سـبـع إجابات لكل سـؤال لو سمحتوا !

[غرشوب]

نسيت اختار الاعضاء
اوجه الدعوه لـ
الثعلب الرمادي
نور الايمان
لحظه صمت
الحقيقة المرة
عفاريتووو

.
.

[ألم ترى]

بسم الله الرحمن الرحيم ..

ام خدود .. الموضوع غاوي وراح يبين لنا احساس وشخصية الغير ..

فـ انتظار البقية ..

ربي يعطيكم العافية ..

[بنت الدلع]

اتصدقون اني نسيت اختار

لووول

انزين اختار
الملهم
نجمة دبي
محب الشيخين
الفارس 2000
عافك الخاطر

[الملهم]

السلام عليكم

1- سبع أشياء اتخاف منها ؟

= المولى عز وجل
= ذنوووبي
= بعض الحشرات
= الحيوانات المتوحشة
= التفكير بعد مشاهدة الافلام المرعبة
= اكون وحيد وملان
= دمووع قلم يوم اتشك فيني ^__^

2- أكثر سبع اشياء اتحبها ؟

= أهلي " ربي يحفظهم "
= اليهال
= الحيوانات المدللة " pets "
= واحات بن دبي
= لاب توبي ^__^
= نظارتي
= ربعي المخلصين

3- اكثر سبع اشياء مهمه في غرفة نومك ؟

= اللاب توب
= الشبرية
= سجادة الصلاة
= اثوابي
= القران الكريم
= المكيف
= تيشو

4- سبع حقائق عشوائيه في حياتك ؟

= الطلعة والمشي في المولات
= السنما
= اجتماعي كثير
= احب النقاش للوصول الى الهدف
= زيارة اهلي
= افر اي شيء جدامي اذا خسرت في لعبة
= اكره قوم " wassap men "

5- سبع اشياء تخطط اتسويها قبل لا تموت ؟

= رضا الله تعالى
= رضا اهلي
= زيارة البيت الحرام والمدينة المنورة
= اضع بصمة ايجابيه في حياتي
= اخدم ديني ووطني
= اكون اسره ناجحة
= احصل على ليسن ^__^

6- سبع اشياء تجذبك في الجنس الآخر ؟

= متدينة
= خلوقة
= تحمل المسؤولية
= الجمال
= ما اتكون عودة ولا ضعيفة
= تحب المرح " مش جدية كل الاوقات "
= دلوعه

7- سبع كلمات او الفاظ او جمل تكون دايما على لسانك ؟

= يا الله
= اذا نطق السفيه فلا تجبه
= اف " للتعجب "
= ههاااااااي " للضحكة "
= اللي ما يبانا ما نباه
= وااابوي & وااامي
= اوب اوب

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

= الرسول - صلى الله عليه وسلم-
= الشيخ زايد " رحمه الله "
= ميل جيبسون
= طارق المحياس
= انيشتاين
= هزاع المنهالي
= هاري بوتر ^__^
9- سبع مشروبات مفضله عندك ؟

= هيوستن
= بيربيكان " هذي حياتي "
= عصير ليمون
= شاي كرك
= كابتشينو
= فيتامين
= لبن

10 - سبع شخصيات كرتونيه كنت اتابعها يوم كنت صغير و تحبها ؟

= توم اند جيري
= كونج فوو
= سالي
= الابطال العشرة " طمطوم "
= كل يوم حكاية
= بس ما كنت اتابع وااايد رسوم

تسلمين على الموضوع الجميل ^__^
وشكرا على اللي عزموني على الموضوع ^__^

اممممم اختار ..
مسااافر للجفا
بحر المودة
المتفيجة
بني هاشم
عاشق القلم
" ما ادري اذا اي واحد منهم رد على الموضوع "

[الشحية]

الموضوع حلــــــــو ..
يسلموووووو أم خدود :) :) ..

