ناس تصيح على رصيدها وناس تضحك عليهم

[أمرين]

شوق القلووووب

وناسة بس .. عيل حد يصير رصيده ميااات وما يستانس

أشكر مرورج حبوبه

[أمواج]

والله احس انه الاتصالات قاصده هالحركه
انا هذيج الحزه حليلي راقده و فجأه اسمع حد يوعييني ربيعتي اونه قومي عبّي تلفوونج رصيد انا عاد مسطله مب فاهمه السالفه و خبرتني اياها وعقب فتره استوعبت قلت يالله بعبييها
مابقوولكم كم استوا رصيدي .... المهم سويت بلاااوي بهالرصيييييد
ولكن البارحه استوت حفله صراااخ عدنا في الجنااااح
تخيلو حليلي انا فحااالي ويالسه برووحي و فجأه اصرخ و إلقى حسابي المستحق 111.55- درهم متخيلييين والله شوي و بصيييح

ويلست ادعي عربيعتي لين ماقلت بس وكل ما ادعي عليها تقوولي انا اشد عنج سحبوا عني وايد بعد و حسابها المستحق وايد بعد

ولا نحن بعد نستهبل دقينا حق الاتصالات و تخبرنااهم عن اللخبطه اللي صارت عندهم جان يقوول الموظف لربيعتي انتي ساحبه رصيييد قالتله هيه قالها كم قالتله 50 درهم و الحبيبه موصله ألف و ميتين درهم وجان يقوولها بينسحب عنهم اليوم فقالتله ربيعتي اونه انتوا تصرقووون بالملااايين و محد يحاسبكم و مستخسريين علينا اللي خذناااه الموظف شوي و بياكلها ...

حليلنا والله مساااكين

[أمرين]

المتفيزرة

لا تعليــــــــــــق

اضحكي وانسي وبضحك عليج

ههههههههه

[الدلووووعة]

ههههههههههههههههههههههههه ههه

امس اربيعتيه كانت تقولنا عن السالفة
وكل ربيعاتي اللي عدن مبايلات احتشرن اونه ليش ماخبرتينا ومن ها السوالف
طبعا انا واربيعتيه اللي خبرتنا السالفة ماعدنا مبايلات جان اقولها انا وانتي مانحاتي شي

هي امها ستوى رصيدها 300 واخوها 500
ويوم رديت البيت سألت اخويه قال زين اني ماعبيت رصدي لنهم اصلا بيسحبون الرصيد كله واللي صارف منه بيشلون عنه يوم بيحط رصيد واليوم يلسنا نظحك على هيل وبعدين ربيعانا اللي احتشرو قالو عيل زين ماعبولنا
واللي قالت الله يحبني واللي الت انا اصلا ماكنت ابا ومن ها السوالف
لاكن صدق ظحكنا عليهم قلتلهم لو ماشلوهم جان قلتو ليش ماخبرتونا ومن ها السوالف

[عافك الخاطر]

شو هالبخل.. زيين خلوا الناس مستانسة بالرصيد .. لازم تسحبون خلوها هدية يعني بطريقة غير مباشرة

مب كفاية شلوا الرصيد بو الـ 30 ..
الله موسعها عليهم ليش يضيقونها على الخلق
وايد اتحرطمت انا

[المزوحي]

يمكن تكون حركة ذكاء من اتصالات ويخدعون البعض ..،، لكن أنا عندي فاتورة مش مدفوعة ....

[حبوبه دبي]

ههههههههه
النـــاس ماصدقــوا

انــا سمعت من اخــويه الخبــر وقــالي اربيعــه وصل 3000 شكله بيتغصــص الريــال الحينــه

والــوالده وحليلها ع نيــاتهاا اونه الاتصــالات امســويه هالحــركه عشــان العيد الوطنــي مــاتدري شو السالفه !!

الاتصــالات لااااازم اترد حقهــا ولا بتمــوت عليـــنااا كفــايه هالبطــايق اليديده والله شرات ماقلتــو سريع اتخلـــص !!!

