السلام عليكم ..
الموضوع حــلو، و بما اني شفت اسمي فبشارك من بعد اذنكم و اذن كاتبة الموضوع ..
بسم الله نبـــدأ ..
1- سبع أشياء اتخاف منها ؟
- اخاف من اللـه
- اخاف من التهور و الحوادث
- اخاف من الفراق و الوحدة
- اخاف من الحروب و الكوارث الطبيعية
- اخاف من الضلام
- اخاف من الفشل
- اخاف من الموت و القيامة
2- أكثر سبع اشياء اتحبها ؟
- اللــه
- الرسول
- الوالدين و الأهل
- اصدقائي
- سيارتي ( النيسان )
- القرآن
- و احتفظ بالسابعة لي ..
3- اكثر سبع اشياء مهمه في غرفة نومك ؟
- الشبرية
- قوطي الكلينكس
- المكيف
- اللابتوب و الطاولة
- الموبايل
- ماي العدسات
- الكبت
4- سبع حقائق عشوائيه في حياتك ؟
- طـــيب بــزياده و مـــزاجي !
- عندي اسلوب عجيب في الاقناع، يعني اذا واحد مب طايع يقتنع، يودوني عنده و اقنعه بهاك الشي غصب
- اجتماعي وايد و من النوع الي اسولف و ارمس و حزة الخرشه أكون انسان ثاني
، لكن تيني حالات اكون انسان هادي و خجول ( ليش ؟؟ مادري
)
- ما احب اقلد حد لا في اسلوبه في الرمسه او المضهر
- عنـيد و الي في راسي اسويه
- انسان افرض وجودي في المكان الي انا فيه بشيئين، بعملي اني اكون مخلص فيه و بأخلاقي اني اعامل الي ويايه بحترام و ما ازعل حد
- أكره صفة عندي هي الجذب، ما احب اجذب لو كان الجذب هذا فيه مصلحة كبيرة من وراه او بيضرني بشي، و في نفس الوقت، الانسان الجذاب ابدا ما ارتاحله و اتضايق يوم حد يجذب
5- سبع اشياء تخطط اتسويها قبل لا تموت ؟
- أعرس
- أعتمر بعد مره
- أحج
- أبني مسيد
- أرضي اهلي و كل الي زعلو مني و ما احط في خاطري على حد
- اكون انسان بارز في عملي
- اخدم بلادي و ديني ولو بالشي البسيط و اتكون لي بصمة تشهد لي بالانجازات الي سويتها في حياتي لخدمة الدين و الوطن
- التزم
6- سبع اشياء تجذبك في الجنس الآخر ؟
- الأخلاق العالية و الدين
- تثــق في نفسها و تقدر تثبت وجودها في كل مكان
- مثقفة و فاهمه الحياة عدل و قد المسـؤولية
- الصدق، من اهم الاشيا انها ماتجذب
- الجمال
- الــخجل ( لكن مب وايد )
- إجتـــماعيـــة
7- سبع كلمات او الفاظ او جمل تكون دايما على لسانك ؟
- مثــل جديم دوم على لساني لكن ماقدر اكتبه هنيه (( ال ... اخو ال ... ))
- خــل عنك
- هيه مــرّرره (( يوم احس انه السالفه جذب ولا الي جدامي يتليوت عليه ))
- لا والله ؟؟
- عـنبوه !
- شو يسمونه (( تطلع مني يوم انسى الشي و احاول اتذكره ))
- لاحول !!
8- سبع شخصيات معروفه تحبها ( سواء عربي ام اجنبيه - سياسية او فنيه ) ؟
-ابويه
- الرســول صلى الله عليه و سلم
-الشـيخ محمد بـن راشد
- الشــيخ مجتوم بن راشد الله يرحمه و يغفرله
- محمد العبـار
- ريل عمـتيه
- اسطــورة الفــن الإمـــاراتي، مـــيحد حـــمد
9- سبع مشروبات مفضله عندك ؟
- الجـاهي، و الجاي حليــب (( ادمان ))
- كنـدا دراي
- دايت كولا
- اورنامين سي
- عصير الموز مال الكفتيريا
- كوفي فرابتشينو
- القهوة العربية
10 - سبع شخصيات كرتونيه كنت اتابعها يوم كنت صغير و تحبها ؟
- جونغر
- سندباد
- سانشيرو
- عدنان و لينا
- توم اند جيري
- غراندايزر
-السنافر
---
و اخيرا خلصت ..
شــكرا عالموضوع ^_^
رد مع اقتباس
أما في حلات ثانيه ما احبه
)
.. كل ما يمكنني قوله فلاشات بسيطة:
He is not a lover who does not love forever
) 
مواقع النشر (المفضلة)