بهذه اللحظه..

[الحساس]

:


:



:


:

[شوق القلوب]

الســـلام عليـــكم..

والله وياك حق.. يعني الانسان يكون لبق في الحديث.. يقّـدر الموضع اللي يالس يتكلم فيه..

يعني اذا هي طبيعتها تتكلم بهالاسلوب.. المفروض انه تقدر الحدث و البرنامج و أهمية الموضوع .. وتحاول تنتقي كلماتها بطريقه جميله مرتبه..

كلنا الحمد الله انعرف انجليزي.. لكن لغتنا العربيه هي هويتنا.. وما أضن انه الانجليز - لو كان عنده خلفيه عربيه - مستحيل انه يدخل كلمات عربيه في كلامه.

اذا تضمن الحديث مفرده غير معروفه عربياً.. فلا بأس.. من باب التوضيح.
..

للاسف.. الغالبيه يعتبر ادخال الانجليزيه في الحديث شي مميز ،،

[حبوبه دبي]

انــا ويــاك صــح كلاااامك

نــص كلاامهــا بـالانجليزي

بــس مـاتنلاام درااستهــا تــراهااا بالانجليــزي وانــا احيد يوم كنت ادرس فالكليــه نص كلامــي جذه

بــس الــواحد لااازم يعــوٌد عمــره ،،

[حلم الطفوله]

والسلام عليكم ورحمة الله وبركاته


عني شخصيا أنقهر من هالنوعيه ...

قوم باي ذا ويه ....وأحس إنه هذا تووومج .. وااااااااااي منهم

يمكن تعودهم على الكلام بهالطريقه ودمج اللغات شيء عادي بالنسبه لهم ...

نحن واجهه لمجتمع عربي اسلامي ... والحدث إلي مستضيفينهم فيه حدث خليجي عربي

أحس لغتنا العربيه ما تشتكي من شيء ...ورمستنا الطبيعيه ويا اهلنا عربيه بحته ..

لو شفتوا واحد من الشباب تكلم وكلامه كان ذرب وخبر الموجودين إنه كان يحس بخليجيته من أول يوم

داوم فيه لما كان يردد بالطابور أغنية ..خليجنا واحد وشعبنا واحد

وذكر إنه سافر ودرس برع فتره ورد ولاحظت إنه على طول كلامه ما تكلم كلمه انجليزيه

يعني نقدر نتحكم بلغتنا وبلهجتنا بعد وبالعكس كلامنا بدمج اللغتين مع انسان منك وفيك يعتبر خقه

والله يالحساس إنته بعد أكبر مثال ...فطول وجودك بالواحات كلامك كان عادي ..مع إنك تدرس

مصطلحات الله يعينك عليها بس مع هذا ما حاولت تتفنتك علينا

[الدلووووعة]

للاسف كل سنه اشوف البرنامج لاكن هاي النه يا فوقت مول هب مناسب بالنسبه حقي
لنه ي الامتحانات يعني للاسف ماشفت ها النقاش

[الجديدة]

انا كنت أشوف للتلفاز
و الصراحه رفع ضغطي تصرفها لأن الجميع يتكلموا عربي
و هي نص الكلام عربيو نصه انجليزي
يا بنت الحلال الكل يتكلم انجليزي بس هذا المؤتمر يسمعه ناس من كل الأعمار
مش كل واحد بعرف انجليزي
هذا رأيي و السموحه منكم
تسلم على الموضوع يا الحساس

[عفاريتووو]

السلام عليكم

هيه شفتها ..قهرتني
بحكم الدراسة لانها تكون بالانجليزي في كلمات شرات report
بما انه برنامج مباشر فاكيد طلع وياها تلقائي يعني الحين هالمصطلحات مب مشكلة
بس for example هاي ليش بعد ..
.
.
اعتقد انها مسالة تعود
بهاللحظات الشخص تطلع وياه الكلمات اللي هو متعود عليها
فــ يحليلها شوي شوي عليها

[أمواج]

اوكي البنت ما تنلاااام كونها نطقت بكمن كلمه انجليزيه خلال تعقيبها اشووف هالحركه عاديه يعني اكيد درااستها عودتها على هالشي .. يعني بس في هالبرناامج بتمسك عمرها عشان ما يزل لسانها و تنطق بكمن كلمه انجليزيه

[بيور]

الصراااحة ما ألووومها .. لأني انا مريت بهاي التجربه هالسمستر .. كوني كنت بنت لفل .. والدراااسه كلها كانت انجليزيه ..
فلما اتكلم مع اي أحد .. أشوف عمري أرمس (Arablish) على قولتهم ,, (عربي وانجليزي )

فالظاهر الظرووووف أجبرتهااا.. فشوي شوي عليهاا
,,
,, المتفيجة ,,

[الغاليه]

ماشفت البرنامج لكن سمعت طلاطيش منه وانا راقده ...

القنطه اللي ماعيبت الحساس انا بعد ماتعيبني .. اللي هو الخلط بين اللغتين .. شويتين عربي وشوية انجليزي .. لكن شووووووووو ؟؟؟

في اختلاف بين نية المتكلمين..

في ناس يعتبرونه تطور يوم يدخلون انجليزي فرمستهم ( وها عين التخلف واكثر شريحه تسيئني فيهم ) يقهروون وماعندهم سالفه..

وشي منهم المسأله عندهم مسألة تعود كون كل تعليمهم من يوم اصغار كان من خلال مناهج غير عربية وفي مدارس خاصة .. وفي البيت ماكانوا يمارسون العربية ( اهمال في التربية ) ... فنتيجه طبيعيه انهم بيخلطون بين اللغتين ..
( وهالنوع انا وايد اشفق عليه واحسهم ضحية.. احس هويتهم مستنسخه لاهم جي ولا جي )

عندنا عينات في العايلة جي .. كلمة عربي وثلاثين انجليزي .. وان حسوا ان اللي يرمس وياهم يعرف انجليزي خلاص يحولون انجليش .. لانه يحسونه اسهل عليهم للاسف الشديد..


وفي ناس حليلهم الشي الي يخليهم يدمجون بين اللغتين هو مثل ماقالت المتفيجه .. انهم يمرون بحالة دراسة مكثفة للغة معينة ويمارسونها بعد بشكل مكثف .. وهم ماوصلوا بعدهم لمرحلة الاتقان هالشي افرايي انه يسببلهم خربطة .. وهاشي منتشر وااااااااااااااايد عند البنات .. بس المشكله يوم يتعمدن يخربطن ويزيدن عليه شوية دلع مع اظهار الوناسه انهن يعرفن انجليزي مب امصدقات عمارهن .. هالتصرف يخلي الناس تستاء من سلوكهن و حركاتهن الهبله

فبعد هاي السالفه الطويله كلها قصدي لاتحكمون عالبنت بشكل سريع .. مع انه اللي سوته غلط وشي مب حلوو ابدن فنظري.. لكن الحلووو انكم تنقدوون هالتصرف وماتشجعونه..

نعم للغة عربية صافية .. لا للغة مخلووطه من كل مكان !

[تحفه]

عليكم السـلام والرحمه

انا اوافقك في مبدا انها مش حلوه *اذا كان قصدها تتفسلف و تخق بانجليزيتها* على الموجودين

لكن في المقابل حرام تحط على هالبنت لانّـا ما نعرف شو ضروفها بالظبط

الموهيم

تدري ,, عندنا وايد بنات في الجامعه في البيت غييييييييررر وجدام اهاليهم غير وفي الجامعه شي ثااااااانييييييييي

والمسؤوليه هاي ,, المفروض يرضون فيها (اشيوخنا) لأنهم هم السبب في هالشي

يقولون لك

الشيخ انهيان كان يبي ايدرس البنات ( islamic studies = دراسات اسلاميه) بالانجليزي في جامعة زايد !!
والاساتذه العرب عندنا كم تمو يرسلون رسايل و يشتكون على هالقراروتعبو وطلعت روحهم لين ما قررو يخلونه بالعربي !!

