كابوس التوفل..

[شوق الصحارى]

السلام عليكم ورحمة الله وبركاته...


وانا اتصفح احدي المواقع شفت هالموضوع وهو عن التوفل وكيف طلبة الجامعات يعانون منه(الله رحم كليات التقنية بامتحان IELTS)

ما اقول غير الله يعينهم...


وهذا هو اللينك للموقع..

كابوس التوفل




انتظر ردودكم...

[تحفه]

صدقيني تافه
الزفت هو الرايتنغ

[شوق الصحارى]

انا ما اقدر احكم لانتي من قوم ال IELTS
...
بس ومن ربيعاتي اللي في الجامعه... اللي انطردت واللي اتوقفت...والقافلة تسير!!!!

[بيور]

والله كنت أعااااااني من التووووووفل .. بس الحمدلله طوفته ..
بس ربي يوفق خطااااااااب .. ويخليه مرتاااح من التووووفل ..
لانه صدق هم ع القلب ..
,, المتفيجة ,,

[شوق الصحارى]

الله يوفق الجميع...

[شمعة أمل]

لاتخوفوني امتحاني بعد يومين

التوفل مشكلته أنه:-
طويــــل
ممـــل
الرييدينغ يرقد ووايد طويل
وحق الرايتينغ الى يبونج تكتبين عنه اشيا بايخه مثلا مره "شو اهم نبات في دولتكم" ولو حطيتو شيره بتحصلون صـــفر!
لو يخلونه بريطاني احسن لانه على قل تحسون المواضيع فيه حركه والكلمات الى يستخدمونها مب بايخه ولا سخيفه


الله يعينا كلنا

[عفاريتووو]

السلام عليكم

بالعكس اجوف التوفل واييد سهل ما يباله شي
بس هو ممل و طويييييييييل
اتذكر يوم سويت الامتحان اخر شي قمت اختار اي شي لانه صدق مليت
و الwriting احلى شي انهم ما يهتمون الا لاول و اخر فقرة اول جملة من كل فقرة
يعني لو شو كتبتوا بالنص ما يقرونه اصلا

والله يوفق كل اللي عنده توفل

[أمواج]

ياناس عادي اتووووفل

[عافك الخاطر]

بس حبيت انوه .. الناس قدرات .. والانجليزي بشكل عام كـ لغة تحتاج للممارسة وتعتمد على الشخص نفسه .. فـ اللي يلقى انه التوفل سهل و ما يباله شي فهذا يا انه اتلقى تعليمه في مدرسة خاصة؛ لانه يكونون مدربين على التوفل او انه جهد شخصي منه (ولهالسبب ذكرت القدرات ..) هذا في حالة اذا كان تعليمه حكومي..
اغلب البنات- واانا منهم - لقوا التوفل صعب في البداية لأن الامتحان امريكي بحت ..واحنا بنات الحكومة المغضوب علينا 12 سنة واحنا ندرس لغة انجليزية بريطانية ..صح الاختلاف بسيط يمكن لكن بعد ياثر .. يعني لاحظوا بسجات الريدينج كل مواضيعها امريكية يعني يبون يخلون الامتحان امريكي على اصول ..
فـ هذا اعتقد صعب الامتحان عند بنات الحكومة .. مع انه شي بنات خاصة و ما عدوا التوفل من اول مرة .. يعني المسألة كلها مسألة قدرات وتمرس...
بس اللي ما يعيبني هو انهم يوقفون الطالب كورس كامل بس عشان ياخذ انجليزي..هذا شي طيب ما اختلفنا عليه لكن المفروض يشوفون الشخص مثلاً اذا انحط في لفل عالي يعني كان محتاج منه مجهود بسيط و يعدي التوفل .. المفروض يدخلونه التخصص و يلزمونه انه ياخذ كورس انجلش بالاضافة للمساقات ..
عندي امتحان بعد اسبوعين وان شاء الله متفائلة خير ..
ونصيحة لخريجات الثانوية العامة اول شي اتسوونه اذا كنتوا اتخططون انكم تدخلون الجامعات اللي تطلب التوفل هوا نكم تدخلون معهد وتتمرسون على الامتحان عشان ما تتبهدلون ..
والله يوفق الجميـع..

..

[فركوشه]

الحمد لله انا من قوم الـ IELTS

[شمعة أمل]

امتحنت اليوم ونجـــــحت الحمدالله .. ^_^

[شوق الصحارى]

الف مبروووووووووووووووووووك يا شمعة أمل..

عقبال الباقين ان شاء الله...

[شمعة أمل]

الله يبارك فييييج

[الدلووووعة]

ياختج انتو عدكم التوفل ونحن عدنا السيبا ^_^

[عاشقة دبي]

الله يعلن التوووووووفل والي اخترع شي اسمه توووفل

هذا مب تووفل .. هذا تفااااااال ...

والله كرفوووونا كل مره نمتحن توفل توفل توفل واخر شي كل طاقتنااا تتبخر فالهوااااا

والله انهم ما يحسوون فيناا ... او عالاقل يقللون من نسبته ل 450 واايد بيكون احسن بدال الدبل 500

والله ثم والله ثم الله صارت مشاااكل بين الطالب واهله ومحد رمس عنهااا ..

ونا اشهد ...

والسموووحه منكم