معـــــــاناة الثانويــــــــه العامــــــــــه

[بنت الدلع]

مرحبااا ملايين ولايسدن

شحالكم؟؟

انشالله مرتاحين

واقول حق اولاد وبنات الثنويه شو المذاكره ويااكم؟؟

ترتوب ولا

شو امتحان الفيزيا وياكم

عجيب صح

المهم

انا الصراحه وااااايد لايعه جبدي من العربي

يوم افتح الكتاب عيوني تحول جذه تستوي

ماعرف شو اذاكر بالظبط

صلوح على سلوم

و رشود على حموود

الشوها

مايخفون علينا شوي

والله هالكينا هلاك

ومتعبينا

قلنا ثانويه عامه بس مب جذه عاد

داحقين كل شي في الكتاب

حاشينه حشو

الله يسامحهم الصراحه

جوفو الصفحه كيف

يحليلها تشكتي

كيف نذاكر يعني !!!

انا ابا افهم نحن ندرس عربي ولا تاريخ

ولا هالأوراق اللي يعطونا

اونه ملخص للدرس

الله يعينا الصراحه

اقووولكم

لاتعلقون على خطي

[طير الغرام]

الله يعينكم والله

وكله ولا العربي أنا يوم كنت ادرسه أقرا أول شي الدرس
بدون الملاحظات اللي عليه والخبصه كلها
وعقب أمر ع الملاحظات مرور الكرام

حتى مرات إذا بديت ادرس قبل الامتحان بفتره وقريت الدروس ما أرد أقراهن >> من العيازه
بس صدق أحلى الأيام
أيام امتحانات الثانويه العامه

ربي يوفقكم إن شاءالله >> وروحي ادرسي بدال ما اتجابلين النت

ياليت لو اتصغرين الصور

[لمّــاح]

شــــو هـــــا !!

صــــدق القــــايــل يــوم قــــال بنــــات هايـــلا مـــا ينــلامون !!

مــا تــم شي ما سطرتيــه، و الألوان و الملاحضـــات، والله صدق ضحكت على عمري و ربعي ، أذكر على ايام الثانويه العــامه نص الدروس مب محلوله و الكتــاب مب مجلــد و نضــييييييييييييف حتى ريحة المطبعه بعدها موجوده فيه، و في اماكن الملاحضات بدال ما نكتب ملاحضات، كاتبين اوردرات الكفتــيريا ( سنويجات و عصــاير ) أو كاتبين ارقام محلات و قراجات
هــا كلــه و بعد انيــب عــلامات زيــنه، الله يعينــكم انتو البـــنات متــعقـدات من كل شــي

[بنت الدلع]

طير الغرام لووول صغرتهن

صح ان هي احلى ايام

بس الصراحه مانلحق انخلص
كيف يبونا نذاكر وهم مب عاطينا اجازه غير اربع ايام مادري خمس

شو يسون هذيل
يدوب حق الكيميا والفيزيا

[بنت الدلع]

لماح

هههههههه زين والله سلفني كتابك عيل
انا استغرب منكم كيف تنجحون
ماشالله عليكم

اذا مالونت الكتاب يكون شكله مب حلو
اما جي على الاقل تنفتح نفسيتي واقدر اذاكر

لا مب متعقدات
بس البنات غير عن الشباب تهمنا النسبه
بس اغلب الشباب اهم شي عندهم ينجحون

[الرايد]

ماشاءالله معـــاريس مب كتاب لوول

عيل الحقي على كتابي وكــاله هههههههههه بس مجلد

بس الله يخلي اوراق الامتحانات على طــول تتسرب

(منو يبا الاوراق)

[ريم العين]

هههههههههه
والله تكسرون الخاطر
الله يعينا نحن يوم نكون ثالث ثنوي
اضني انتو يوم امتحانويوم اجازه سمعت جي *-*

[الهيثــم]

هـــلا ...

والله أحلــى أيــام .. أيام الثـــانوية
وذكــرتيــني بـ الدروس ...

زايد المبدأ والموقف .. ونكبة دمشق .. ووغيرها من الدروس .. والأدب

بصــرااحــة .. أنــا كنت ماخـــذ كل شي ببـســاطة .. والحمــدلله يبـــت 95 ولله الحمــد
هذا كله بفضل الله ودعواات الوالديـــن لنـــا ...

يعني ما في شي يحتــاي لكل هالتعقيــدات .. صح إنه كتــابي كان أخس عن كتــابج
بس الشي الوحيــد الي سويـــته فـ حيـــاتي .. وهو الي نفعـــني
إني كنت أذاكـــر أول بـ أول ... وما كنت أحس بـ شي ..
ومذاكرتي كانت عاادية .. يعني في الأياام العادية إذا طولت .. أوصل ساعه ونص بس ..