[طير الغرام]

بنت ناس وعرب ، فراشة ودّ
مب جنكن وهقتنّي

أمري لله

1- سبع أشياء اتخاف منها ؟

- الله
- الموت
- الصراصير البريعصي واللي يقربولهم
- القطاوه
- أزعل شخص غالي
- مرات الظلام
- بيتنا اللي ف العين >> لنه مانسيرله وايد و... افهموها

2- أكثر سبع اشياء اتحبها ؟

- الله
- أمايه وأبويه
- My best friend
- ختيه الصغيرونه
- اليهال
- التصميم وكتابة الخواطر
- أحب اللي يحبوني

3- اكثر سبع اشياء مهمه في غرفة نومك ؟

- شبريتيه
- قرآن وأذكار
- سيادتين للصلاه
- لابتوبيه
- صورة أبويه
- منظره واعطور
- تلفزيون

4- سبع حقائق عشوائيه في حياتك ؟

- انطوائيه وااااااايد وأشك في قدراني واااايد >> مب واثقه من عمريه
- ما أحب أكون صداقات يديده
- استحي واااااايد
- أعصب ابسرعه
- حساسه وبسرعه اصيح
- أموووووت ع شي اسمه يهااال
- طيبه وع نياتي وأصدق ابسرعه >> عادي يعني ينقص عليه

5- سبع اشياء تخطط اتسويها قبل لا تموت ؟

- أحج
- أكفل يتيم
- أجوف خواتيه امعرسات ومستانسات
- آخذليه BMW 750 Li
- أصير دكتوره >> وأعدل اضروس أبويه لنه يترياني أخلص
- أعرس وأكون اسره وأول ولد أسميه >> حارب
- أموت وأنا مرتاحه والكل راضي عنيه

6- سبع اشياء تجذبك في الجنس الآخر ؟

- عنده شخصيه وقد كلمته
- طيب وحبوب
- راعي واجب وما يبخل باللي عنده
- اسمراني واطويل
- يلبس كنادير بس غير اللون الأبيض >> شرات أبويه فديته
- مثقف وأهم شي اسلوبه
- يكون عمره بدون مساعده من غيره >> قد المسؤوليه

7- سبع كلمات او الفاظ او جمل تكون دايما على لسانك ؟

- وايه لاه لأ
- وييييه حسبي الله ع ابليسج
- أسميج ما عينتي خير يا بنت ..... >> أقولها دوم حق خواتيه
- ماشاءالله
- امحق
- يعلني افدا ثرج
- لا حول ولا قوه

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

- الرسول عليه الصلاة والسلام
- الشيخ زايد الله يرحمه
- يدي الله يطول ابعمره
- يدتيه حمده يعلني افداها وربيه يطول ابعمرها
- محمد بن زايد الله يطول ابعمره
- حمد سالم العامري

9- سبع مشروبات مفضله عندك ؟

- كابتشينو >> 5 sugar
- فرابيتشينو كراميل
- كابري سن برتقال
- عصير برتقال فرش
- موكا
- لاكنور كوكتيل
- ليمون نعناع

10 - سبع شخصيات كرتونيه كنت اتابعها يوم كنت صغير و تحبها ؟

- قوس قزح >> مال الأحصنه الملونه ماذكر اسمه بس كشخه
- تيمون وبومبا
- علاء الدين
- جازورا
- السنافر
- دينفر
- جراندايزر
- مدينة الأطفال
- طمطوم
- سالي
>> وايد كتبت أسامي شخصيات كرتونيه

حشى ما بغيت أخلص

اممم أختار

- الحاضر الغايب
- الشحيه
- غرشوب
- لمـّــاح
- أحلى منصوري

[بيور]

مرحبااااااااااااا السااااااااع ,

وجااااان أحصل أسمي ,,

مشكوووة ام خدوود ع الموضوووع الترتوووب ,,

يالله نبدأ

1- سبع أشياء اتخاف منها ؟
- الله سبحانه وتعالى
- القطاوة
- الصوت العالي
- الشخص المعصب
- موت شخص عزيز علي
- المنقبات (ما أعرف ليش ) أخاف منهن :ghostface
- حجرتي لما تكون مظلمة

