كيـف تحافظون على جمـالكم ؟

[ملك]

انا عن نفسي دوم اقول

اسرار جمالنا في مطبخنا


استخدم ماسكات طبيعيه للتفتيح و التنظيف و للبشرة الدهنيه في طريقه للتجفيف

1:

ملعقة نشا + نص ليمونه = ماسك تبييض وحلو قبل الميك اب يقلل افرازات البشره الدهنيه

2:

بياض بيضه + ملعقة كبيرة كويكر + ليمونه = ماسك تنظيف البشرة الدهنه اسبوعيا او مرتين في الاسبوع لمدة ربع ساعه

3 :

عصير الخس او ماي الخس بلليه بقطنه و حطيه عويهج لمدة 10 دقايق = يصغر مسامات الويه مثل التونيك .. يوميا

4 :

سدر مع شوية حنا وروب او ليمون و زيت زيتون = تفتيح و بشرة نظيفه وجميله و ناعمه


5:

حنا + ليمون + سدر+ زيت زيتون حطيه على جسمج لمدة 10 الى 15 دقيقه يومين ورا بعض

و ثالث يوم سوي حمام مغربي

6:

يوم ارقد احط زيت اللوز حولين عيني عشان الارهاق و يمنع ظهور الهالات لسوداء .. و لانه الجفن و تحت العين منطقه تحتاج لترطيب .. و هي ماناطق جداً حساسه ..

احسن من الف و الف دوا و الا كريم و الا مرطب

هاذي اسراري


حلو موضوعج انسه ام خدود

تشكرات

[تحفه]

شوق القلوب : زيت الخروع تحصلينه في الجمعيه و الصيدليه .. ومعظم الاحيان اييج صفير مب مثل زيوت الطبخ لول

ملك : مشكوره على المشاركه المفيده ,, اتمنى العضوات يستفيدن منها .. بيني وبينج انا ازيغ اسوي الخلطات روحي .. اخاف انفجر ولا شي ( امزح .. بس اخاف ازيد في شي يعطيني نتيجه عكسيه )

[شوق القلوب]

هلا ام خدود..

والله يبالي أسأل عنه في الصيدليه..

..

ملك.. حلوه الخلطات..

عندي ربيعه يمينيه.. دوووووووووووم اتقولي اسوي هالسدر. و اخلط وياه الحنا.. أتقول زين..

وان خدود.. سيري خذي سدر من القريه اليمينه.. و خذي حنا وياه..

والسدر مره جربته.. شكله مثل الحنا.. ولو اتحطين وياه شويه ماي يرغي مثل الصابون...

وأول مره حطيت منه شوي ع ويهي.. هههههههه اسميني ضحكت على عمري.. جني الرجل الاخضر..

[حبوبه دبي]

ادريبــها هالمــاركه بـس ماجربتهـا

بـراطمــي مــايبـالها سلكــون ويــا راسج

جفــاف هـا ،،

[شوق القلوب]

مسا الورد..

والله معلوماتكم حلوه..:)

حبوبة دبي : ان شــــــــــاء الله بجربه..!

..

بس خبرونا.. شو تستخدمون يوم اتنظفون ويهكم من الميك اب..؟؟

[تحفه]

هي مب تنفخ تنفخ شرات السلكون .. هي تخلي الشفايف يستوون طريات ( اقري الانسركجنز وبتفهمين شو اقصد )
بس عموما بالاخير تعطي شكل " براطم مليانه"

وعلى فكره انا احطه يوم ابي احط روج او شي .. لأنها تخف من ظهور حدود البراطم .. فتساعدج يوم ترسمين الحد

[حبوبه دبي]

تسلمييـن ع التـوضيح

[تحفه]

any time

[عمة العيم]

يا بنيات

ابا شي حق شعري

قام يطيح عقب ما عرست :(

شو احط عراسي قمت اخاف والله وايد يطيح شعري

بستوي قرعه يا شوء الئلوب

يمكن من كثر ما افكر (موضوع التدخين هذا نرفزني زياده) ترا لو خسفيت هالاسبوع بحط على موضوع التدخين ترا النرفزه تأثر على جمال و رونق البشره خخخخ


:(

خدافس

[تحفه]

شوق القلوب

انا استخدم ميكب ريموفر مال لانكم

وها لنك الآي ميكب ريموفر

http://www2.lancome.com/_int/_en/cat...F2_Eye_remover


---------

عمة العيم

على فكره انا اعاني من تساقط الشعر مؤخرا
مثل ما قلت قبل

حق شعري شعري قام يطيح .. ويالسه استخدم اكتيف تونيك من kadus

امممم اعتقد اني ذكرت اهم الاشيا

يله اتريه مشاركاتكم

وعلى فكره سوي ماسك
( اخلطي افكادو + زيت الخروع ) < وعلى فكره زيت الخروع وايد اوكي حق الرموش > اتكثفهم

حطيه نص ساعه و اغسليه

وشرات ما قالو ..