تخيل ليش صدر هالقرار (تحويل الدراسات الاسلاميه من بالعربي الى انجليزي ! .. كانو يقولون لهم بنعلمهم علشان ايعرفون يتناقشون بهالامور مع الاجانب !! ونخليهم مستعدين لخوض نقاشات مثل هاي !!

نقدر نشبهّـا بـ طلاب اجانب يتعلمون انجليزي بالعربي !!

وبعدين لا تلوم البنات اذا جي استوو
دوامات الجامعه تجبر الواحد يخلط بعض المصطلحات في رمسته

والسموحه

[المقاتل]

:: وعليكـ السـلام ::

فـ الحقيقــه .. كل إنسان له مبـادئ .. وكل إنسـان له نظره يشوفها .. لكـن ما العيـب في دمج كلمـه إنجليزيه فـ وسـط الحديـث ؟؟

أحيانا نلفـظ الكلمـه إختصارا لمفهوم .. أو .. أحيانا كونها خفيفه .. وكل شخـص ونيتـــه .

من وجهــة نظري أنا لا أرى إي إشكـاليه في تصرف البنـــت .. للعلم أنا ما شفت البرنامج .

:: المعذره .. والإختلاف في الرأي لا يفسد من الود قضيه ::

المقاتل

[الجنيه]

السلام عليكم ورحمة الله وبركاته ...

أنا شخصيا ما شفت البرنامج بس من الي فهمته أعتقد ما نقدر أنعاتب وأنلوم البنت ,,
أولاً يمكن هي بسبب ممارستها اللغه وأستخدامها للمفردات الأجنبيه تعودت أنها تدمج اللغتين غصبا عنها .. يعني الصراحه أنا عن نفسي ما أحبذ هالأسلوب بس يوم أظطريت أتعامل باللغه بشكل يومي وللأكثر من ثمن ساعات صرت لا إراديا أتكلم بنفس الطريقه مش القصد أنه أنبين للناس أنا احسن منهم أو أفهم منهم لا أبد الموضوع ومافيه أنه صار مسأله تعود لا أكثر ,,
صح بما أنها في برنامج المفروض أتحاول قدر الامكان تتفادى الدمج بين اللغتين بس الي صار صار ,,,

عموما هذا رأي وأختلاف الرأي لا يفسد للود قضيه ...

أختكم الجناويه

[الحساس]

الصراحه..

ارفع قبعتي ( الي مالبستها لين الحينp:) لكل من عقب في هذا الموضوع وبالاخص من الي رد على هذا الموضوع وشاف البرنامج.. والسبب..

ماتوقعت ان في حد يطالع البرنامج وخااصه انه للكثير مايرزى ان يشاهد فهو عباره عن برنامج يتكلم على اجتماع دوم مجلس التعاون..

فعلا معجب فيكم يا اعضاء الواحات.. اعتقد هاي احدى ثمرات الواحات..

تحياتي لكم

:)

[صدى جوفي]

السلام عليكم
بصراحة مب عدلة أن البنية تستخدم المفردات الانجليزية
فالبث عن موضوع مثل مجلس التعاون
لأنه في تكبر منها ان عندها اونة خلفية انجليزية
و يمكن تعتبره برستيج
أو يمكن ها أسلوبها فالحديث فطلع "نيشرلي"
هالموضوع عام ووطني فلا مبرر من استخدام المفردات الانجليزية
ومن رايي :استخدام المفردات الانجليزية يكون للحاجة الضرورية للكلمات اللي معناها بالعربي مبهم او "تيكنيكال ووردس"
والسلام