مبرووووك 2006

[ديج الفريج]

حبوبة دبي

السلام عليج والرحمة

مرحبابج أختي

مشكووره على مرورج الغالي

حلو ان الانسان يتقدم او الدوله تتقدم
ما فيها شي لو انواكب التطور
لكن ما ننسلخ عن دينا وشخصيتنا

ليش الكفار متمسكين بعيادهم ونحن امضيعين ؟؟؟
ليش هميحتقرون أعيادنا ويجتلون فيها المسلمين ؟؟
ونحن نفرح وانشاركهم اعيادهم ؟؟؟
لهاي الدرجة نكره اعمارنا ؟؟؟

في وحده كبيرة في السن اتقول ...
ودو عيالكم وافي عشان يشوفون شجرة الكريسماس شقا حلوه
يوم اليده تفكيرها جي شو تبون يكون تفكير الحفيد

[حلم الطفوله]

وعليكم السلام ورحمة الله وبركاته

الحمد لله على السلامه يا ديجنا

مهما تكلمنا من بيسمعنا ...ومهما كتمنا بقلوبنا أكيد بيي يوم وبننفجر فيه

بأحلام اليقضه أتخيل هالانسان العربي المعروف بفصاحته وبلاغته ورجولته عقب خمس سنين جدام

كافي خمس سنين بس

أتخيله جدام المولات يالس على طاولات الكوفي شوب لابس البدل كلامه كله اجنبي والكواشي بإذنه

يلاحق الغرب بتطورهم بموضتهم بعاداتهم ويمكن يغير جوازه هروبا من واقعه العربي المتخلف

هالعربي كيف بيعلم عياله الدين؟ الأخلاق ؟ الرجوله ؟ حب الوطن؟

كيف بيعلمهم إنه بابانويل مب أبونا ؟؟ وإنه عيد الفصح مب عيدنا ؟ والانجيل مب كتابنا؟

وإنه بداية راس السنه الهجرية هو سنتنا اليديده

كيف بيعلمهم إنه الرقص والاختلاط الزايد بالحريم يحط من قدر رجولة العربي

كيف بيشرحلهم إنه التدخين والخمر والمخدرات والربا حرام دامه بيوم جربها ؟

كيف بيخبرهم إنه النخله بتمرها وذكرها بالقرآن أغلى عن امية شجرة كرسمس زينوها بأجراس

كيف بيقنعهم إنهم يستقبلون العام الجديد بقلب يديد وإيمان أعمق وقول يصدقه العمل

ياريت ناخذ من الغرب حبهم للغتهم وتطورهم في بلادهم وحبهم لعملهم

نقدر نخلي أيامنا كلها عيد ونحتفل كل يوم بمناسبه ... مثلا بالعيد زينوا غافة أو سدرة البيت

وقول حق هاليده المطوره قري بالبيت وقولي حق اليهال خروفة الليل تحت السدره

الله يهدي الجميع ..واسمحولي جان كلامي ما عيبكم

[ديج الفريج]

تسلم ايدج يالغاليه على هاي الكلمات

نحن ابحاجه لصفعه
لا ... نحن ابحاج لـ ...
يمكن انفيق

وليش ننتظر اختي خمس سنوات جدام عشان انشوف اللي كتبتيه
ليش انتي ما اتشوفين شبابنا اللي امطولين شعرهم ورابطينه ابشباصات خواتهم
ما اتشوفين الحلق في أذونهم
ما اتشوفين بناطلين " اللو وست " مثل ما يقولون
وحف الحواجب عند الشباب
ووووو ...
الله يستر علينا ويهدينا يارب
آميييييين

تسلمين على مرورج الكريم

[شوق القلوب]

الســـلام عليـــكم..

.
.

حلمـــــــي الجميـــــــل..

أبدعتي و الله ..!! كلام رائـــع.. و هموم طالعه من قلـــب متألـــم...

.
.

ديج الفريــج..

الغرب عندهم هالكرسميس شي مقدس.. مب عشانه له علاقه بالدين.. لا..

عندهم اليمـــعه الحلوه اللي يتريوونها طول السنه..

الهــــدايا.. كل واحد لازم يقدم هدايا للي حواليـــه..من كبير و صغير..

احنا بس.. زهبوا النيطان اليديده حق الصغاريه واشتروا لبس يديد..

لو كل واحد فيـــنا... جهـــز هديه ولو بسيــطه.. لأمه.. و اخوانه... و عيــاله.. بيكون للعيد طعم ثاني... مب بس فرحه الهديه.. لا بتكون فرحه انه حد فكر فيني و اتعبل و دورلي شي يفرحني..

.
.

يمكن ناس مب واعيــه لهالامـــور... بس أنا و انت و وكل اللي مروا على هالموضوع.. ناس في ايدهم انهم يغيرون اذا بدوا بأنفســـهم..

العادات الحلوه بسرعه تنتشر... و الناس للحين فيها خيـــر... بس محتاجين اللي يتجــرأ و يبدأ..!

.
.

ســـؤال أخيـــــر

كم من الأهـــالي في ليلة العيـــد... جمع الصغاريه حواليــه... و خبرهم ليش احنا نحتفل بهاليـــوم..؟؟ و كم من الأهـــالي عرّفوا أطفالـــهم.. بقصه اسماعيل و ابراهيم - عليهم السلام - عشان ينــمون عندهم القيـــمه الدينيه و الروحانيه .. قبل الماديه..؟؟