وظهر فجأة ..

[مايهزك ريح]

قطع حبل أفكاري ..
أحلامي ..الوردية ..
مخططاتي ..لإجازة العيد ..
وظهر فجأة ..
لم استطع الهرب ..
فهاهو قادم نحوي..
لم يمهلني ..كي أقرر ..
إلى أي جهة انحرف ..
فأمامي طريق مسدود..
وعن يميني عمود إنارة ..
فلم يكن لدي خيار إلا ان اصمد في وجهه..
فحطم كل شيء في ثواني..
ولازلت استرجع ذلك الحادث..
الذي لولا عناية الله..
لكنت امضي إجازة العيد في المستشفى ...

[الدلووووعة]

الحمدالله على سلامتك ياخويه
واكيد خذت من ها الحادث عبره

[تحفه]

الحمدلله على سلامتك اخونا

[مايهزك ريح]

الله يسلمكم خواتي ..
الله يهديه دخل في موتري من اليسار..
وهو كان الغلطان لأنه الأخ كان يمشي وهو سرحان مادري راقد ..
كسر موتري والزجاج اتطاير في ويهي ..
وبكل وبرود نازل يقولي آسف ..بذمتكم شسوي فيه ..

[بلوة حلوة]

خـدوده بارده .. جان هفـيته بـ كف عـ ويهه يطلع
عيونه برع .. عسب ثاني مرة يشوف عدل

الحمدلله عـ سلامتك ..

اليوم الصبـح كنا طالعين انا وربيعتي .. سايرين مكان هاييج المسابقه
عدنا مقابله ..
شـو ماا عفـد ابنـا الدريول الرصيف .. كـُنـا حـ نموووت


يالله .. الحمدلله ع سلامتك وسلامتنا لول ..

[حبوبه دبي]

الحمدلله ع السلامــه اخــويه
،،،

اتحمـل ع عمــرك مــره ثــانيه

[دانة حتا]

حمد الله على سلامتك الطيب

[بيور]

الحمدلله على سلامتك ,,


المتفيجة ,,

[الجنيه]

السلام عليكم ورحمة الله وبركاته ...

الحمدلله على سلامتك يا خوي والله ستر ما تعورت وايد ...

ما عندك سالفه أنا منك بصنه بكف يعدل مزاجه ويخليه يصحصح ..

يعني لو الواحد أنتبه وماشي في أمانة الله ما يقدر يضمن هالمخبل الي في الشارع ...


الله المستعان ...

[عافك الخاطر]

يا الهي ما الذي حدث
الويل له
حمداً لله على سلامتك ايها الجبل
ولا تقلق ابداً
لعله اراد بذلك ان تكتب في هذه الواحة من جديد
وكل عام وانت بخير
:ghostface

[مايهزك ريح]

اشكركم جميعا على الرد ..
والله يسلمكم من كل شر ..

[المزوحي]

وبكل برود يقول آسف
كنت بسألك أخويه مايهزك ريح وين تصرفها ؟؟!!
سلامتك ... ولو العمود رض راسه يمكن مايعتذر لك .. لأنه بيحس بألم العمود !!
المهم ماياكم شر انتوا الاثنين ..
وسلامتك بو مايد

[مايهزك ريح]

اشكرك على الرد اخوية المزوحي ..
كان ودي اصفقه كف عشان ما يرقد وهو يسوق ..
بس الحمد الله احين انا ابخير ..

[ألم ترى]

بسم الله الرحمن الرحيم ..

وما يدريك بأن تلك الثواني التي حدثت لك بـ الحادث هي تطهير للذنوب ورفه عند رب العزة ..

فجعل لكل امر يحدث لك ان تقول الحمدلله ان كان خير والحمدلله ع كل حال ان كان مزعج ..

فالحمدلله ع سلامتك عزيزي وربك يعوضك بخير منها ..

ربي يحفظك ..

[مايهزك ريح]

اشكرك على الرد اخي محب الشيخين ..
والله يسلمك من كل شر ..
رب ضارة نافعه .. لأني شكلي بطلع موتر يديد..أن شاء الله