استيشــــن يغـــرز !

**الهيثــم** · 31-12-05 ||, 12:37 AM

. . . الســلام عليــكم . . .

الجو ما شاء الله عجيب اليــوم ... والأمطــار الي صوب مســافي ودبــا .. كم تســوا !
فـ قررنــا نطلــع طلــعه خفيــفة بدوون تخطيــط ولا شي ... يعني عـ السريـــــع ...

بوجــاسم : خطااب وينك .. !

خــّطاب : في البيت .. شبلاك متحمس .

بوجاسم : شو رايك بنرووح المعــارض .

خــّطاب : يالله سايرين .. شو ورانـــا ...

ووصــل بوجــاسم عنـد خــّطاب ..

خـــّطاب : شو رايك فـ الجو .. رهيب يا ريــال .

بـو جــاسم : خلاص ما بنروح المعــارض .. بنسير صوب الذيد ومســافي .

خــّطاب : ســايرين .. شو ورانــا .

بو جــاسم : اتصــل فـ بو مايد ( مسافرللجفا ) خــله إيي ويــانا .

خــّطاب : أبوك ما قالك إنك غبي !! ..

بو جاسم : لاه .. ليش !

خــّطاب : وبومــايد فاضيــلك الحيــنه ... تلاقيييه راقد الحينه .. حتى أبووه ما يعررفه .

بوجاســم : إنت اتصــل وما عليــك وبنقــوم عشيــرته ويــاه .

خــّطاب : خلاص بنجرب حظنــا .

وعقب محــاولات عديدة .. رد علينا الحبيب

خــّطاب : ها بو مايد شو تسوي .. وينك !

بو مايد : والله ما شي .. في البيت

خــّطاب : في البيت !! . . والجو برع جي .. يالله الحين بنمر عليك .

بومــايد : ويييييين !

خــّطاب : بنفتر شوي .. صوب مســافي وبنررد .. الجو عجيييب ..

بومــايد : دام البترول عليــكم .. ما وراي شي .. ( يحلييله عنده عقده ويا البترول )

خــّطاب : هيه أدريبــك .. النيســـان مفقرنــــك . . .. يالله ربــع ســاعه ونحن عنــدك . .

ووصلـــنا عن بومـــايد ونقعنــا ربع ســاعه عند البــاب ... ونحن نتريــاه ..

المهــم رديــنا الشــارجة ...
ونحــن ســايرين صــوب الذيــــد ...
قلــت حق ربيــعي ... يبــالك اتجرب موتــرك فـ البر ..
عـــاد هو اختـــرش ( وهو ما يعرف يسوق فـ البر ) ...

ودخــل ويا ريتـــه ما دخـــل ...
قتلــه اصعــد العرقووب ...

اتحمس الحبيب .. وصعد ويوم وصــل فوق ... غرز .. قتله بس أنزل .. ( يباله رياييل )
ونــزل الحبيب ... وخرشتــه عسب يصعــد مكــان ثــاني ..
والحبيـــب دفنــه في القومــة .. ورقد عليــه الموتر

اتوهقنــــا ... وأنــا أقــول فـ خاطري .. استيشــن ويغــرز ..
عيـــــــــــــــب !

نسمنـــا عـ التوايــر ...
وشفـــنا واحــد عنــده نيســان .. وطلــع ريــال طيب
بس المشكلــة إنه ما عنده قلص . .

وإترييــنا شوي .. وشفــنا واحد يزااه الله خير ياه وعنــده قلص
وحطيـــناه ورا النيســـان .. وبسم لله ...

وبس خـــلاص ..
واايــد اهـــذرب ..

شــوفـــوا الصــور ...
وبتحصلـــون وصلــة الفيــديــو تحــــت

وهــاي وصلــة الفيــديـــو . .
يوم ظهــر الموتـــر . .

http://drr.cc/up12/Video(089).3gp

والعيب من الخيال مب من الخيــــل . . .
ولا استيشـــن ما يغـــرز جي ...

^__^

المهـــم إنهـــا كــانت طلــعه حلــــوة
وعقبــها هـّونـّـا ومــا سرنـــا مســافي ..