2- أكثر سبع اشياء اتحبها ؟

- الله سبحانه
- أبويه وأميه واهلي كلهم
- ربعي (ما أرووووم أعيش من دووونهم ..أحبهم واااااااااايد )
- التسوق في برجمان
- سيره البر والعزبه
- رنج سبورت
- جواهر جلاكسي

3- اكثر سبع اشياء مهمه في غرفة نومك ؟

- سريري
- لاب توبي
- جيتاري
- كبتي واللي فيه من ثياااب
- سيادتي وقرآني
-اللوحه اللي فوق السرير (كلهم يدورووون شراتهااا )
- المكيف (في الصيف و الشتاااا ما أستغني عنه )

4- سبع حقائق عشوائيه في حياتك ؟

- أحب أبويه وااااااااااااااااايد (دلوووعه أبوووهااا )
- الزلمة في العايله (مصريه بالقو )
- اذا بغيت الشي أحصله
- واثقه من عمري بزيادة
- اللي في قلبي على لساني وما أحب أخفي احساسي
- أكون مميزة عن غيري في كل شي (التصرفات واللبس )
- سوالف الريس والمواتر تعيبني

5- سبع اشياء تخطط اتسويها قبل لا تموت ؟

- ان شاء الله أحج وأعتمر
- أرضي اميه وأبويه
- أحصل الليسن والموتر اللي في بالي
- أتزوج طبعا وأكون عايله
- أسافر حول العالم
- آخذ الدكتوراه برع البلاد
- يكون لي انجاز في أي مجال أختارة(أخترع شي يديد )

6- سبع اشياء تجذبك في الجنس الآخر ؟

أوهووو عاااااد هذا السؤااال يبااله لسته كااامله
انزييين نبدأ ..
- اللون شي مهم (الحنطاوي الغاوي )
- الجمال والوسامه
- أخلاق عاليه
- مثقف ويحافظ على الصلاه
- رومنسي
- funny عند اللزوم
- النظرات الساحرة

7- سبع كلمات او الفاظ او جمل تكون دايما على لسانك ؟

- احلفي انتي بس
- لا والله
- ماشي موونه أو ما شي شغل
- كويس أوي أوي (بالمصري )
- who cares
- Whatever
- زين والله

- سبع شخصيات معروفه تحبها ( سواء عربي ام اجنبيه - سياسية او فنيه ) ؟

- أبويه الله يطول بعمره
- محمد بن راشد
- محمد بن زايد
- آل باتشينو
- جورج قرداحي
- الأمير ويليام
- جيفارا

9- سبع مشروبات مفضله عندك ؟

- أونامين سي
- آرسي (مااااااال أول )
- لبن أب
- كندراااااي (الاسود )
- ماوتن ديو
- دايت كولا
- سنابلز الوردي

10 - سبع شخصيات كرتونيه كنت اتابعها يوم كنت صغير و تحبها ؟

- سالي
- رحله عنابه
- سميد
- دنفر
- السباق الكبير
- روبن هود
- جودي أبوت (صاحب الظل الطويل )




وثاااانكس مرة ثااانيه ع الموضوووع الفنتك

واللي أختااارهم ..
خطــــــــــــــــاب
ريم العين
دانه حتا
غرشوب
بلوه حلوة

[بوسلطان]

السلام عليكم

1- سبع أشياء اتخاف منها ؟

- الله سبحانه وتعالى
- شيء سيء يصير لاي حد من اهلي
- من الامتحانات خاصة النهائية
- الملل

2- أكثر سبع اشياء اتحبها ؟

- اهلي
- الكووورة
- التعارف
- الكشخة

3- اكثر سبع اشياء مهمه في غرفة نومك ؟

- الفراش
- المخدة " اهم شيء "
- ايات قرانيه
- الكمبيوتر
- البلاي استيشن

4- سبع حقائق عشوائيه في حياتك ؟

- التسرع
- اتخاذ الامور ببساطه
- المرح
- المسامحة
- قلبي عطوف ورومانسي
- حساس

5- سبع اشياء تخطط اتسويها قبل لا تموت ؟

- اسوي اعمال حسنة واكسب اجور وحسنات
- رضى الوالدين
- اضع بصمة في حياتي
- اخترع شيء جديد
- احل اي خلاف بين اي شخص