يالله زيــن الحمدلله مــاكفخت رصيــد ابلااااش ولااا كنت متغصصه الحيــنه

....

[حلوه و صغنونه]

2700 = 39

[بيور]

انا ما سمعت بالسااالفة الا بااجرهااا ...
وقلت يااحظهم ..
لكن اليوووم أشوووف نص البنات في الجااامعه يصييحوووووون .. وكل ما أسألهم لييش ؟؟
رصيدنااا سحبوووه واستوي (- شي ) ..

المتفيجة

[الحساس]

رسالة نصية بأرصدة وهمية لمشتركي «واصل»




تلقى عشرات المشتركين في خدمة الاتصال «واصل» المدفوعة مسبقاً امس رسائل نصية من الرقم (666666)، تفيد بإضافة رصيد إلى حسابهم بمبالغ تراوحت بين ألف درهم إلى أربعة آلاف، فاعتقد بعضهم انها حملة ترويجية لمؤسسة اتصالات بمناسبة العيد الوطني، وقام عدد منهم بالاتصال بالمؤسسة للتأكد من صحة الرسالة التي افادتهم ان ما حدث خلل في نظام خدمة الرسائل النصية على مستوى الدولة، وأن الشركة تعمل على تدارك الخطأ وسحب الأرصدة مشيرة إلى أنه في حالة استخدام جزء من الرصيد فسيعتبر ذلك ديناً على المستهلك وسيتم خصمه فيما بعد.

[نبراس الليل]

أحم طارق بيتكلم

في نفس الليلة الساعة 2:45 صباحا قلت بظهر من البيت وبما اني هاليوم موقف السيارة برع البيت

جان اشوف ولد أختي مع واحد من ربعنا يالسين ويطالعون في تلفوناتهم جان اقولهم

كلنا عندنا تلفونات جان يقولون واونه كل واحد يطالع فالثاني ويضحك ويقولون مسكين مايدري

جان اقولهم شو السالفة قال ربيعنا انا معبي رصيدي 700 درهم جان اقوله الله يزيدك

قال لا ببلاش قلت فيه الخير اللي عطاك قال لا في طريقة تزيد رصيدك اطرش مسج والخ

جان اقوله ياعم والله باجر بيسحبونه عنكم قال لا وماعليك قلتله نفس سالفة المسجات

بالعيد طرش قد ماتبي وماينقص من رصيدك شي اخر شي في اليوم الثاني رصيد حسابك -40

وفي اليوم الثاني تلاقيت ويا ربيعي قالي سمعت عن سالفة الرصيد قلتله هي

قال رصيدي امس 700 واليوم قصوه عني جان اضحك عليه قال والله استفدت قلتله كيف

قال اتصلت خارج الدولة ويلست اتكلم 6 ساعات ولما قصوا عني صار 45درهم مع العلم ان رصيدي كاين صفر قبل مااسوي الحركة ...


حليلهم اتصالات
من مااعلنوا عن الشركة اليديدة استخفت

ومبروكين البعض وهاردلك للبعض

والسموحه على القصة

طارق

[أمواج]

حرام عليهم والله ماخلوونا نستااانس بالرصييييد

الله يسامحهم
مب كافي إنهم خلو البطايق من 30 درهم ------> 25درهم

والله مب حاله ...

[عهد الوداع]

الحمد الله الله نقذني ....خخخخخخخخخخخخخخخخخ

هاردلك يا حلوييييييييييييين ...

[بنت الدلع]

لوووووووووووول

مسكين حالكم والله

تغمظوون

[كشكوشه]

ههههههههههههههههه
انا خبروووني بس مادخلت
بس ربيعاتي اللي مدخلات الرصيد .. وحده اطالبوها ب 70
والثانيه 100
ههههههههههههههههههههههههه هههه
ضحكت عليهم من الخاطر

صدج حركااااااااااااات