طريقة رغوة النسكافيه

**حزن الليالي** · 26-12-05 ||, 08:44 AM

بليز حبيت اعرف كيف يسووون الرغوه فوق النسكافيه

**أمرين** · 26-12-05 ||, 10:13 AM

ما اعرف والله بس انشاءالله يساعدوونج

**حلم الطفوله** · 26-12-05 ||, 10:20 AM

السلام عليكم عزيزتي

فيه طرق كثيره لعمل هالرغوه وإنتي اختاري

تحطين مقدار حليب بوقوس ونسكافه وسكر وإشوية ماي حار بكوب
وتخلطينهم بملعقه لين ما يستوي عندج مزيج متماسك...وتصبين فوقه الماي الحار مباشره
وممكن اتذرين فوقه إشوية نسكافه كشكل

ونفس الخلطة السابقه اتحطينها بدبة ماي صغيره وترجينها واااايد
وبعدين اتحطينها بالكوب وتصبين عليها الماي الحار

ونفس الخلطه السابقه بعد تحطينها بالكوب
وتشترين آله مخصصه للخلط بتحصلينها بأسواق 5و10 خاصه للرغوه

لو تبين الخلطات الجاهزه للنسكافه إلي هي 3في1
بس تضيفيلها اشوية بوقوس واشوية ماي حار وتخلطينهم بملعقه بسرعه
وتضيفين الماي الحار بالأخير

أتمنى أكون فدتج عزيزتي

**ملك** · 26-12-05 ||, 10:56 AM

انا دوم اسويها في البيت

خاصه لابويه .. يحبها

....

حطي ملعقتين نسكافيه صغيرة + شوية ماي بارد

و حركي بسرعه بيدج .. لفترة .. ليت ما يتغير لونه للاصفر

و سخني الحليب مع شوية سكر ..

و صبيه عالرغوة الصفرة ..

و حركي بالشوكه من تحت .. عسان ما تخربين الرغوة فوق

و شوفي كيف بتصير

كذا

**أمرين** · 26-12-05 ||, 12:31 PM

ملك

حلم الطفوله

تسلمووون والله

**بنت الدلع** · 26-12-05 ||, 01:15 PM

هاي

ماشالله حلم الطفوله خبره
انا اسوي الرغوه بس ما اخلط كل شي ويا بعض
يعني احط الماي الحار في الكوب ويكون داخله النيسكافيه (( والسكر ))
وحليب رينبو ارجه بروحه
وبعدين اصبه في الكوب