الســــــلاام عليـــــكم ورحمـــــة الله وبركــــاتــه
قــد تكــون التكلفــه السعريــة لهــذه المواد المكونــه من المواد المسرطنــة أقــل بكثيــر من تلك السليمــة والمفحوصــة والتي تبــاع في دول المصنعيــن الأجــانــب ..
فنحــن لسنــا إلا شُرّاء نرضــخ لهــم ونشتري ما لا يُشــتــرى .. نحــن المستقبليــن ولا يــجــوز لنــا الرفــض بل الرضوخ للأمــر الواقــــع .. وكان الله في العـــون
شــكــراً أخـتـــاه
..
المواد المسرطنة تكون موجودة اكثر شي في الاغذية المعلبة .. خاصة اللي كاتبين عليها Eوعندها ارقام ..لان هذي الوان صناعية .. يعني اي شي فيه الوان صناعية مشكوك فيه..
حتى عندج جبس جيتوس هذا مليان الوان صناعية
..والقائمة تطول
المشكلة ان اكلنا مب طبيعي نفس قبل..
في الماضي اكلهم كان طبيعي وكل شي مسواي بالايد ..حتى الفواكه والخضروات كانت تنزرع بطريقة غيير عن الحين..الحين بس شكل و حجم على الفاضي ..
ومب المشكلة في الأكل نفسه ..المشكلة في طريقة تحضيره بعد..
المواعين اللي نطبخ فيها الحين غير ..والأجهزة اللي كل سنة يتفننون في تحضيرها بعد..واكبر مثال المايكرويف.. هذا كله اشعااعات لها تاثير خطير..
احياناًَ احس ان شعبنا حقل تجارب
وايد منتجات يصنعونها الغرب و احنا ما نصدق وبكل ثقة عمياء نشتريها بالكراتين حتى قبل ما نشوف ونتاكد ..
احين مشروبات الطاقة انتشرت بشكل فضيع عدنا..وتنباع لأي حد..!
لكن تعالي في الغرب وخاصة قوم كوريا و اليابان ما يسمحون لاي حد انه يشرب هذي المشروبات .!
......
.
لاحظت شي ..أن الدول اللي تعتمد في اكلها على منتجاتها المحلية تقل فيها نسبة الاصابة بهالامراض اللي منتشرة عدنا ..واحنا للأسف منتجاتنا الصناعية تنعد على الاصابع
شكلنا آخر شي بنتبع نهج مريم نور
...
.
خلاص أنا قررت أزرع شجرة برتقال << لومي حامض
وأربي لي صخلة << بسبب جنون البقر
وقفص أرانب << بعد انفلونزا الدياي
وعن أنسى بلحق أسوي لي حوض سمج قبل لا يصيبهم مغص السمك!
على هالحال شو ناكل؟
ولا انصوووم الدهر يعني ؟؟
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)