حمام زيت اوكي .. بس في حالتي مش اوكي .. لأن شعري روحه دهني

[شوق القلوب]

هلا والله بالغاليـــــــن..

ممم.. زيت الخروع هذا وين يشترونه..!! دورته في كارفور وما حصلته.. و بصراحه أخاف أخذ من العطارين... !! ما ادري من متى معفن عندهم..!!

..

حبوبة دبي.. و ام خدود.. مشكوووريييين...

...

وشو نسألكم بعد..!!

ممم...

[حبوبه دبي]

:: عمــة العيــم ::

عــن اتقـرعيـن بــس !!

انــا انصــحج كـل اسبـوع اتسـوين حمـام زيــت ،،
وتستخدميــن فيتـامين للشعــر ع حســب نـوع شعــرج

:: شكلـي اصلـح اكــون استشـاريه خخخخ اسـولف ::

:: شـوق القلـــ ـوب ::

همممم مــادري والله ،،
احيــد كنت استخدم ميكـ اب رمـوفر من جـونسـون ولا بيـور

والسمـوحه

[دمعة شوق]

خخخخ بلاوي والله
,.,

بس بصـراحه معلـومـات أوجـيـه وحلـوه
أنـا عنـيـه اغـسـل ويـهي بـ كـريم غسـول نيـتـروجيـنـا

,.,

ماخلـيـت شي ماجـربتـه من الكريـمات والـغسـول ومادل شـوه
ومـاشـي نفـعنـيـه ألا هـذا والحمدالله
,.,

أمـا عـن تنـظـيـف الـويـه من المـكيـاج أسـتعمـل سـائـل ( ماعرف اسمـه ) من ماركـة لانـكـوم
واوجيـه
,.,

بس يـانـاس مشــكلــة اللي يعاني من تسـاقط الشـعـر >>> حليـلـه
نفس الشي شعريه حطيتلـه زيـوت وحنيـتـه
وبـعـده يـعاني من هالمشـكلـه الكبيـره
ومـب عارفـه شو اسـوي ..؟!!
,.,

أمــا عن الـبـراطــم يـ أم خـدود

أنـا أحطـلـهـن يـوم يـوم يـوم يتشـقـقـن اممم فـازليـن ويصبـحن الصـبح
أوجيــه

,.,

هـذا للي عنديه لين الحينه
وشـكراً على الموضوع الغـاوي يـ الغـلا
,.,

والسـموحوو

[شمعة أمل]

همممم انا شو استخدم؟؟
اشيا حق ويهي:-
استخدم من شسيدو (النوع الى ازرق فاتح)
اشيا من dermalogica
clearasil
neutragina < يوم يدق في راسي .. لا صدق عندهم جي شي نفس جل اصفر على برتقالي وايد اوكيه
واحياناً اشيا طبيعيه نسويها في البيت
اذا تبون الاشيا بالتحديد بقولكم بعدين لانهم فوق ومب متفيجه اسير

حق الmake up remover استخدم مال the body shop ومالdermalogica

كريم للأيد استخدم مال marks & spencer

شي كريم للجلد بس استخدمه لريولي مايبيعونه في الامارات من امريكا وماعرف شو اسمه

وبعد اخذ فيتامينات .. واحد لويهي واحد عشان وايد احس بالتعب ف مايخلني احس اني تعبانه وايد!



حق البنات الى شعرهم يطيح وايد
اختي تاخذ فيتامينات حق هالشي .. تعرفون هالمحلات والا حتى في الصيدليه يبيعون فيتامينات طبيعيه مثل من natural world شي جيييه المهـــــم خبرو ريال تبون واحد حق تساقط الشهر وبعد على القوطي ماله بينكتب لتساقط الشعر



بكمل بعدين لازم اسير اتعشا

[طير الحب]

السلام عليكم ورحمه الله وبركاته....

الصراحه موضوع عجيب...بس كنت أتمنى تكون فيه خلطات منزلية الصنع لأني أخاف أستخدم الماركات ما اعرف شو حاطين فيها...


ملك... بغيت أسألج الحنا ما يصبغ في الجسم...وكيف استخدم السدر للشعر كم أخليه على شعري؟؟....وأنا وياج احب الخلطات المنزلية...


بالنسبة للشعر ولتقويته نمزج نفس المقدار من زيت الزيتون والخروع واللوز ونقسم الشعر وندهن من الجذور وبعدين نغطي الشعر بفوطة دافئة أو البلاستيك لمدة 4 ساعات وممكن نعرضه قليل لحرارة السشوار مرتين أسبوعيا يكون مثل حمام زيت منزلي