6- سبع اشياء تجذبك في الجنس الآخر ؟

- الجمال
- الرزانه والثقة بالنفس
- تعبر عن شعورها واحاسيسها " رومانسيه عدم الخجل "
- دائما متفتحة كالازهار
- دائما متجددة ومفعمة بالحيوية والنشاط
- متفهمة جدا
- اجتماعية وفكاهية
- القدرة على تحمل المسؤولية

7- سبع كلمات او الفاظ او جمل تكون دايما على لسانك ؟

- الحياة مرة
- حركات
- لا والله
- يا شيخ

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

- عادل امام " من النواحي الايجابية فقط "
- عمرو خالد
- الشيخ زايد " رحمه الله "
- ويل سميث

9- سبع مشروبات مفضله عندك ؟

- اللبن
- الحليب مع العسل
- عصير مانجو
- عصير تمر
-

10 - سبع شخصيات كرتونيه كنت اتابعها يوم كنت صغير و تحبها ؟

- الرجل الحديدي
- سميد
- السباق الكبير
- جراندايزر
- هايدي
- داي الشجاع

والف شكر على طرحج للموضوع ..

[اخت اختي]

شكرا عالموضوع الجميل

1- سبع أشياء اتخاف منها:

- الله سبحانه وتعالى
-نظرة الشيخ محمد بن راشد آل مكتوم الحادة!
- مواجهة اختي إذا سويت شيء غلط
- اختي يوم أغلط في حقها
- من الأوامر (أخاف إني ما أنفذها بأكمل وجه)
- كل أنواع الحشرات
- أغلبية الحيوانات

2- أكثر سبع أشياء اتحبها:

- الله عزوجل
- الوطن
- هل جميرا
- اختي الكبيرة
- الرياضة
- الهاااااااااااااااااااااا اااااااااااااااااااتف
- العمل

3- أكثر سبع أشياء مهمة في غرفة نومك:

- أوراقي المهمة
- المكيف
- ذكريات عرس اختي
- ال cd مال الصور
- الشبرية المريحة
- السيادة
- القرآن

4- سبع حقائق عشوائية في حياتك:

- عصبية جدا"
- أثق في الناس بكل سهولة!!
- أمووووووووووووووووت في شيء اسمه الإمارات
- أحب هل جميرا
- أكره البنات إللي يتعدلن حق المولات
- أموووووت عالأكل (مع إني ضعيفة )
- نصراوية وبكل فخر

5- سبع أشياء اتخطط اتسويها قبل لا تموت:

- أحج
- أخدم وطني بقدر المستطاع
- أفتح حضانة
- مقابلة الشيخ محمد بن راشد آل مكتوم
- أحرك وأهيج الوطنية إللي في شعب الأمارات
- أربي عيال اختي
- أتزوج

6- سبع أشياء تجذبك في الجنس الآخر:

- جسمه (لازم يكون معضل بس مب وايد وأهم شيء يكون عنده 6 packs)
- الثقة بالنفس
- جنتل ومتفتح
- لحيته (يكون مرتبنها وخفيفة مب واصلة لين ركبته!! )
- خشمه (طويل)
- أهم شيء طيبته ويكون حنون
- كريم
- وأهم أهم شيء يكون رومانسي

7- سبع كلمات او الفاظ او جمل تكون دايما على لسانك ؟

- صااااااااااااااااااااااح
- اووووووووووووووووووووه
- how sweeeeeeeeeeeeeeeet
- ما شاء الله
- سخيفة
- يخرب بيته
- فدييييييييييييييييييييت الإمارات

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

- الحكومة الجميرية (اختي ، أنا عطيتها هالاسم)
- شيوخ الإمارات
- الشيخ محمد بن راشد آل مكتوم
- الفريق ضاحي خلفان تميم
- العميد خميس مطر
- أوبرا ونفري
- د. فيل

9- سبع مشروبات مفضلة عندك:

- كوكا كولا
- أورنامن سي
- كاراميل فابتشينو
- عصير ليمون بارد مع كرشد آيس
- مريندا
- عصير مانجو المراعي
- كرك

10- سبع شخصيات كرتونيه كنت اتابعها يوم كنت صغير و تحبها ؟

- توم أند جيري
- سالي
- سنبل
- كابتن ماجد
- كابتن رابح
- شارلك هولمز
- آكو

اختار... اممممممممم أي حد

شكرا عالموضوع الجميل

[عنود الريف]

واخيرا رديت على الموضوع كل ما احدر انسى ارد ..

وهاي الاجوبه

1- سبع أشياء اتخاف منها ؟
الله
الجن
ألعاب القرية العالمية اللي تزيغ .. راس مالي اركب المشخله (( هاي اللي نحن جذي نسميها)) وسيايير يتداعمن.. وعادي تلقوني راكبه العاب الصغارية(( سوالف لا تصدقون .. ادري بكم كل شي بصدقونه..))
أفلام الرعب..
اخاف اتعلم السواقه..يعني من السيايير ..
اخاف من الحنشان(( يعني ثعابين)) حتى لو كانت مسالمه .أجز من يلدها..
اخاف من الوحده (( مب النادي)) اقصد اني اكون رووحي

2- أكثرسبع اشياء اتحبها ؟
الله ورسوله
الوالدين طبعا ..بس اموووووووووووووووووت في ابويه .. انسان ما اصبر عنه ..
الالكترونيات (( مسجل .. موبايل .. تلفزيون وفيديو و دي في دي ولابتوبي والاي بود واشياء احب اركبها واصلحها في الالكترونيات))
البحر
المسلسلات الكورية والانيمي
الدراجات
الخيول

3- اكثر سبع اشياء مهمه في غرفةنومك ؟
شبريتي
براويز فيها صوري .. لوول
كتبي (( للقراية مب بس مال الجامعه))
مصحفي
شموع (( حق اللحظات الهاديه اللي ابا اعيشها))
مشطي ومكياجي وعطوري وكريماتي ووووو هالسوالف
شباشبيه .. لان ما اداني امشي وانا حافية

4- سبع حقائق عشوائيه في حياتك؟
زعولة
عصبية
يقولون اني وغده ونذله شوي ..
احب اكون قياديه ..
فضولية
أموت في الصغارية واحب اهتم بكبار السن اللي حوالي
و واااااااااااااااااايد مزاجيه

5- سبع اشياء تخطط اتسويها قبل لا تموت ؟
أحج بيت الله
اخلص دراستي الجامعية
ارضي والديني
ارضي الناس واتمنى الكل يسامحني
اكتب وصيتي
اعرس
يكونون عندي يهال


6-

سبع اشياء تجذبك في الجنس الآخر ؟
سمارته
ابتسامته
عرضه وطوله
طريقة تعامله وكلامه
اتكون له هيبه وشخصيه حتى لو كانت عليه
وبس ما عندي شروط ثانية

7- سبع كلمات او الفاظ او جمل تكون دايما على لسانك؟
استغفر الله
اندوك انته وصوخ انته
طاع انته
واااايه
والديه.. والدييج
عنبوه
حشى

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟
الشيخ زايد الله يرحمه
الشيخ محمد بن زايد
عبدالرحمن السديس
نبيل العوضي
حامد
توم كروز
سامي يوسف
9- سبع مشروبات مفضله عندك؟
عصير افوكادو
بيبسي دايت
شاني
شاي حليب (( كرك ))
كوفي
كاباتشينو
هوت شوكولا

