يا عيني عليها ...كامري 2006 ( كوبيه )....

[عهد الوداع]

شو رايكم ... الصراحه دلــــــــــــــــع ...


( صدق هالرمسه) ....الي يعرف يقول...

انه هالسياره تنزل في امريكا بس

وما تنزل عندنا ولانها تجميع امريكا

ومواصفتها امريكيه ولو بتنزل عندنا بييبونها بدون الشاشه وبعض المواصفات...

[فركوشه]

فنااااااااااااااااانه..

تسلمين عـ الصور..

[بحر الموده]

سلام عليكم

ضحية امس

تسلمين خيتووو على الصور الحلوه .. وهاى كامرى امريكيه على مااظن

وماتوصل الخليج ولا بهاى المواصفات .. الكامرى الخليجيه من المتوقع يتغير شكلها سنة 2007

والسموووحه

[شمه]

بحر الموده
يعني نحن بس تنزل عندنا المواصفات الخليجــــــــه؟!
هم مواصفاتهم في كل السياير احلى..

ضحيـــــة امس ..
تسلمين ع الصور..
عيبتني الكامري..
:)
شمـــــه

[عهد الوداع]

الله يسلمكم على المشاركه الحلوه ..

ومشكوره اخوي بحر الموده على الرد ...

[عمة العيم]

ضحية امس

السلام عليكم ورحمة الله وبركاته

تسلمين على هالجهد

بس بغيت اسأل

اسمع يقولون كوبيه او سيارات سبورتيه هب مال بنات

فشو رايكم؟ انا اشوف كامري كوبيه بنوتيه يعني تنفع للبنات...

فهل تعرفون سيايير سبورتيه (يعني صغنونه رشيقه طيبه قويه فنانه) تنفع للبنات؟

عسب ماكون شاذه في الشارع (بنيه راكبه فراري مثلاً) نو واااااي

ارجوا الرد على سؤالي

خدافس
:)

[المزوحي]

نفس أفالون شويه

[أمواج]

ماعليها كلام

[عهد الوداع]

هلا اختي عمة العيم ...

والله اختي السيارات السبورتيه عموما يقولون ما تنفع حق البنات ...ما ادري والله يمكن عشان وايد قوووووووويه هههههههههههههههه...

انا في راي السيارت الي تنفع حقنا مثل الكزس او البي ام ..حتى الكامري حلييوه تنفع للبنات ...اصلا كل شي ينفع للبنات صح ...

اذا سقتي فراري اخذيني وياج يوم بتطلعين خخخخخخخخ

واشكر الجميع على الطله الحلوه ...

[نبراس الليل]

ياسلام

من كل شي محرومين هنا

[خيال الحب]

مرحبا

على ماعتقد اسم الكامري سولارا او سولاري

وهاي بس تنزل في امريكا وموجوده في العوير الي يبغي يشتري منها


اختي عمة العيم,,, خذيلج سي ال اس,,, شكله نفس الكوبي وماعليه اي غبار؛؛ انتي بعدج ما خذتي سياره خخخخخخخ

[عهد الوداع]

ثانكس على الطله الحلوه ...

[عمة العيم]

بعدني هي والله

كلما اختار سياره قالوا مب مال بنات

شكلي بشتري باص ياباني بــ 15 ألف

بصيح :(

[عهد الوداع]

احلى شي اتسوينه ههههههههههههههه ....عشان كلما تطلعين تمرين علينا ...

[عمة العيم]

هي امر على اعضاء الواحات انسير كشته

شورايكم