دعواتكم يا اهل الواحات

[سيدة الحب]

السلام عليكم ورحمة الله وبركاته


شحالكم شباب وصبايا


اول مرة اكتب في هاي الواحة ليش


باجر عندي امتحان والله يعيني عليه


تخيلو تمتحنون في 6 مواد في يوم واحد

هذا حالنا اهني مع الكلية الملكية للجراحين

ما ادري وين ادق براسي وللحين باقي

مادة كاملة ما درستها









الله يعين

بس بعدها انشالله راجعة البلاد فديتها

ادعولي انجح وارد بالسلامة

[أمواج]

الله يوفقج انشالله
وشدي حييلج و توكلي عربج
ولكل مجتهد نصيييب
والبلاااد بتنور بوجووودج وترااها تترياااج

[شوق القلوب]

الســـلام عليـــكم...

..

سيدة الحب... أنت في دبلــــــــــن..؟؟؟

[سيدة الحب]

المتفيزرة تسلمين الغالية والبلاد منورة بأهلها

شوق القلوب هيه انا في دبلن الغالية

[شوق القلوب]

الله ...

والله اشتقنالها..

في اي منطقه..؟؟

[سيدة الحب]

كنتي في دبلن؟؟؟؟؟؟؟؟؟؟؟؟

انا في دبلن 4 بس احم احم ما ينفع اقول المكان اهني

انتي المتىكنتي في دبلن؟؟؟؟؟؟؟

[شوق القلوب]

هيــــــــــــه.. ماشاء الله ...

احنا يلسنا في دبلن 6..

..

دبلن سرنالها ثلاث مرات.. آخرها كان سنه 98... أدري من زمااان.. بس والله للحين أذكرها... وجرافتن ستريييت.. أوووه اسمينا مشيناه لين ما قلنا بس...

بس بسألج.. كان في محل بداية جرافتن ع اليمين.. من صوب الحديقه.... يبيع أيس كريم كاكاو باللوز.. السكوب كان بـ باوند... ما ادري اذا عرفتيه ولا لا.. أسميني متولهه عليــــه...

مستحيل أمر جدامه ولا أشتري منه..!

..

ترا ان بديت أتكلم عنها ما بسكت..

[سيدة الحب]

فرق بين دبلن زمان والحين وايد تغيرت انا وصلتها سنة 2001

ومن ذاك الوقت للحين وايد تغيرت واييييييييييييد صدق فرق

جرافتن ستريت وهنري ستريت وستيفنس قرين بارك كلها غير

تطورت وايد وايد والناس صارو احسن

وتبين الصدق صارت بلادي الثانية اشتاقلها لما ارد البلاد

ومليت منها مع اللي يسونه اهني فالجامعة وايد ضغط علينا الله يعين

يالله تعالي زورينا واحنا موجودين

[شوق القلوب]

هيه طبعا بتكون متغيره..

أتخيلي.. أذكر كنا نمشي من جرافتن لين ما نوصل هنري ستريت...

..

والله في خاطرنا انسيرلها مره ثانيه... أحس انها بتكون بلاد غييييييييييييييير...

شوقتيني لها

[حبوبه دبي]

الله يــوفقج ان شالله

شدي حيـــــــــلج فالدراااسه

وتــرجعيــن بالسلاااامه يــارب لبــلادج

والسمــوحه

[ألم ترى]

بسم الله الرحمن الرحيم ..

وعليكم السلام والرحمة ..

بالتوفيق اختيه والله يسهل امورك فـ الدارين ..

مع السلامة ..

[دموع العاشقين]

الله يوفقج في امتحاناتج ان شاء الله

[بني هاشم]

ندعو لج بالنجاح وموفقة انشاء الله

[بحر الموده]

بالتوفيق ان شاء الله

[الجنيه]

وعليكم السلام ورحمه الله وبركاته ،،

الله يوفقج عزيزتي وشدي حيلج وان شاء الله من الناجحين
بس لا تنسين الحلاوه ،،

شوق القلوب :( يعني ما تدرين أنه الآيس كريم بالكاوكاو نقطة ضعفي ؟؟ ما يخصني أبا
من اللي أتقولين عنه والا ترا