مهرجان دبي السينمائي الدولي...

**شمعة أمل** · 15-12-05 ||, 10:51 PM

السلام عليكم ورحمة الله وبركاته

يبتلكم بعض الصور الى صورتها معاي في المهرجان هالسنه..

أول يوم

هذا أول يوم في الافتتاح .. يوم مستحيــل انساه في حياتي
قلبييييي طاااااح اميييه
يوم تنزلون تعطون الريال السياره عشان يوقفه بعدين شوي جدام الred carpet *تجوفون السالفه في الافلام جنه شي عادي مايخوف بس يوم تنحطون في الامر الواقع يزييييغ* خخخ مابنسى هاليوم.. شي فوق الالف او الالفين مصور وتجوفون سيد\خط بنات عرب كل وحده تجوف الثانيه *وفوق كل ها مانعرف بعض خخخخخ* واقفين نتريا ميتين من الزياغ

ولا فجأه امي تقول"يله قومو بس امشو بسرعه" دفعه عووده كلنا بنات نمشي

*زياااااااااغ ومن كثر الليتات والفلاش ماتجوفون شي جدامكم

عادي تتخرطفون*

داخل
كان كشخه .. ممثلين مصريين جدامي وممثله هنديه جدام اختي ومغنين مادري ممثلين مصريين صوب امي

هني يوم وصل الشيخ احمد .. يت هالممثله ويلست عداله *ماعرف شو اسمها .. بس هاي ام نظاره سودا الى ربيعة حياة الفهد في المسلسل عندما تغني الزهور* فستناها كان عجيييب

الممثل الامريكي مورغان فريمان *كان يالس بالضبط ورا ابويه

*

الشيخ احمد بن سعيد ووحده مواطنه تسوي افلام *نسيت شو اسمها*

بالضبط يوم صورة هالصوره كانو يقولون اسم ابويه يشكرونه

سبحان الله

هذا مخرج الفلم *الجنه الان* الى فتحو المهرجان به

الممثلين
تجوفون هذا الى شعره كشه .. اسميه سوالي رعب .. اي مكان اسير اجوفه جدامي!! حتى وانا سايره رحله مدرسيه جفته في ويهي!!!!!! تخيلو انتو بس!! والبارحه كل ماصد ويهي هذو جدامي ولاااا بعد يلس جدامي البارحه!!!

بعدي ماخلصت
شو اسوي الصور وايد!

**طير الغرام** · 15-12-05 ||, 11:09 PM

تسلمين ع النقل الرائع
وبانتظار التكمله

لي عوده إن شاءالله ^_^

**شمعة أمل** · 15-12-05 ||, 11:15 PM

الـــبارحه

تجوفون هالريال الى لابس كندوره

اشتكيت عليه عند مدير المهرجان

لو كنت ريال جان صدق عطيته بكس وطيرته باكستان!!!!!!

بخبركم القصه
الى شعره كشه يالس هناك بعيد شوي .. في خاطري اقول ماحصل غير انه ييلس في السيد الى جدامي

بس الحمدالله على كل حال *لانه اليوم الى قبله كنت سايره رحله ويا المدرسه واجوفه في ويهي وامي طلعت الفليل ولاتتصلي وتضحك وتقولي مابتصدقين بس بوكشه جدامي وايي هاليوم واجوفه في ويهي again *
ولا شوييه اجوفه يقوم ويلس في الكرسي الى جدامي بالضبط!!!!!!
اسميني تلعوزت هاليوم

مورغان فيريمان يوم دش داخل *يقلد ملكة بريطانيا*

هالشيبه حليله كسر خاطري مارام يركب على الدري هذيل تمو يساعدونه

يرمس

وحده تشتغل ويا ابويه يالسه تحوط هالممثله وداود حسين ف قالتلنا تعالو تصورو وياها

كنت اسمع حشره وصوت حرمه تغني
جان اركب الجسر ولا اجوف زحمه

يايبين *روبي* أول مره اجوف شكلها وبصراحه لاعت جبدي

مينا السلام

يوم طالعين

رايي في المهرجان:-
كان أوكيــه بس الممتطوعين *بصراحه* شي منهم وايد اوكيه وطيبين بس شي منهم واااايد rude يغصبون الواحد ينقهر ولا يتتأفف!!! المفروض يسوولهم اجتماع كيف يتعاملون مع الناس قبل ليبدا المهرجان .. احيد يوم اشتغلت في الصيف سوولنا اجتماع ساعتين عن هالشي وعطونا قضايا وقالولنا نمثل كيف بنتعامل معاهم..
الحلو في المهرجان كيف they set it out من ناحية الكراسي والمكان وانه الأفلام الى يابوهم هالسنه غيــــر ولغات ماتوصل لدبي عادةً نفس افلام المانيه وافريقيه

همممممممم فييه رقاد ماروم افكر بعد لو افكر في شي زياده بضيفه

وبــس

والسموحه
شمعة أمل

**شمعة أمل** · 15-12-05 ||, 11:18 PM

طير الغرام
مشكوره على الرد ^_^ وحطيت التكمله

**تحفه** · 15-12-05 ||, 11:28 PM

حلو والله .. كان خاطري اسيره بس للاسف عندي وايد شغل ماقدرت اسير مكان
حتا عنا عرس والمصمم شوي وبيصيح يقولي تعالي سوي البروفه >.<
يالله الله كريم ..

مشكوره على الموضوع

**بيور** · 15-12-05 ||, 11:30 PM

والله فننن ..
تسلمييين الغاااليه ..

المتفيجة ..

**شمعة أمل** · 15-12-05 ||, 11:58 PM

أم خدود
اهاااا انا شوسوييت
لو ماسويت الواجب حق كذا ماده اسير واييب ال autograph مال اي ممثل واخليه يكتبه باسم أبلتي واعطيها اياه خخخخخ ذكاااء

المتفيجه
مشكوره على الرررررد ماتقصريييييين D: