السلام عليكم ورحمة الله وبركاته
هذه ثاني لوحه لي بالالوان الزيتيه
اتمنى ان تنال اعجابكم
خدافس
السلام عليكم ورحمة الله وبركاته
هذه ثاني لوحه لي بالالوان الزيتيه
اتمنى ان تنال اعجابكم
خدافس
يالله
ماشاءالله عليك اختي عمة العيم الصراحة من غير مجامل من اجمل اللوحات اللي شفتها
تميز وابداع شكرا على اللوحات الجميلة
طارق
اللووحه روعه
والله انج فنااانه
ولاتحرمينا من ابداعاتج
اختج
..هنــا[ مفتــرق ]الطريــقــ .. !!..شكــرا ً
واااااااااااااااااااااااو
عيني عليج بارده
لوحة في قمة الروعه
بصراحه احلى منظر بحر شفته
استمري
شكرا لكم اخواني و اخواتي
اسعدني تواصلكم معي
اتمنى ان يستمر الوصل بيني و بينكم
و ربي يوفقكم
خدافس
هيه أخيرا شفنا لوحة بعد عناء ومب أي لوحة
لوحة رائعة جداً جداً
البحر الجميل بأمواجه الحلوة الرائعة
وتستحقين أحلى من الردود الحلوة إلي يتج بعد يا أستاذتنا المتفوقة
...
بس بعطيج نقاط حاولي إنج تعدلينها في لوحتج وخذيها بعين الإعتبار
ما في شي إسمه نهاية في اللوحة الزيتية حتى لو بعد مدة طويلة
لأن الألوان الزيتية لو حتى رسمتي على لوحتج لوحة ثانية بألوان يديدة
ميزة الألوان هاي أنها تتقبل أي إضافة
وإلي بغيتج تنتبهين عليه
الجهة اليسرى من الأمواج إلي هي قريبة من المشاهد
ركزي على الرذاذ الأبيض المتطاير أكثر
وفي نفس الوقت قبل لا تعدلين أي شي في اللوحة قوليلي هل هي لوحة إنطباعية
ولا واقعيه
أنا من إلي شفته فيها تأثيرات إنطباعية
عشان ما أدخلج في متاهات التعديل
أنتظر جوابج
وأثني كثير على لوحتج الرائع جداً
خالص تقديري لمعلمتنا
محاق
اسعدتي محاقنا على طلتك
و بالنسبه للرذاذ انا مسويه كتل بس بالصوره ماتبين
حلات اللوحه على الطبيعه
و اكيد لوحتي مابتكون كامله لانها ثاني لوحه رسمتها و ماكنت عارفه شو السالفه هههه
و هي رسمه واقعيه........لكنها غير انطباعيه لكنها توحي بالانطباعيه لان الانطباعيه فيها نوع من الواقعيه
لكن الانطباعيه دوم يركزون على الالوان الفاقعه و هني في لوحة البحر الوانها فاتحه و باهته فماعتقد انها انطباعيه
و لكم جزيـــــــــــل الشكر استاذنا القدير الرسام المبدع المحاق المشتعل
خدافس
أحلـــــــــى منظـر عندي ،،
واايد احـب أتأمــل البحـــر وامــواجه ،،
ابدعـتـــي والله
مــاشالله عليــــج
يالله نتــرقب شـرات هاللــوحات ،،
والسمــوحه
شكراً حبوبه
يالله نترقب لوحات حبوبة دبي
خدافس
عمتنا المبدعة
هي تبين واقعيه
ومثل قلتي كلامج قمه في الصواب
لكن في المرة اليايه حاولي اتدخلين شي من الإنطباعيه في اللوحة
ما أقصد اللون الإنطباعي
أقصد الشكل الإنطباعي هني
يعني
زيدي من كتلة الألوان وبالذات اللون الأبيض مكان الرذاذ المتطاير من الموج
بتحسين عند انتهائج من اللوحة أن الموج يبغي يطلع من اللوحة
نفس هي التجربة زيدي كتلة اللون في لوحة الجرة على الفواكه فقط
بيصير فيها بروز عجيب جداً
وبتستوي لوحتج واقعيه ممزوجة بالإنطباعيه الجميلة
