تحبيــني ولا ما اتحبيـــني ؟؟!

[شوق القلوب]

حبـــــوبة دبــــي..

وأنا بعد.. أحبـــج في الله الذي أحببتني فيــــــــــه

[أمطار]

احم..
. . .مســـــــــــاا الخيــــــــــر . . .

رجعت بردود خواتي ..
اليوم وقت صلاة الفجر وصلنيه مسج من الدكتورة ::
شفيج؟!
:crosseyed

طبعا ً ما انتبهت للمسج إلا بعد ما نشيت على اتصال من اختيه العــودة ..
هاي فوق الثلاثين ((عيوزة )) ،،
طبعا ً أنا احس من زمااان ما شفتها يمكن صارلي 3 اسابيع مب شايفتنها ،،
وبعد ما سلمت وخذت العلوم وخلصنا ردود الحال . . .

قالتليه :: احم .. كأنج مطرشتليه مسج!؟

دمعة :: هيه .. السموحة ما انتبهت للوقت يوم طرشت المسج !!
اختيه :: لالا عادي .. بس شالسالفة؟!
استحيت وما عرفت شو أقولها .. بس خبرتها اني طرشت نفس المسج حق اخوانها بعد وعموه وو ألخ ..
وبعد السوالف والضحك على ردود أفعالهم .. قالتليه ::
خلاص برايج بخليج الحينه بس .. اممم .. تحبيني ولا ما تحبيني ؟!

قلتلها :: أكيـــــد أحبج .. جان تضحك علي وعقب سكرت عنها ..
حصلت مسج ثاني من الدكتورة ::
هيه أكيــد .. ليش؟!
(( يحليلها .. شكلها يوم نشت لصلاة الفجر زاغت من المسج))

اتصلتها وخبرتها بالسالفة وأنيه طرشت المسج للكل وو ألخ ..


قالتليه :: زيغتيني صراااحة .. قلت بلاها شي البنية!!
وليش بالله تزعجين الكل واطرشين مسجات تزيغينهم ؟!..
حد قالج انج بتموتين ؟! <<< دكتورة .. ما ألومها ،، الطب مخرب عقلها حبتين ..

قلتلها :: لالا بس سؤال .. احم
وجان تجلعني .. قالت :: يلا برايج .. ورايه شغل !


أحس الكبار حساسين شويه ويستحون يعبرون عن مشاعرهم ،،
بس استانست على ردود أفعالهم .. لأنها بيّنت لي أنهم يحبوني وفي نفس الوقت أظهرت لهم مشاعري .. لو أنه كله كان بطريقة هب مباشرة !!



أحبــــهم .. وأحبـــكم

[حلم الطفوله]

أحلى شووووووووووووق

سويت مثلكم ...لكن ما تجرأت أطرش هالمسج لإخواني ... بس طرشته لربيعاتي

رد المسج الأول :what

فرديت عليها حراااااااااام أعرف ؟

فردت: لا مب حرام وانا فعلا اعتبرج شيء مهم بحياتي بس استغربت؟

رد المسج الثاني: أكيد أحبج ليش هالسؤال؟وطرشت عقبه مسجات

رد المسج الثالث : هالمره كان اتصال مباشر ...
وقالتلي شو هالحركات ؟؟ ويمكن استحت تقولي أحبجصريحه
بس في النهاية قالتلي أحبج يالـ..................؟

رد المسج الرابع : كان اتصال بعد ... وقالتلي إياها على الصريح قبل السلام

من متى وأنا وياج عمرج ما سألتيني هالسؤال؟؟ بعدج شاكه بمعزتي لج يعني استحت تقولها

المسج الخامس بطرشها لشوق القلوب ، فيا ترى شو بيكون ردها؟

أحبكم كلكم في الله

[شوق القلوب]

عافك الخاطر..

والله الحال من بعضـــه.. ما أتوقع في يوم من الأيام وحده من خواتي أتقولي أحبج..!

في من الأخوان.. الموده اتكون موجوده في قلوبهم.. لكن ما اتعودا يقولونها.. و في منهم.. ممممم.. أتسائل اذا في قلوبهم محبه أصلا..!!

لو الأخــــــــــــوان كانت تجمعهم هالمحبـــة سواء أكانت خافيــه في الصـــدور.. أو ظاهره بالافعال و الأفعال.. جان ما شفنا أخوان مضاربين.. و لا خوات متقاطعين...

..

سعدت لاضافتج.. عزيزتي.. :)

[الجنيه]

شواقه شو سويتي فيني ؟؟ والله يتحروني أستخفيت


من يومين نص الليل طرشت مسج لأخوي قلت له بوزايد أتحبني ؟؟
جان أيي يدق باب حجرتي وأحم أحم باسني من دون مقدمات جان أستوي ياويلي
وقالي مره ثانيه يوم تبين أتعرفين اذا حد يحبج أو لا طرشي المسج وقت عدل مب يوم الناس راقده ..
بس جوابه الفعلي ونسني كفايه أنه تعنى ويا لين حجرتي معناتها يحبني فديتني والله..