وحولـــنا صوب دبي . .

^__^

ومشكــوريــــن حبــــايبي . .

**بيور** · 31-12-05 ||, 12:47 AM

ههههههههههههههه ..

أسميييييييكم سوااااااااالف

.. صدق والله ستيييييشن ويغرز .

.

المهم انكم استااانستووووا ,,

المتفيجة ,,

**لمّــاح** · 31-12-05 ||, 12:54 AM

خخخ ماعليه ماعليه تكبر و تنسى

**مسافرللجفا** · 31-12-05 ||, 01:01 AM

نـــاس يقلصـــون وانــــــت اتصـــــور

؛
؛

قلــت لهــم لا ادخلــون المــوتر في الرمـل

مــا يسمــعـون كــلامي

جفــت شو صــار اخر شي

عســـب تـــعرف النيســـان شو يســـوي

؛ ؛ ؛
؛ ؛
؛

اتبهـــدلنا اشـوي بس استــانسنا بالجو الحلــو

والبــراااد

تسـلم خطـاب ع التصـوير ،
صح انك ما قلصـت بس ارشـاداتك كفتنا

السموحة !

خيـــك
مسافرللجفا

**أمواج** · 31-12-05 ||, 02:55 AM

وافضيحتاه

استيشن و يغرز!! . . .

هه أكيد مفولين التواير عشان جيه غرزتوا

×

أحسن شي اتخلون البر لأهله . . .

ويسلموا على الصور و الفيديو

**الجنيه** · 31-12-05 ||, 03:03 AM

استيشن ويغرز ؟؟؟؟!!!!! صدق عييييييييييييييييييييييب

كله ولا الوحش ،،

بس الصراحه الجوووو يستاهل الطلعه أنتوا جبلتوا صوب البر وأنا البحر

برررررررررررررررررررررررر د
خطـــاب بدل لا أتفازع أتصور وأتراقب عن بعد ,, حركه ذكيه
عشان ما تتعب ولا تبذل مجهود ولا أتخيس من الرمل

**نجمة دبي** · 31-12-05 ||, 04:05 AM

ههههههههههههههههههههههههه

حليلكم والله ..

تحصل في بعض العائلات خخخخخخخخخخخخ

المهم انكم استانستوا .. :)

نجــــــ دبي ـــــــمة

**راعي الزعـامه** · 31-12-05 ||, 07:15 AM

مسكين حالكم والله

خربتوا سمعة الاستشين

بس ماعليه الكبير كبير

وتسلم اخوي على الموضوع

**أمرين** · 31-12-05 ||, 09:54 AM

لووووووووووووووووووول

فشييييييييييلة

وجان ما استانستوا ....

لو سمعتوا كلاااام مسافر للجفا .. جان ما غرزتواا

ههههههه

**فركوشه** · 31-12-05 ||, 10:12 AM

حليلكم والله..

وبلاكم فشله وفضيحه جي الاستيشن مب سياره.. والسياره ما تغرز مولييه..؟؟

بس الصراحه الجوو رووووعه.. وفنان..

**عاشقة دبي** · 31-12-05 ||, 03:31 PM

ههههههههههههههههههههههههه ...

مسكييييييييين حالكم استيييشن ويغرز .. خخخخخخخخخخخخخ ...

وافضيحتااااه ... هههههههههه بس صدق فنننننتكه ... ^_^

بس الحمدلله ع سلامتكم ... واهم شي انكم استانستوااا فالرحله ... ^_^

**الـيـاه** · 31-12-05 ||, 03:44 PM

يالله ماعليه تستوي في اكبر العوايل

هههه

المهم انكم استانستو .. ويسلم موبايلك

**بنت الدلع** · 31-12-05 ||, 04:52 PM

^_^

ونااسه

الصور حلوة وواظحه
خــّطاب : أبوك ما قالك إنك غبي !! .. >> كوول

الواحد يوم يغرز يحس بطعم الحياه
>> اكـــ ـ ـ ـــشــــ ـ ـ ـــــن <<

اهم شي استانستو