بس نصيحتي لزيادة الجمال فقط ولوحتج والله انها حلوة وايد
بس طبقي إلي خبرتج عنه وأعرضي النتيجه وبنسوي مقارنه بين لوحتج الجديمة واليديدة
موفقه فنانتنا القديرة المبدعة
كل تحياتي وأحترامي
محاق
شكرا لك وعلى اهتمامك استاذنا القدير الرسام المتميز محوق
و كلامك عيبني وايد
بس انا مسويه كتل بس بالتصوير ماتبين انا مخلصه اللون الابيض على هاللوحه ههههههه
يبالي اييب لك اللوحه بيتكم عسب تشوفها
مشكله التصوير مب شي لهاللوحات
عالطبيه احلى
خدافس
قمة في الروعه هذه اللوحه
مشا ءالله عليج اختي عمة العيم
ننتظر جديد لوحاتج
مع انج اتقولين تصويير
بس يباله بعد
صدقيني حطي وشوفي
وثاني شي أبغي اعرف شي
كم الفترة إلي خذتيها على اللوحة كم يوم؟؟
شوفي كل هاي الأسئلة إلي أسألج إياها
أنا أبغي اعطيج الفن إلي عطاني اياه استاذي
وأعتقد انه هالدكتور لو تتعلمين عنده
بيكون أحسن عن ألف جامعة ومعهد
بس أنا إلي اباه
آخذ من خبرت مدرسينج وانا أشاركج بإلي عندي عشان نصحح أخطاءنا
ونوصل لفن جميل ونتوصل فن جميل خارق
اتعرفين عمتنا
أنا اتعلمت ارسم الزيت عند مدرس من زمان أكاديمي
لين ما كان يدور في بالي إني اتقنته واني اقدر أنافس
ويوم درست عند هالدكتور
ورويته لوحاتي
إطالعهم جي وقالي زينه ... حلوة ...
مول مب من خاطره
انا قلت في خاطري ها يتفلسف مثل الباقين
تم يدرسني لدرجة انه إيودني من اذني بالمصخرة ويقولي ارسم إلي اقولك إياه واتعلم
أتخيلي لوحة وحده انمل لين ما نرسمها
على اللوحة ناخذ شهلر يمكن
واللوحة خلاص امخلصه في نظرنا
لكن يقول لا كمل
وبهاي الطريقة علمنا
فقارني نفسجل الفترة إلي ترسمين فيها طويلة ولا قصيره
وجفاف الألوان في الزيت تقريباً خلال 3 ايام
فهذه الأشياء يحتاج المرء للتكتيك لها بدقة
حاولي ان تصفي طرقة دراستك وجدولك كي استفيد منه إن شاء الله
تقديري الدائم لفنك الرائع مدرستنا
محاق
. . .وعليكم السلام ورحمة الله وبركاته. . .
عمــــوتناا وفنانتنا الغاليــة ،،
. . .عمة العيم. . .
تبـــــــاارك الرحمـــن .. ما شاء الله عليــــج عزيزتي ،،
اللـــوحة تجـنن وقمـــة في الإتقــــان . . .
شكل الأمــواج وانطباعها على الشاطيء .. ما شاء الله ،،
كأني أشم ريحــة البحـــر واسمع صوت الأمواج !
مبــدعـة ربي يسلم أناملج الذهبيــــة ،،
محــاقنا الفنان ،،
ومنكم نستفيــد .. ردودك وايد افادتني ،،
خاصة إني بديت ارسم بالألوان الزيتية .. وبعدنا في أول المشــوار. . .
يعطيكم العاافيـــة ،،
كل الـــودّ. . .
دمعة العين
Insta: @bati0art
دمعة العين
أنا سعيد بتجمعنا الفني هذا
مثل ما انتي استفدتي
أنا والله ابا استفيد منكم بعد
ومن عمة العيم بعد
لأني أشك انها تدرس هاي الأيام في مكان بس ماتخبر حد ههه
فإن شالله بنحاول إنطلع عيونها عشان اتعلمنا إلي اتعلمته
واشكر تجمعكم الفني الرائع هذا من كل قلبي
الذين يشاهدون الموضوع الآن: 15 (0 من الأعضاء و 15 زائر)
مواقع النشر (المفضلة)