أنزين واليوم ياب لي غلكسي يدريبي خبله غلكسي جان أقولله أحبك فديت روحك يا حظها الي بتاخذ
جاااااااااااااااااان ههههههههههه أستحى وضربني عراسي وراح حجرته خخخخ
عرفت نقطه ضعفه كل ما يسوي لي شي بقوله أحبك

[شوق القلوب]

نبراس الليل.. طارق..

بصراحه أعجبني تفكيرك المنطقي و تحليلك لما يحصل داخل الاسره..
فالاحبــاء هم غرب عنـا ، فنبدأ في التقرب اليهم بالهدايا و الكلمات .. وكل رقيق و لبق من التعامل و الاحترام..
ولكن البعض يندفع.. و يترك أحق الناس في تعامله الطيب..

أتمنى بحق أن يسود الوئام و الحب قولاً وفعلا.. بين الاخوة و الاخوات.. :)

[شوق القلوب]

سيـــدة الحب....

هذي هي المشكله اللي الواحد يخاف منها.. هو بحث الفتاه / الشاب .. على كلمه أحبك خارج أسوار البيت و بطريقه عشوائيه ، يمكن يكون دافعهم انجذاب نحو الطرف الاخر.. لكن في نقص داخلهم يحركم و بشكل أكبر وهو البحث عن الدفء العاطفي ..

لو كان المرء مكتفي بلمه أهله و اخوانه بمشاعر تشبع العاطفه اللي فيه ، جان ما شفنا هالكم الكبير من العلاقات الطايشه في المجتمع !

شاكره لج مرورج الطيب.. :)

[شوق القلوب]

سفيـــر الخيـــال..

وما أروع المحبه حين تعتلي عرش قلـــوبنا..
.
.

لوجودك.. كل العبق
كن قريباً

[ملاك الروووح]

OMG

والله اني انا بعد صحت وأنا أقرا الردود ..

حسيت غييييييييييييير !

:

الله يخليكم لاهلكم .. ويحفظكم لهم ..

:

أنا بعد بالنسبه لي .. أحس صعب اني اعبر عن شعوري حق اهلي ..

خاصه امي ..!

لكن ربيعاتي عادي .. دوم من فتره ل فتره أطرش لهم مسجات وأخبرهم اني أحبهم !



بس أستحي من اخواني وخواتي مادري ليش !

ويمكن لأنه نعتبره من المسلمات انه يعرفون انه نحبهم يعني ..

ف ما يحتاي نقولهم انه نحبهم !

:

وأنا أقرا الموضوع عيبني .. وكنت اقرا الردود حق خواتي ..

جان تقول اختي انا بعد بطرش لهم مسجات .. وبشوف شو بيردون علي ..

وبخبركم شو ردوا عليها ..

أول رد : مني

Avbch ya a7la o a3z o a7n o a6yb o a'3la o a'97k =P lol e5t fldnya


اختي الكبيره ..

أحبج

اختي اللي اصغر عنها ..

لا ما أحبج هاهاهاههاهاهاي }} هاي ضحكتني صج !

:

اختي اللي اصغر عني بسنه ..

هيه احبج .. شو تبين ؟

}}

:

اخوي الصغير .. ( فديته )

طرش لها .. أحبج

وعقب شوي اتصل فيها وقالها شو السالفه ؟

قالت له بس ابي اعرف اذا تحبني ولالا

جان يقولها صج انج متفيجه يالله يالله باي ..

:

ربيعتها طرشت لها ..

ليش تسألين هالسؤال !

}}

:

اخوي ( صف ثالث ثانوي ) اتصل فيها وقالها .. ليش مطرشه هالمسج ؟"

شو مستوي ؟

قالت له بس جيه أبي أعرف ..

جان يقولها متفيجه تراج أبي أشوف المباراه .. جلبي ويهج ..

<<<


"

انا باجر بطرش لهم مسجات .. لأنه بزيغهم .. اذا طرشت لهم مسجات انا بعد اليوم

بيقولون بلاهم البنات استخفوا لووووول

:

شواقتي حبيبتي

موضوعج حلووووووووووووووووووووووو ووووووووووووووووووووووووو ووووووووووووووووووووووووو وو

وشكراً لأنج عطيتينا هالفرصه .. عشان نعبر عن اللي ف خاطرنا ..!

[وعد]

جربت هالحركه لانها عجبتني وايد
سمعوا الردود بس,هذول خواتي

الاولي : تر الفيني مكفيني يوزي عن سوالفج
الثانية: خير!!!!!!!
الثالثة:اكرهج اه ونص

شفتو الهنه الي انا فيه :narr:
بس ادري بهم يحبوني حتي لو ما قالوها لي:kcl:
قلت خلني اسال امي شفويا لانها ما وصلت لها للحين حركات اس ام اس وهالسوالف
انا: يمه تحبيني
امي : انتي عيوني الي اشوفه فيها,
الله الله عليج هذا الرد والا فلا
طبعا اخواني الشباب ما في امل اسالهم لانهم اكيد ماراح يعطوني ويه هذا اذا ما طردوني من حجرتهم هههههه
بالنسبة لج يا شوق القلوب اكيد كل الي بالواحات يحبونج لانج انسانه مهذبه :kcl:

[شمعة أمل]

دايما على لساني.. دايما اخبر ابويه وامي وخواتي اني احبهم.. حتى البشكاره

بس ربيعاتي لا ماقوللهم.. الا يمكن بمسج.. بس مب فيس تو فيس



شووق
أكيد نحبج

[شوق القلوب]

مزن هتــان..