10 - سبع شخصيات كرتونيه كنت اتابعها يوم كنت صغيرو تحبها ؟
سالي
ليدي
كابتن ماجد
جراندايزر
ساندي بل
ميمي (( هلت علينا ميمي من عالم النجومي)) هذا هوو
كعبول

اما الاعضاء اللي اختارهم ..
عايش وهم
قلوب دبي يوم بيرد
بهجة الروح
الورديه
الاسطوري

تسلمين اختي ام خدود
والسمووحة

[نجمة دبي]

هلااااااااا

توني اشوف الموضوع وبالصدفه شفت اسمي



1- سبع أشياء اتخاف منها ؟
الله \ الموت \ الفشل \ المرض \ الحشرات \ الظلام \ الوحده.


2- أكثر سبع اشياء اتحبها ؟
الله \ الرسول \ الوالدان \ اخواني وخواتي \ قطوتي \ البيت \ البحر.


3- اكثر سبع اشياء مهمه في غرفة نومك ؟
الاباجوره \ مكتبة الكتب \ السرير \ دبدوبي ( بطوط ) \ البوم صور العائله \ القرآن \ لوحة البحر.


4- سبع حقائق عشوائيه في حياتك ؟
الطيبه الزائده \ الغيره \ الانطوائيه \ الخوف \ البكاء \ الكتمان \ احلام اليقظه.


5- سبع اشياء تخطط اتسويها قبل لا تموت ؟
بناء مسجد \ رؤية اطفالي \ احج \ ارضي امي \ ادخل جامعة الدراسات الاسلاميه \ اكوّن عائله \ ازرع شجرة النخيل.

6- سبع اشياء تجذبك في الجنس الآخر ؟
القوه \ الرجوله \ قوة الشخصيه \ التدين \ الرومانسيه \ الطيبه \ الحب.


7- سبع كلمات او الفاظ او جمل تكون دايما على لسانك ؟
كيفي \ سبحان الله \ ماماتي \ حشى \ حركات \ حبيبي \ اوييييييه.


8- سبع شخصيات معروفه تحبها ( سواء عربي ام اجنبيه - سياسية او فنيه ) ؟
الشيخ زايد الله يرحمه \ الشيخ خليفه بن زايد ربي يحفظه \ نبيل العوضي \ مستر بين \ الشاعر حامد زيد \ الشاعر جمعه بن نايم الكعبي \ الكاتب نجيب الكيلاني.


9- سبع مشروبات مفضله عندك ؟
كولا \ عصير رمان \ اورنامين سي \ عصير برتقال \ عصير موز وهمبا+حليب \ ماي \ لبن.


10 - سبع شخصيات كرتونيه كنت اتابعها يوم كنت صغير و تحبها ؟
كاباماروا \ توم وجيري \ عدنان ولينا \ سيدة ملعقه \ حكايات عالميه \ بسيط \ ميمونه ومسعود.


انا اختار:
سيدة الحب
ذنيني
المرعب
عاشق القلم




تسلمين الغاليه عالموضوع الغاوي ..

نجـــــــــ دبي ــــــــمة

[مــهــابه]

شكــرا امـ اخـدود ع المـوضوع الحــلو..
وجــان احصل اسمـي ..

وببدأ اجــاوب الحين..

بسم الله

- سبع أشياء اتخاف منها ؟
- المــوت
- الله
- غضب امايه وابويه عليه
- من المجــهول والمستقبل
- من الوحــده ( اخاف ايي اليــوم اللي اكون فيه بروحي)
- أخــاف من الظــلام
- أخــاف امشي بروحي في السناتر..


