شو أنفع أكـون ؟

[تحفه]

السلام عليكم

كيف تعرفون ان فعلا هالتخصص الي تبونه .. وان بناء على الشغله الي تطمحون لها بتتخصصون ؟

ما اعرف شو استوي ! .. ماعرف شو احب !
كل الميجرات عاديه بالنسبالي .. احس اني اروم امشي فيهم كلهم !

مالي ميول لولا شي من هالتخصصات

ما حبيت شي ..

اهلي و ربعي متلعوزين ويايه .. حتا ان ماما خلتني ارمس دكتوره نفسيه عشان اطلع بنتيجه
وما طلعت بـ نتيجـه !!

كل شوي اغير رايي ..

بناءا على شو بنيتو طموحكم ؟ .. بناءا على شو اخترتو هالمجال مب غيره ؟

أحس اني ضايعه


شو تحسون انفع اكون ؟

[نبراس الليل]

ممممممممم

الصراحة انا بقول ولو اني اعرف اني مابفيدك وايد

اللي اعرفه ان اكثر المختصين في مجال او العباقرة والمخترعين ساروا على نهج معين او مجال معين بسبب فقدانهم لهالشي

فمثلا اختصوا دكاترة واستووا جراحين قلب بسبب وفاة شخص عزيز عليهم بسبب مرض في القلب ولم يتواجد علاج شافي فنفس الوقت فقرروا ان يختصوا بهالشي ويجتهدوا عسب مايصير لغيرهم مثل اللي صارلهم

يعني ابختصرلك اختاري مجال يفيد مجتمعنا وتحسين ان هالمجال ينقصنا


اتمنى قلت حرف مفيد

طارق

[نبراس الليل]

حبيت اضيف شي مهم

عليك بصلاة الاستخارة

ولاتكتفين بمشاورة الناس ...

حاولي تحتصرين المجالات وتقللينها يعني انتي قلتي شي انك ترومي تمشين في كل المجالات بهي الطريقة حيرتي نفسك اكثر واكثر

حاولي ان كانوا عشر مجالات

حاولي تحدينها الا خمس او اربع كل ماقلت كل ماقدرتي تختاري الافضل

طارق

الله يوفقك ان شاءالله

[تحفه]

مشـكور اخوي طارق ..
فـعلا اقدر لك ردك .. كونك اول عضو عبرني ورد على الموضوع ..
جربت كل شي .. مافاد !! ..
صليت وما حسيت ابشي
كلمت دكتورة علم نفس .. وكل شوي اغير رايي ..

ماما اتقول بتيوزني لني لوعت لها جبدها هههه >.<"

----------

يستمر السؤال .. شو انفع اصير ؟

[شمه]

اممممممم..

هالسؤال ..نحن ما انروم انجاوبج عليــــه..انتي اللي تقدرين بس..
يعني انا من زمان ميولي طبيــــه .. فدرســـت مختبرات طبيـــــه.. و احب سوالف المستشفيــــات..

انتي شو ميولج.. اشوفج اتحبين التصوير..
انزين ادرسي اعلام....

او اي شي في خاطرج..
و عني انا ..كان في خاطري ادرس حتى جرافيك..بس بابا كان في خاطره اني اكون طبيبـــه ..فحققت له بس نص حلمــه.. يعني رغبت ابوي و رغبتــي..

شوفي انتي شو اتحبين.. و شو اهلج يتوقعونج اتكونين.., و كوني لهم الصوره اللي يبونهــــا بس بمعاييرج الشخصيـــــــه..

:)
شمـــــــه

[تحفه]

طـارق .. تعتقد على طاري الاشياء الي نفتقدها .. تعتقد لو ادرس علم نفس زين ؟

[تحفه]

شـمـه : أهلي يقولون الي ايعيبج !!
مااااااااااااعرفففففففففف شو استويييييييييييييي .. بتخبل بتازم ..

