اصلـــب عــــودك يا مــــواطن

[صدى جوفي]

الثعلب الرمادي..

إسمحلي..إذا أنت غيور على وطنك.. وعلى عيال ديرتك..ما كنترمست هالرمسة

والحرية مب أنكتسوي الشي اللي يرضيك ويريحك..

لا تنسى أنه في ضوابط وقيم.. في حساب وعقاب..

في جيل ياي ونتمنى أنه يكون أحسن من اللي قبله..

ويتخطى العقبات اللي تدسه الفضائيات و الأفكار الهابطة

والله يستر عالجميع

[لمّــاح]

الحساس ، كلامك صح . .

البعض يقول بــأنه هالشي عادي ، الانجليز يسوون اكثر عن جيه !
نعم صح ، لكن الي يسوونه الانجليز ابدن ما يخالف عقيدتهم أو مجتمهم، لكن نحن لازم نخالف و لازم انسوي عكس الي نؤمر به . . !
و سبحان الله ، استغرب من الانجليز كيف حريصين على دينهم و معتقداتهم ، و الاغرب هو احترامهم لقوانينهم ( طبعا لازم هناك مجموعة اتكون خارجة عن القانون لكني اتكلم بشكل عام ) . .

لو تلاحضون ، هالاشيا كلها امرنا بها الدين الاسلامي و نحن ودرناها ، و هم خذوها منا و شوفو لشو وصلو ، و نحن لشو وصلنا . .

بعض الشباب بدال ما يصيرون عون للدولة ، صارو عال و عبئ تتحملهم الدولة و تصرف عليهم بيزات الدراسة و التأمين الصحي ، والله خسارة فيهم هالفلوس . .

و ياخويه الحساس هالشي مب بس في فلكر ، هالشي انتشر في مجتمعنا بشكل كبير و انا اتكلم عن الجنسين ( البنات و الشباب ) ، الجنس الثالث مالي خص فيه

و أقرب مثال استوا هو في مؤتمر الاعمال البنكية و التمويل الي نضموه بعض البنوك و انعقد في كلية دبي للطلاب ( تقنية دبي ) ، الي حضر المؤتمر من الطلاب يمكن يقدر يعرف بعض الاشيا الي استوت . .
اخويه الثعلب الرمادي ، ماعندي تعليق على كلامك لكل واحد وجهة نضر لكن عندي مداخلة، تذكر هالجملة و حطها في بـــالك (( اليوم عمل بلا حساب ، و غدا حســـاب بلا عمل ، فإعمل لغد فإن الدنيا زوالة و ما متاع الدنيا الا لهو و لعب مؤقت فإعمل لغد كي تنعم بالحياة الحقيقية الخالدة ، إعلم ان الدنيا دار إختبار ، و الدنيا متاعها و خيرها مؤقت و زوال ، فلو دامت لغيرك تلك النعمه لما وصلت اليك ))