بخصوص نوكيا 6681

[الجنيه]

السلام عليكم ورحمة الله وبركاته ،،

عندي طلب صغير أتمنى حد يقدر يفيدني به ،، الله يسلمكم ويطولي بعماركم
بغيت أتخبروني كيف ممكن أنقل صور من التلفون للــ لاب توب :( المفروض فيه بلوتوث بس ما يستوي
المهم اذا حد عنده فكره كيف ممكن بليز يبلغني وبكون شاكره ,,
سلامي لكم ..

[أمواج]

سبحان الله انا اعااني من نفس المشكله ابا اطرش من التلفوون لين الاب توب بالبلوتوث بس ماعرف ...كيف؟؟؟؟

[المزوحي]

ممكن تجربين بالانفررد !

[الجنيه]

كيييييييييييييييييييييييي ييييييييييييييييييييييف

[بيور]

أهلييين ..
ربيعتي عندها لاب فيه بلوتوث .. المهم انتي شغليه .. وفيه كود لازم تحطينه .. ويوم بتسوين بحث .. بيظهر لج اسم تيلفوونج .. اختاريه .. وبعدين اختاري ارسال ملف أو أي شي ..
وعلى شاشه التيلفون مالج . بيظهر لج أدخل الرمز (اللي هوه نفسه الكود مالج ) ..دخليه .. واستقبلي من الاب توب الملفات اللي تبينه ..

والكود هذا بس مرة وحدة تدخليه في التيلفووون عسب الاب توب يتعرف عليه .. وما يعتبرة كـ دخيل ..

واذا ما ظبطت الطريقة .. سوي مثلي انا.. الاب توب مالي ما فيه بلوتوث .. قمت واشريت له بلوتوث .. وسويت نفس الطريقة اللي فوق ..

.. والسموحة ,,
المتفيجة ..

[الدلووووعة]

نحن شترينا وصلت بلوتوث ونزلناها عالكمبيوتر بس مارمنا نطرش منها
ماستوت بس انروم نطرش اي شي نباه من الكمبيوتر حق المبايل بوصله مال الميموري
تحطيها وطرشين اللي تبينها ( هب الوصله اللي تي ويا التيلفون لا وصله انتي تشترينها )

بس في لاب توبات هم بروحهم فيها وصلت البلوتوث وفي بعضهم فيهم وصلت الميموري فالاب توب روحة

[أمواج]

انا سويت مثل ماقالت المتفيجه بس طلعلي فشل.... شو السالفه ؟

[الجنيه]

مشكورين على الاقتراحات بس بعد ما يستوي

خلاص ما أبا أنزل شي من التلفون لهكمبيوتر العبيط ارتفع ضغطي حشا اربع ساعات أحاول
معقوله أنا الي ما أفتهم ؟؟؟؟!!!
والله جايز

[بلوة حلوة]

هممم ..

1 . عنـدج وصلة الميموري كارد .. ماتكون ويا اللاب توب .. تشترينها

2. عنـدج وصلة البلوتـوث ..

3. شي وصلة تطلـع ويا موبايلات السمبيان ووياها السي دي اللي فيه السوفت وير والبرنامج
.. اللي من ضمنها موبايلج
هاي انا مشغلتنهـا يوم كان عندي 7610 طالعه ويا الموبايل .. وأطرش من الموبايل للكمبيوتر والعكس ..
حاليا عندي n90 بس بعدني ماتفيجـت أنزل السوفت وير والبرنامج وهالسوالف ..