انا حاطه اعلااااااام .. بس بعدين .. قمت ماشوف عمري في الاعلااااام ..
انا انسانه موووووووووووديه لدرجه محد يتخيلها .. ف الكمنكيشن ما ينفع لي بعد

التصوير ماحبها كـ مهنه .. التصوير احبها كـ هوايه

اكره الادكيشن
اكره الفاينانس * بس الي اعرفه عدل اني اصلح حق البزنس* بس مابي اعيش طول عمري عشان البيزات
اكره الاشياء الطبيه *وايد دراسه* ونا مب متفيجه دوم
الدزاين والارت احس به سخيف لول
والباجين عاديين

----------

شووووووو انفع اصصصصصصصييييييييييييييييي ررررررررررررررررررر؟؟

[شمه]

عقب هالكلام اللي قلتيــــــه..

و ع حسب توقعات الارصاد الجويـــــه

و ع حسب تخيلات اهلج المستقبليــــــه..

, و في نظري..

تصلحين اتكوني ربة منـــــزل.. و زوجــــة قنوعـــــه.. و ريحي مخــج..


وتدرين ليــــــش.. لاني ماشي وظايف..


:)
شمـــه

[تحفه]

ههههههههههههههههههههههههه هههههههههههاااااااااااااا ااااااااااااااي
ما بغيتي الا اناااااااااااااااااا!!!!!!!!!! !!!!!!!

واااااااااااااااااااااااا ااااااااع واااااااااااااااااااااااا اااااااااااااااااع واااااااااااااااااااااااا اااااااااااااااععععععع

جي ماشي سالفه اسير ازوج

الله قال *ولا ترموا انفسكم في التهلكه *

[تحفه]

حلوه هاي .. اسميني انفجرت من الضحك

[حلم الطفوله]

أم خدود ....الحمد لله على السلامه

بالنسبه لي دخلت تخصص ما كنت أتوقع نفسي أصلا أدشه ... توكلت على الله

وحاولت أحبه ... لأني لو بدش شيئ بدون ما أحبه بكرهه وما بمشي فيه

بس الحمد لله مشيت فيه ...وأحس إني ما كنت بنجح إلا فيه ..واكتشفت إنه أحلى تخصص

بالنسبه لج إنتي ...أحسج متردده باختياراتج وتحسين إنه كل التخصصات ما تناسبج أو أقل من قدراتج

ليش ما أدري؟؟

مب مهم يكون هالتخصص سخيف أو انتي مب متفيجه له ...المهم اتحددين شو تبين هدف لحياتج

لأنه على قولة حريم أول ...البنت إذا ما نفعت بالدراسه ايوزونها أحسن

فاختاري تخصص من الحين علشان ما ترمين بنفسج للتهلكه

وإن شاء الله تتيسر أمورج

[شمعة أمل]

أحسج تنفعين تكونين fashion designer ولا محاميه *مجرد راي*

[تحفه]

حلم الطفوله
صح انزين .. انا متشتته و متردده وكل شي في هالعالم
ما عرف شو يناسبني اكثر .. ماعرف شو ابي اكون
بس المشكله بعدها ما انحلت ..
انا شو ابي اصييييييير ؟؟

ماعرف شو ابي اصير وشو هدفي .. كان اخر هدف لي اييب نسبه فوق السبعين في الثنويه العامه


الحين جي بس عايشه ..
لل الله يا محسنين حد يسلفني هدفه

على العوم تسملين اختي .. ما قصرتي على الرد

--------


شـمعـة امل

هلا وغلا

اتصدقين انا من فتره قلت حق ماما هالشي .. جان اتقولي انتي تبين اتصيرين كل شي !!
بس للاسف ما عنا محاماه في جامعه زايد .. اعتقد في جامعه الشارجه

تدرين .. يوم رمست الدكتوره قالت لي * ماما جد قايلتنهلها ان الجامعه مب عايبتني*
قالت لي اتضيعين سنه ولا سنتين ... ولا كل سنوات حياتج متحسفه على جامعه ولا قرار واحد !!

الحين هالجمله اتوووون و تززززن
في عقلي .. بس ما ادري ليش عقلي رافض هالفكره ..
مرات احسها تصرف جنوني .. يعور القلب !!


الله يعيييييييييييين

[نبراس الليل]

ام خدود وربي بغيت اقولك عن علم النفس بس قلت يمكن بتفهميني غلط

دراسة حلوة وربي ..عقب الله يعين الاعضاء منك

طارق

موفقة يارب

[تحفه]

هههههههه .. تقصد * الـعـــقـل* يعني ؟ .. تدري وانا اكتبها كنت اضحك لول