نتابع
في نقطه ثانيه لاحظت انج واجهتي صعوبه في رسم الخطوط الداخليه للبرتقاله
لاحظت ان خطوط البرتقاله عندج من الداخل غير متجهة لنقطه وحده
لأنج يمكن ما حددتي بعد داخلي للرسمه فإلي اباج تتعلمينه يوم ترسمين
شي واحد ( التوقع التقريبي للأشكال الصحيحه ) وهالشي بيكون
عامل مساعد كبير في حالات كان شي يغطي على شي في لوحة معينه
كما هي الحاله في المثال إلي بطرحه أحينه.
شوفي هالشكل إلي رسمته انا من قبل
المشكله إلي فيه هي القطعه إلي فوق وهاي القطعه ما خلتج اتشوفين
تفاصيل البرتقاله من الداخل لكن إذا حطيت لج هالشكل شوفي شو رايج أحينه
اهني جني شليت القطعه إلي فوق بس عشان اسهل المهمة عليج لكن إذا كان في توقع مسبق للشكل الداخلي بترسمين تكملة الشكل مع وجود القشرة العلوية لثمرة البرتقاله بدون صعوبات.
والحينه بعلمج طريقه اسهل , شفتي كيف يقصون البيتزا ؟
قسمي البرتقاله من الداخل نفس الشي ... وبوضح هالشي في الدرس الياي أكثر..
وعشان نرسم خطوط البرتقاله من الداخل وبشكل يتناسب مع الزاوية التي يمكن ان نراها
من خلالها بعلمج طرقيه يمكن الاعتماد عليها لهذا الغرض:-
أول شي خذي غطى غرشة ماي ( أي غرشة ماي )انا اسوي دعايه لشركة مسافي
وارسمي عليها بقلم اسود نفس ما أنا احينه ارسم في هاي الأمثله إلي اعرضها لكم
وعقب شلي الغطى وشوفيه من نفس زاوية هاي الصورة إلي اعرضها احينه
بتكون الخطوط من هاي الزاويه مقاربه لخطوط البرتقاله المقطوعه وإلي تنشاف
من نفس الزاويه..
هاي الأشياء لو سويتيها إن شالله بتشوفين الفرق في رسماتج
وإذا صعب عليج الأمر بسيطه:
قصي برتقاله وشوفيها من نفس الزاويه وبتعرفين الدرس من الطبيعه نفسها .
جداً شاكر لج جهودج
رد مع اقتباس
مواقع النشر (المفضلة)