السلام عليكم والرحمه
اشحالكم اخواني وخواتي ؟
هذا اول موضوع لي وياكم بـ هـ الواحه
ان شا الله يعيبكم بس
وبــاسم الله نبدى الموضوع
كنت يالسه ..فـ البيت وما صار لي واصله يمكن ساعتين
الا وسمعت خواتي وامي يرمس انهن بيسيرن عرس
ويقولن يا الله قومي ويانا
وكل وحده كاشخه ومتعدله .. وانا خبر خير
وين .. متى .. كيف .. ليش ما حد قالي قبل ؟
ما عطوني سالفه .. تبين تسيرين العرس حياج ..
ترى بيبون نوال الكويتيه .. وحربي العامري
وانا ما يهموني .. وقلت
لو احلام بتيي انا بسير .. عسب انها تعيبني خاصه في حفلات الاعراس يكون لها لوك غير
][ أدري ما عندي سالفه المهم ][
ما سرت .. وتميت يالسه في البيت
فجأة وبـ نص الليل تيلفوني يرن
والمتصله اختي .. وصوتها مب واضح عدل
واتم اصارخ .. وتقولي سمعي سمعي <--- تباني اسمع منو اللي يغني
وانا من سمعت الصوت .. قمت انقز بــ مكاني واصارخ أحلاااااااام .. أحلاااااااام
المهم .. قالت لي البسي عباتج وتعالي بـ سرعه
قلت لها لا ما ابى .. احلام عقب تشوفني مب متعدله وكاشخه لا ما يصير
واللي صار .. اني ما سرت لكن وصيت اختي تصورها
وفديتها .. صورتها
..
لكن الصور مب واضحه ذاك الزود
عسب الإضاءه الخفيفه
.: اليـــوم :.
الخميس 24 / نوفمبر 11 / 2005
هو يعني اليمعه الفير
.: الزمـــن :.
1:15 في بعد منتصف الليل <--- اونه فصحى
.: المكـــان :.
عرس خاص لـ إحدى العائلات فـ بوظبي
.: الصـــور :.
والسموحه .. لانه الصور مب واضحه وايد
ويسلمووونيشن لكل من هل وطل
اختكم
عـذ الـروح بـة
رد مع اقتباس
مواقع النشر (المفضلة)