وما أســوي مثل الي يذاكــر ليل ونهــــار .. وهو ما يستوعب شي
أذااكر على قد طـــاقتي .. حتى أحيــد أيـــام الامتـــحان .. كنت اوقف المذاكرة الساعه 10 ( واحس عمري مطوول واايد )
بس إذا كان امتحــان صعــب .. أوصــل ليــن 10 ونص .. بس
يعني أبـــد ما كنـــت أضغــط على عمـــري ... وأهـــم شي

الإنتبــاه فـ الحصــة .. ومراجعــة الدروس أول بـ أول
والأهتمـــام فـ امتحانات التقــويم ( مب اتقولون ما ينحسب .. وتسووله طااف )
لا ذااكـروا .. عسب ترااجعـــون الي خذتــــوه .. وفـ النهـــاية الله بيسهــل عليـــكم إن شاء الله

وبتيبـــون النسبـــة الحلــــــوة ...
وبتحســــون بـ طعــــم النسبـــــــــــة ... والكل يهنيــــكم ...
يعنـــي صدق .. شي ما ينـــوصف ...

^__^

[شمعة أمل]

بنت دلع
الله يعيييييينكم في العربي نحن العربي لعب في لعب *صفنا بمعنا الكلمه غـــابه من الحشره*

وبعدين احمدو ربكم يعطونكم اجازه قبل الامتحانات
نحن مايعطونا
عادي تكونين مداومه واليوم الثاني امتحان
ولا امتحان يوم الجمعه
ولا مثلي امتحان ثاني يوم عيد
ولا ثلاث امتحانات في يوم واحد < ذكريات بايخه


GOOD LUCKKKKK ودرسي عدل
لو تشربين green teen وايد اوكيه يخليج تفكرين عدل =)

[أمواج]

والله الثانويه احلى مرحله مرت فحياتي
يعني استاانسي بكل شي
حتى بالامتحانات و الشخابيط اللي في كتاابه اللي جنها ليتاات عرس
لانها فتره و بتعدي خلاص مابقا شي
بتمتحنوون الــ Midterm وعقب كم من شهر بتمتحنوون الــ Final
يعني ازمه و بتعدي
------------------------------------

وعلى طاري كتااب العربي
انته بووحج مزيغه عمرج بالشخااببيط و االملاحظاات
يعني لو تكوونين شوي مرتبه كتااابج بتحسين الماده سهله
يعني مثلاا
مافي داعي اتشخطيين على كل سطر و تحطين عداله معلوومه
حطي ورقه عووده على هالدرس واكتبي كل الملاحظات فيها و بجييه
بيكوون شكل الدرس وايد حلو و مرتب و نفسيتيج بترتااااح
اما ها اللي مسوتنه في كتاابج بزيّغ اللي مايزيغ
وخفي شوي من الالوااان >> تسبب الحول هاهاها



أما عن الحقاائق الادبيه فــ TaKe It EaSy
يعني عاااادي الحيااه كوول
اذكر انا مادرسته حق الفاينل لانه المس قالت لنا انه اختياااري يعني مب مجبوووره تحليينه

بس مادري هل هالشي بيطبقوونه عليككم ولا بس على دفعتنا ؟؟

صح ما اقوول انه الحقاائق الادبيه سهله


بس يعني تقدرين تحفظيين كم نقطه من كل شي
ارجع و اقوول الحياااه كووول
لاتزيغييين بعمرج لانه هالشي مابيفيييد
خلي الاموور تمشي مثل ماهي وبتحسين انه هالسنه مرت وبدوون ماتحسيين
وعقب بروووحج بتتولهيين على ايامها

[بيور]

والله أيااااااااام .. وسواااالف
... يالله شدي حييييلج نبااانسبه فوق التسعيييييين ..

’’ المتفيجة ’’

[دانة حتا]

الله يعينكم يا طلاب الثانوية
انا اذكر ذيك المعاناة بس انا ما كنت اقرا الملاحظات
لانها كانت اشعار وسالف
بس المهم تحفظون الدرس
الله يوفقكم جميعا

[الدلووووعة]

اخييييييييييي عليه العرب صدق سخيييييييييييييييييييييف بمعنى الكلمة

والله انا احاتي كيف بذاكره يوم الامتحان

الله يستر

انا كتابي اخس عن جي

[أمواج]

الله يوفق طلاب الثانويه

[عفاريتووو]

السلام عليكم

ليش كل ها .. .. اويه عيل تعالي جوفي كتابي كيف كاااان
فاضي .. بس يمكن شوية رسمات واشعار
صدق كانت احلى ايام
.
لا تحاتين امتحان العربي ماشي اسهل عنه
بس دراسته شوي ثجيلة و مملة
.
الله يوفقكم يارب
و تيبون النسب اللي تتمنونها :)