شــو ســالــفة اللــيـســن ؟؟!!

[الرايد]

الــســلام عــلــيــكم..

شــو ســالــفة اللــيـســن ؟؟!!

ســمعنا انــه رفــعوا الســن الـقانــونـي للـيــسـن مـن 18 لــ 21 للــشباب و 25 للحرييم

و سـمعــنا انــه الـقرار صـدر بـس في دبــي و ما بـينفذون القــرار الا اذا وافــقت عـلــيه بـوظـبـي

و هـذا الــقرار بــيطــبقــونــه فـي بدايــة الــســنه 1\1\2006

هــل الخـبــر الــي ســمعــنا صــحــيــح؟؟

و السموحه

الرايد

[شمعة أمل]

غلط!
لانه اختي بعدها 17 وسولها موعد الامتحان بالضبط يوم تستوي 18 يعني 8-1 وهذا بيعتبر بعد مايصدرون القرار؟؟ ف ماتوقع هالشي صدق.. الا من كمن يوم امسجلينها..
لانه من سنتين وجي يقولون وتم اشاعات
اتوقع بس بيصعّبون الامتحان او شي .. بس يرفعون السن ماظني؟

[تحفه]

صح السان شمعة امل .. * غلط*

وهالاشاعات من الف سنه .. ماصار ولاشي

[الرايد]

شمعة أمل و ام خدود

انشاءالله تكون اشاعه

مشكورين على مروركم الطيب

^_^

[شمه]

لو يطبقونه زين..

نفتك من الزحمـــه ..
و من اللي يرفعون سيايرهم ع تايريـــــن..

[نبراس الليل]

مجرد مشاورات

وتحاول دبي تتحرك في هالموضوع

فيه سلبيات وفيه ايجابيات

الله كريم

طارق

[مزن هتان]

الشباب بيتخبلون خخخخخخخخخ

بس الحريم احسن الين السن 25 لو انا كنت الحين 16 زين اففففف
نحن الحريم وشلنا باللياسن من رسبنا فالفحصقعدنا نصيح Fa52

[حبوبه دبي]

جــان زيــن

اصلاً حتــى لو طبقـوه الشبــاب ماعليهم يســوقون من غير ليســن

الحمدلله انا خذت الليســن وافتكيـت

...

والسمــوحه

[الجنيه]

الصراحه لو تطبق هالقانون كشخه

يعني بيصير اشويه انضباط بالنسبه للزحمه والحوداث المروريه ...
على فكره هاي ثالث مره يرمسون في الموضوع وان شا اءلله الثالثه ثابته *_*

[ذنـيـنـي]

في امريكا الليسن ياخذونه في سن الـ 16 سنه

ثانيا شو الهدف من رفع السن الى 21 سنه,, يعني مع احترامي للقراء لكن اشوف انه القرار سخيف جدا

يعني الطالب الجامعي مثلا تبغونه يسير الجامعه بتكسي مثلا ؟؟؟
ولا بالباص ؟؟؟

[نبراس الليل]

في امريكا الليسن ياخذونه في سن الـ 16 سنه

وفي معظم دول العالم ..الطلاب يسيرون الجامعات بالباص او بالوسايل النقل الاخرى

واذا هم غير ونحن غير

حتى في قراراتنا بنكون نحن غير

الصراحة استوت مهزلة في السياقة ...

ولاتنسى يااخوي مع ان القرار اللي ساري الحين اللي اهو لازم تكمل 18 سنة تقدر تاخذ الليسن في سن اقل وهذا لازم تقنع الجهة المعنية في هذا الامر انك تحتاج للرخصة واتحدى اللي يقول لا

طارق ولك شخص وجهة نظر

[ذنـيـنـي]

هههههههههه
اكيد يستوي تاخذه في عمر اقل من 18

تراني انا موووووووووول ما خذته قبل الـ 18 ب 9 شهور



بس بعد اقول انه القرار مب عادل,,

صح انه شي شباب متهورين, لكن الطيش و اتهور موجود حتى بعد الـ 21

و في مجتمعنا اشوف انه الشخص يحتاج السيارة ,,

الحمدلله الخير وايد و اغلب الناس يقدرون يوفرون السيارات لأولادهم

و اعتقد انه نفس الشي بيحصل في الخارج لو كان عندهم مثل الخير الي في دولتنا, عساها نعمة دايمه

انا اقول انه يوجد انظمه اخرى للسيطرة على الشباب الي اقل من 18

مثلا يسوون نظام النقاط السوداء, يعني الشخص الي يحصل ثلاث نقاط سوداء تنسحب منه الرخصه لمدة عام مثلا

بس ما اعتقد انه رفع السن القانوني للقيادة الى 21 سنه يعتبر حل جيد
لأنه الشص مهما كان عمره, لازم بيتهور في اول الايام و عقب فترة بيعقل, سواء 18 او 21

[نبراس الليل]

سبق وذكرت لهذا القرار سلبيات وايجابيات

ايجابياته مشجعة لقبوله

وسلبياته لانتمنى حصوله

ذنيني تسلم على المتابعة

[سيدة الحب]

لاااااااااااااااااااااااا اااااااااااااا بليز عيل جيه ما بقدر اخذ اليسن وطلع سيارة

شو هذا اتمنى ما يطبقونه يعني انشالله بشتغل بعدين اطلع سيارة مأساة

انشالله ما يطبقونه

[الدلووووعة]

يعني بس مال دبي اللي بيطبقون هالقرار

خلاص عيل الكل بي بوظبي ولا الشارجة او ام القوين

بس احس إذا سو هالقرار بيكون هب شي