لقــد توهــقققققــت .!!

لول

--

1- سبع أشياء اتخاف منها ؟

1.الله ..
2.سوء الخاتمه ..
3. الصراصير > أصيح بسبتهم مرات عادي
4. كلام الناس اذا يأثر على علاقاتي
5. اختي العوده يوم تعصب
6. أسوي أي غلـط ادفع ثمنه فـ حياتي
7. أفـارق أهلي وكل من أحبهم


2- أكثر سبع اشياء اتحبها ؟
1. أحـب ربيعاتـي وايد
2. أحـب أكتـب وأشخبط وأصور أي شي يعيبني سواء موقف أو لقطه غاويه
3 . السفـر
4 . الخيـول > بس ما اركب خيول وايد
5 . السيـايير وبالذات الـ سبورت
6 . الثقـة بالنفـس
7 . أحب أخوي .. وااايد


3- اكثر سبع اشياء مهمه في غرفة نومك ؟
1. المكيـف
2. الشبريه باللي عليهـا
3 . جراجة الموبايل
4 . المنظـرة > يوم أبى اتذكر شي بسويه عقب ألصق ستيكرز عليها لول
5 . الليتات الســاطعه
6 . ملابسـي
7. مفتاحهـا



4- سبع حقائق عشوائيه في حياتك ؟
1. أحـب أطلع واايد ..
2. أحـب أقعد ويا ربيعاتي بـ ربشه ووناسه وسوالف ..
3. حاليّا .. > احب أروح عوافي بـ هالجـو يعني سوالف بر ودراجات وقعده وشوي وسوالف
4 . هممم قريضه و فيني حتـة خبال مش طبيعيه > سألوا عني
5 . احـب ألفت الأنظـار وأكـون بارزه فـ المكان الي أتواجد فيه مش بلبسي همم بطبيعتي وشخصيتي
6 . يقولون ان *شوري بـ راسي* لول
7 . جريئة وواثقه بعـمري وقالولي ان فيني ذكاء بس ماشوفه لول


5- سبع اشياء تخطط اتسويها قبل لا تموت ؟
1. أزور بيت الله
2. أسافر البلدان الي فـ خاطري أروح لها
3. أكون بارزه ومعروفه فـ أي مجال انا أحبه
4 . آخذ الليســن والسياره اللي فـ بالي
5 . حاليـا : أفوز بالمسابقه الي مشاركه فيها و أييب النسبة الي فـ بالي وأكمل دراستـي
6 . أكـون راضيـه عن نفـسي تمام الرضـا عقب رضا والديني
7 . أسـوي أي مشـروع غاوي يعيبني ..



6- سبع اشياء تجذبك في الجنس الآخر ؟
1. الهيبه والحضـور القوي
2. الثقافه والرقي فـ الحوار
3. الثقه فـ النفـس والأخلاق
4. الجمال والاهتمام بالـكشخه
5 . مايلين قلبه او يحب سوالف البنات بس أنـا يعني باختصـار
أحـب أكـون فـ اطار اهتمامه وبس من هالناحيه ..
6 .يكـون تفكيره متفتـح > OPEN_MIND
7. يكـون نفسه عسب يكون فـلان الفـلان مش ولد فلان ..



7- سبع كلمات او الفاظ او جمل تكون دايما على لسانك ؟
1. حطـاطي > حطاطي = حياطي = حياتي
2. يوم حـد يقول شـي مش معقول أعـيده وراه بصيغه جي مادري كيف
وعقب أقول ( ماقاالــووولي )
3 . نعمم نعمم
4. انزيــيييين
5 . استمـري فـ العطاء
6. هـه > أسمي ينقهـروون منها
7. ول عـاااااااااثره

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟
1. الشيخ زايد الله يرحمه
2. جابـر عبيـد
3 . الشيخ محمد بن راشد الله يطول بعمره
4 . بيليـه
5 . لبنى القاسمـي
6 . حامد زيد
7 . بن سليّــم

9- سبع مشروبات مفضله عندك ؟
1. اورنامين سي
2 . بيبـسي
3. ردبــُـل
> لو شافتني امي اشربهم بتكنسل ويزتي
4. عصير ليمـون سكر زياده لول
5. كـرك
6 . منجـا فـرششش مال الكافتيريا اللي صوبنا
7 . هوت كاكاو ههه زقرت اسمه جي


10 - سبع شخصيات كرتونيه كنت اتابعها يوم كنت صغير و تحبها ؟
1. السنافر
2. قرينـدايزر
3 . بسيـط
4. تيمون وبومبـا
5 . نيلز
6.السيده ملعقه
7. رامي نصف بطل
هي وتحيدون هاكي ؟ رحالة صغير يعيش في الفضاء يلتقـط النجوم وبها يطير لول
كان يلبس ثياب بنفسجيه



لول مابغيـت اخلـص .. خلصت 3 جبـسات وبيبسـي وانا اكتب الرد ههه
بروح أجيك عـ وزني امس بعدني كنت ناقصه 3 كيلوات ..
الظاهر اني بعوض الضعف

شكـرا دلوووعه لانج اخترتيني
هممم
اوه اهني مشوار ثاني منو بختار بعد ..
ماخليتوا حـد لول

همممممم

1. فـراشة ودّ
2.
3. خيال الحـب
4.
5.

اففف شو هـااا كل ما اختار حـد يكـون حد حاط اسمه قبلي
اذا يـا حـد فـ بالي بعـد برد ايي أكتب أساميهم ..

السموحه منـج أم خـدود ان شالله برجـع اكتب ..