الله يسامحـج يا شـــوقي ،،


صيحتيني من الخااطر والله ..
أنا عمري ما تجرأت اسأل حد إذا يحبني ولا لا..

قلت يلا أجرب واطرش المسج ،،
وطرشته لكمن شخص ..

- - -
وكان ردهم ،،
- - -

عمــوه :: أكثر شي (-;
؟
قريت المسج وعيني دمـّعت ..
بعدها بربع ساعة اتصلتلي تقولي شسالفة ؟؟.. متولهة عليّ أشوفج؟! ويلست تتغلى وتقيس غلاهااا .. ما درت أنها اغلى من روحي ((حركات عمــووه فديت روحها))

واحد من اخواني - الغير اشقـّاء - :: تحبني
((شكله استحى يقول أحبج ))

وأكبر اخواني -الغير اشقـّاء- ::
اتصل يسألني .. فيج شي؟!


أخويه الأصغر عني بسنة ::

هو : شسالفة ؟!
دمعة : ولا شي بس اسوي استفتاء !

هو : والله انج متفيجة .. بس خبرينا بالنتيجة بعدين ..
دمعة : ان شاء الله بس انته ما جاوبتني ع السؤال ..

هو : آآآآآ .. شو السؤال؟!
دمعة : تحبني ولا ما تحبني ؟!

هو : انتي هبلا ؟! .. منو ما يحب اخوانه .. يلا باااااي ((استحى الريال))

دمعة : ... ضاع صوتي ويلست اصيح !!

واتريا الجواب من خواتي .. ما استحي طرشتلهم المسج آخر الليل .. اكيد راقدين!


- - -
بس بصراحة .. أكثر شي أثـّر فيني رد أخويه -الشقيق- صح انه ما قالها صريحة ،،
بس الأقل الحين أعرف أنه يحبني . . .

شوّاااقـــــــي ،،

المســج الرابع يقول ::
أكيـــــــد أحبــــــج ..

موضوع ولا أروووع حبيبتي ،،
يعطيج ألف عافية يالغلا . . .

كل الـــودّ . . .
دمعة العين