من أضافتج يبين أشكثر احنا محتاجين انعبر عن هالمشــاعر الطيبه لأهلنا..

عشان جيه أتأثرتي.. :)

وصدقج والله .. الخوان لهم مكانه وااااااااايد غير عن الخوات..

ربي يحفظهم لج جميـــع يا رب.. :)

[شوق القلوب]

مرحبــا بأخي الكريم .. طارق..

اضافتـــك أثرت الموضوع بشكل جميـــل.. صحيح الحياء منعنا من التعبير الصريح بمشاعرنا... لكن سؤالي.. لمَ لا نخجل ان قلناها مثلا لأحبائنا...؟؟؟

والأمر الآخر... هو ان الخجل.. قد يدفعنا لابراز مشاعرنا بطرق أخرى غير النطق بها صريحه.. فالكثير من يعتبر الهدايا و العطايا تعبير محبه... ولكن في رأيي هي لا تكفي... فالانسان يحب أن يســـمع.. لا أقول كل يوم... انما يتخير الموقف المناسب.. لتكون الكلمه مأثرة أكثر... ويكون صداها عميق في النفس..

ولا يخفى عليك - أخي طارق - ان الكثير قد يدفعه خجله الى نسيان هذا الامر.. و التعامل مع الاسره بروتين.. يصبح مع الايام ممل يهرب منه بعيدا عن المنزل..

..
..

في انتظار مرورك.. ان طاب لك الحديث.. :)

[شوق القلوب]

مزن هتان..

بصراحه... أنا جدا سعيده انه الموضوع حرك فيكم هالرغبه الجميله و التواصل مع أخوانكم... وماشاء الله ردود أفعالهم دخلت الفرحه في قلبي..

ربي يجعل المحبه دااااااااااااااايمه بينكم.. :)

[نبراس الليل]

لمَ لا نخجل ان قلناها مثلا لأحبائنا...؟؟؟

سؤالك جميل ..اتعلمين على حسب ماأعرفه

لأن العلاقة والمحبة بين الاخوان والقرباء فطرية وكل منهم يعلم أن الآخر يحبه فلا يأبى لسماع كلمة احبك

أما للاحباب هنا علاقة ناشئة من إرادتنا وبعواطفنا فالطرف الآخر محال أن يعرف ماهو نبض هذه العواطف
اهي كره حب اعجاب هنا ينجبر الشخص في قول هذه الكلمة لايصال مشاعره وعواطفه مرة بعد مرة فتذهب بعض من الحياء او الحاجز نبتعد عن الحياء قليلاً هو حاجز ينكسر إذا عاودنا قول مثل كلمة أحبك
وربما الطرفين يحوم بهما الخجل لكن يريد كل منهما الآخر ايصال مشاعره وربطه بتلك الكلمة

أما مشاعر الأخوة والعلاقة فهي فطرية كما قلت سابقاً فتربطهما الدم والأسم والنسل وألخ فلا يندفع كثيراً
لقول مثل هذه الكلمات التي يجب علينا قولها وأوافقك بأهميتها ...

أتمنى اجبت على سؤالك واستطعت ايصال ماأردت ايصاله سأعود إن لم يصلك المعنى


والأمر الآخر... هو ان الخجل.. قد يدفعنا لابراز مشاعرنا بطرق أخرى غير النطق بها صريحه.. فالكثير من يعتبر الهدايا و العطايا تعبير محبه... ولكن في رأيي هي لا تكفي... فالانسان يحب أن يســـمع.. لا أقول كل يوم... انما يتخير الموقف المناسب.. لتكون الكلمه مأثرة أكثر... ويكون صداها عميق في النفس..

هنا دعيني أتحدث عن نفسي ووجهة نظري ...

دائماً أحب ايصال مشاعري بأفعالي وتصرفاتي فهي خير برهان على مصداقية تلك المشاعر

فالاحساس بها عن طريق العين والحس والسمع أفضل من مجرد الأستماع لها

ودائماً يجب ان نجعل لكلمة احبك لاخوتنا قليلة كي نحافظ على قيمتها ومكانتها وتأثيرها

وقولها في المناسبات الهامة وذو قيمة عالية



ولا يخفى عليك - أخي طارق - ان الكثير قد يدفعه خجله الى نسيان هذا الامر.. و التعامل مع الاسره بروتين.. يصبح مع الايام ممل يهرب منه بعيدا عن المنزل..

فهذا شخص يهرب من مشاعره ولاأعلم ماهو بالضبط سأقوم بتحليله فيما بعد
إن شاءالله

تقبلي تواجدي المتواضع

طارق