتمام برفاهيو كل من يبحث عن الراحه والاستجمام

العلاج الطبيعي ترومين تشتغلين فيه بالمستشفى النوادي المصحات ..

هذا تقريبا كل ما عندي من معلومات.. والسموحه منكم

**اللولوه** · 08-01-06 ||, 12:30 PM

السلام عليكم

تخصص العلاج الطبيعي موجود في جامعة الشارقه وهو تخصص متفرع من كلية العلوم الصحية

**عافك الخاطر** · 08-01-06 ||, 04:59 PM

وعليكم السلام
والله ونزلت الموضوع

زين اتفيجتي

شفتي انه مطلوب و كشخة

..
بالتوفيق بنوتة

..
.

**أحلى منصوري** · 09-01-06 ||, 05:20 AM

كل التخصصات ( المغمورة ) مطلوبة حاليــاً في الدولـــة ,,

المستقبل قدامج وشرات ما سمعت شي هالتخصص في جامعة الشارقة ( المبنى اليديد

)

موفقــة

..

**شمعة أمل** · 12-01-06 ||, 12:30 AM

اخت ربيعتي يالسه تدرسه اول سنه
وعلى ماظن في جامعة الشارجه

اذا تاخذين علاج طبيعي تشتغلين في المستشفيات او عيادات خاصه
شي عياده خاصه مجابل الواحه *المحروق* في هالبنايه الى عداله يسوي علاج طبيعي