تحبيــني ولا ما اتحبيـــني ؟؟!

**شوق القلوب** · 06-12-05 ||, 04:35 PM

الجنيـــــــــــة..

بصـــراحه... فرحت وااايد بردج... و مشاركتج ويانا بهاللحظات الحلوه.. ^_^

هههههه... وليكون انا اللي طرشتلج و انا ما ادري..

..

بس لفتني كلام أختــــج...

صح.. احنا بكل بســاطه انعبـــر عن مشـــاعرنا لربعنـــا... يعني عادي أول ما اشوف ربيعتي و اكون مشتاقتلها واااايد احضنها.. و اطرشرلها مسجات اني مشـــتاقتلها...

أما أختي.. بتردد مليـون مره قبل لا أفكـــر اني اطرشلها و احضنها... بالرغم من شوقي وحبي الكبيــــــــــــــــــــ ر لها..!!

..
..

وفي الأخيـــــــر..

أختـــج.. شوق القلــــوب أتقـــولج... أحبج..

وأحبك في الله الذي أحببتني فيه ..
.
.

**شوق القلوب** · 06-12-05 ||, 04:37 PM

حبـــــوبة دبــــي..

وأنا بعد.. أحبـــج في الله الذي أحببتني فيــــــــــه

**أمطار** · 06-12-05 ||, 05:06 PM

احم..

. . .مســـــــــــاا الخيــــــــــر . . .

رجعت بردود خواتي ..
اليوم وقت صلاة الفجر وصلنيه مسج من الدكتورة ::
شفيج؟!
:crosseyed

طبعا ً ما انتبهت للمسج إلا بعد ما نشيت على اتصال من اختيه العــودة ..
هاي فوق الثلاثين ((عيوزة

)) ،،
طبعا ً أنا احس من زمااان ما شفتها يمكن صارلي 3 اسابيع مب شايفتنها ،،
وبعد ما سلمت وخذت العلوم وخلصنا ردود الحال . . .

قالتليه :: احم .. كأنج مطرشتليه مسج!؟

دمعة :: هيه .. السموحة ما انتبهت للوقت يوم طرشت المسج !!
اختيه :: لالا عادي .. بس شالسالفة؟!
استحيت وما عرفت شو أقولها .. بس خبرتها اني طرشت نفس المسج حق اخوانها بعد وعموه وو ألخ ..
وبعد السوالف والضحك على ردود أفعالهم .. قالتليه ::
خلاص برايج بخليج الحينه بس .. اممم .. تحبيني ولا ما تحبيني ؟!

قلتلها :: أكيـــــد أحبج .. جان تضحك علي وعقب سكرت عنها ..
حصلت مسج ثاني من الدكتورة ::
هيه أكيــد .. ليش؟!
(( يحليلها .. شكلها يوم نشت لصلاة الفجر زاغت من المسج))

اتصلتها وخبرتها بالسالفة وأنيه طرشت المسج للكل وو ألخ ..

قالتليه :: زيغتيني صراااحة .. قلت بلاها شي البنية!!
وليش بالله تزعجين الكل واطرشين مسجات تزيغينهم ؟!..
حد قالج انج بتموتين ؟! <<< دكتورة .. ما ألومها ،، الطب مخرب عقلها حبتين

..

قلتلها :: لالا بس سؤال .. احم

وجان تجلعني .. قالت :: يلا برايج .. ورايه شغل !

أحس الكبار حساسين شويه ويستحون يعبرون عن مشاعرهم ،،
بس استانست على ردود أفعالهم .. لأنها بيّنت لي أنهم يحبوني وفي نفس الوقت أظهرت لهم مشاعري .. لو أنه كله كان بطريقة هب مباشرة !!

أحبــــهم .. وأحبـــكم