الشوق

دائماً متميزه بالطرح والمواضيع التي لا تخلو من الواقعيه والتي قد تطرأ على بال الكثير منا لكن لا يمكن لأحد أن يجيد صياغتها كما تفعلين ...

شوق صار لي هالموقف من فتره بسيطه نفس الشي وصلني مسج من انسانه عزيزه على قلبي تسألني هالسؤال "ليكون أنتي؟؟؟ " ورديت عليها بكل صراحه ما أحبج أمووووووووت فيج

رديت طرشت نفس المسج لخواتي وهنتين من ربيعاتي
رد أختي الكبيره كان : يالهبله .... وكان ودها أتدس هالكلمه أحبج والله العالم بغلاج
أختي الثانيه : أكيد ما يباله سؤال
ربيعتي الأولى : فديت روحج أحبج
الثانيه : ما بجاوبج الحين العصر بييكم

يوم يت العصر طبعا سلمت عليها وحضنتها بالقو تدرين أختي شو قالت لي ؟؟؟
قالت لي عمرج ما بينتي حبج لحد في البيت مثل ما اتسوين ويا ربيعاتج
حسيت رمستها كانت مثل الصفعه لي معقوله أنا بخيله في اظهار مشاعري لأقرب الناس وأحبهم لقلبي ؟؟

من يومها بديت أسمع الكل كلمة أحبك أحبج ,,,
نبراس الليل .. طارق .. أخوي أسمه طارق
خخخ قلت له أحبك يا أغلى أخو في الدنيا جان يحمر ويخضر ويصفر جني قايله شي لا سمح الله جان اجلب ويهي واشرد عنه ...
يتراوالي اسهبت في الكلام سلامي عليج الشوق
وأقولج
أحبج