2- أكثر سبع اشياء اتحبها ؟
- احـب امايه وابويه
- احب الله ورسوله
- احب خواتي واخواني وعايلتي..
- احب الصدق والصراحه
- احب العفويــه
- احب الوفــاء والهدوء
-احـب ايلس بروحـي يوم اكــون متضايجـــــــه

3- اكثر سبع اشياء مهمه في غرفة نومك ؟
- القران ( احطـه صوب راسي)
- دبدوبــي
- مخداتي ( 4مب وحده)
- سياده الصلاه
- مكــتبي
- دفــتر خواطري
- والســاعه

4- سبع حقائق عشوائيه في حياتك ؟
امم كيـف يعني؟؟
- عنيــــــــده وايد وايد وايد..
- حساسه بشكــل فضيع ( على كل شي اصيـــح)
- احب الولفه والتجمعات ،
- مســالمه ..
- لســــــاني طويل ( دايـم ادافـع عن الحق )
- اســتحي من الناس وايــد..
- احـب اسمــع هموم النــاس بس ما احب احـد يسمعني


5- سبع اشياء تخطط اتسويها قبل لا تموت ؟
- اسير الحج..
- تكـون امايه وابويه راضين علي..
- اتســـامح من كل الناس..
- احفظ القرآن
- اشــوف انســان غالي علي
-اشتـغل واكون لي سمــعه طيبه..
- اكفــل يتيم
6- سبع اشياء تجذبك في الجنس الآخر ؟
ليش هالسؤال يعني؟؟
- اممم يكــون شعره طــويل ( اختبل ع الشعر الطويــل)
- يخاف الله ، ويطيع امه وابوه..
- متـعلم ومثقــف
- اجتمــاعي .. ويحب الطلعــات..
- يحــترم الجنس الأخر ويــقدره..
- محـافظ ع صــلاته..
- مـرح ويحب السوالف

7- سبع كلمات او الفاظ او جمل تكون دايما على لسانك ؟
- دبــه
- سيري لااااااه
- اي دونت نوو
-ببكـــي ( هذي الكلمـه اقولها يوم ابا اطلع ومحـد يسوي لي سالفه)
- هــكا ( ومــعناها وجيه ، بالتونسي)
- عداااااااااااال
- خــوز عنه

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟
- بابا زايد
- محمد بن راشد
- محمد بن زايد
- عمر بن زايد ( اتخبـل عليه)
-ملكـ مملكــةة البحريــن
- الشــاعر حامد زيــد
- هزاع بن سلطان بن زايد

9- سبع مشروبات مفضله عندك ؟
بيبسي..
وبس

10 - سبع شخصيات كرتونيه كنت اتابعها يوم كنت صغير و تحبها ؟
-همتارو
- ريمي
- عدنان ولينا( ولد عمتي يسميني عبسي)
- ســالي ( دوم اتابـعها يوم تكـون غنيه ، ويوم تستوي فقيره تكسر خاطري ما اتابــعها)
- انا واخي ( اخب اغنيتهم)
- توم أند جيري
- صاحب الظل الطويل


اخــتار:
سفير الخيــال
انــامل
خيـــال الحب..
بحر الــموده..
بلوه حلوه

[بلوة حلوة]

همـووم الحب .. مشكوره حبيبطي لانج اخترتيـني ..
بس جلبي الردود وبتحصلين ردي ^.^"

[ناصر الخالدي]

سيدتي لم اكن فضولي يومــًا من الأيام ولكن جميل عندما تأتي فرصة لنقول ما يختلج بداخلنا ولكن للأسف انكِ حددتي اسماء وبالتالي لا استطيع المشاركة والإجابة إلا بعد موافتكِ وأنا انتظرها ..............على اية الحال كل الشكر والتقدير والاحترام اختي العزيزة ........

[تحفه]

السيد ناصر الموقر و بعد

أولا .. اسعدني تواجدك في الواحات .. و اعتقد انك عضو يديد فـ حيّـاك الله
ثانيا .. انته معزوم للمشاركه في الموضوع
ثالثا .. انا مش سيده لا تشوه سمعتي بعدني آنسه و نتمنى لك قضاء اوقات سعيده


نـــــــداااااااااااااااا ااااااااااءءءء

الاعضاء التالين تجب عليهم المشاركه

1- الحساس
2 - عايش وهم
3 - المزوحي
4 - نبراس الليل
5 - طفلـه من هذا الزمااان