من يريد العمل؟؟

[اخت اختي]

السلام عليكم ورحمة الله وبركاته،

أي الشركات تقبل العمل "online" أي نحن ك طلاب نقدر نشتغل ونحن في البيت.
إذا في أي حد عنده أي فكرة فليتفضل ويكرمنا بعلوماته. على الأقل نملي وقت الفراغ بشيء مفيد..

شكرا" وجزاكم الله ألف خير.

[طير الحب]

السلام عليكم ورحمه الله وبركاته...

حتى أنا أتمنى العمل عن طريق النت...

[اخت اختي]

نرجوا من إللي عنده أي معلومة يفيدنا
شكرا عالمرور طير الحب

[الجنيه]

السلام عليكم ورحمة الله وبركاته ،،


الصراحه ما أعرف اسم شركه محدده بهالمواصفات
بس أتمنى أتلاقون الي تبونه ,,


في منتدى أموال الامارات هذا بالنبسه للي عنده بضاعه ويبي يروج لها عن طريق الانترنت أو يبيع وتقدرين أتحطين موضوع في قسم الوظائف و ان شاء الله الأخوان ما بيقصرون وياج ..
www.uaemoney.com
أتمنى يفيدكم ...

دمتم بود

أختكم الجناويه

[اخت اختي]

مشكووووووووووووووورة اختي الجنية عالمرور والاهتمام :)

[ألم ترى]

بسم الله الرحمن الرحيم ..

كان ودي اساعدكم لكن معلومتي محدوده واذا وصلي أي شيء فأن تحت الخدمة ..

بالتوفيق إن شاء الله ..

[الحساس]

السلام عليكم ورحمة الله,,

اسمحولي ماعندي فكره رغم ان كانت شي 3 وظايف كانت موجوده قبل كم شهر للي يبا يشتغل على الانترنت واظن راحت..

بس بخبركم بشي..

تعرفون العاب الكومبيوتر.. الان من الممكن لعب هاي الالعاب بالانترنت online مع ناس اخرين

مره سرت اشتري لعبه بدبي وقالي راعي المجل ليش ماتاخذ هاللعبه (نسيت اسمها) يقولي هاي المشهوره بكل العالم السبب ان الواحد يلعبها ويقوي محاربه ويحصل سيوف زياده ونقاط زياده (طبعا يلعبها online) ويورم هذا الشخص يبيع نقاطه وسيوفه على اس اخرين عسب يستفيدون منها للعبه.. وبالتالي يسون بزنس وناس متخصصين بس في هالالعاب يلعبون ويحصلون نقاط ويبيعونها..

شفتوا لوين وصل التطور في تحصيل الفلوس :)

الله يوفقكم ..

[اخت اختي]

مشكور اخوية محب الشيخين عالمرور والاهتمام

[اخت اختي]

مشكور اخويه الحساس عالاهتمام.. مشكور عالمعلومات

[خيال الحب]

السلام عليكم,,

قبل فتره كنت ارمس واحد في المسن,,, فقالي انه يشتغل في مدينة دبي للانترنت,,, وهو قاعد في البيت,, قلت له كيف,,, قالي بس ادخل المواقع واطرش لهم اخبارر واخر الشهر يعطوني معاش... فما ادري اذا هذا صدق او خرط؟؟؟

اخوي د.الحساس....

متاكد؟؟

انا الي اعرفه انك تقدر تبيع ,,, بس ماتحصل فلووووووووس صدقيه ,, بس فلوس في اللعبه انك تقدر تشتري سيف اقوى من الي عندك لووول تراني خبره بهاي الالعاب ,, الله يخلي الصغاريه الي في البيت خلوني مدمن على هالالعاب,,, ولو تبي اللعبه خبرني عسب اعطيك الموقع ترا والله كشخه,, وخاصه للي يبي يقوي الانجليزي عنده,,,

[اخت اختي]

مشكور اخويه عالمرور

[اخت اختي]

محد عنده أي فكرة؟؟

[خيال الحب]

انا عندي فكره,,

تعلمي ع الفوتوشوب,, والفلاش والماكــس... وتخصصي بسوالف المنتديات,,

وعقب سوي اعلانات,, انج تسوين بنرات للمنتديات او منتدى كامل,, تراه سهل.. او انج تسوين بطايق فلاش,, ترا في مواقع تشتري بطايق وهالسوالف,,,


والفلاش والفوتوشوب والماكس ترا من احلى البرامج الي اشتغلت فيهاااا,,,

وبــس ها الي عندي

[العجيبة]

احترفي لج مهنه في البيت وسوقي لها عبر النت ، بتحصلييين واييد زباين اييونج خاصه لو شغلج حلو ومرتب !

خبال الحب .. عطنا الموقع اللي تقول عنه نبااا نلعب !!

[الحساس]

خيال الحب شو اسم الموقع .. خلنا نتسلى به