المعرض الجوي

**عنود الريف** · 20-11-05 ||, 11:53 PM

السلام عليكم ورحمة الله وبركاته
طبعا الكل يعرف ان اليوم افتتح المعرض الجوي في دبي ..
وبما ان جامعتنا قريبة .. فانا صورت لكم بعض الصور للطيارات .. بس مب كلهن لان ما كان عندي بريك وكان لازم الحق على الكلاس اللي بعده ..
بس باجر ان شاء الله عندي بريك طويل .. بصور لكم زياده وبحط الصور لكم ..
والحين اخليكم مع الصور ..

والسموووحة

**ذنـيـنـي** · 21-11-05 ||, 12:08 AM

ما شاء الله حلوه الصور

بس باجر لازم تصورين لنا صور زياده,, الصور هذه ما تكفي

**بو كشه** · 21-11-05 ||, 01:35 AM

شو مصوره ؟؟

ممكن طلب شكله المطار عند بيتكم صح ..

صوريلي .. الميراج والسوخوي والـ اف 16 ..

وأتريا الصور ..

**حبوبه دبي** · 21-11-05 ||, 01:50 AM

يا سلااااااااااام

شــو هالصــور الحلــوه

نتــريا البـــاجي

والسمــوحه

**أمرين** · 21-11-05 ||, 09:57 AM

الله خاطري أسير

تسلمين غناتي ع الصور

**عنود الريف** · 21-11-05 ||, 07:41 PM

مرحبا اخويه ذنيني
تسلم على الرد بس اعرف الصور وااايد بعيده لان كيمرتيه ما تساااعد .. مب واااايد بروفيشنال ..
بس اسمحوولي اليوم كنت تعبانه وكيمرتيه خذها اخويه لانه فجأة قالي بسافر وابا كيمرتج .. مع اني وصيت ربيعتي .. بس نستها بس ان شاء الله باجر او يوم الاربعا بصور لكم ..

اخويه بو كشه لا تسألني شو مصورة لاني انا روحي ما اعرف شو مصورة بس مشغله الكيمرة واصور ..
اسمحلي اليوم ما صورت للعذر اللي كتبته لذنيني .. بس بحاول اصور .. وانا ما اصور من بيتنا .. كنت اصور من جامعتنا ..
بس ان شاء الله بحاول اصور لك اللي اقدر عليه ..
وتسلم على الرد

حبوبة تسلمين الغاليه على الرد

أمرين تعالي الجامعه وبدخلج ببطاقتي بس خبريني متى بتين .. وفالج طيب بتشوفين كل شي .. وأوعدج انج تحصلين مكان استراتيجي.. احسن من اللي تحصلينه يوم تسيرين المعرض نفسه ..

والسمووحة منكم .. وان شاء الله برد لكم بصور أحلى ..

**أمواج** · 21-11-05 ||, 08:08 PM

الله يعينكم يا بنات جامعة زايد شكلكم متلعوزين بأصورات الطايرات

نايس الصور

**هزاايم** · 21-11-05 ||, 09:34 PM

من صجها المتفيزره الله يعينكم
أقولج ترى يالشيخه على أيام القبلانيه للجامعه كانوا دواامهم لين 12 ولي بعده الكلاسات متكنسله على حظكم سووا لكم طاااااااف>>>حليل حالكم معليش كلنا في الهوى سوى
سلمتي عالصور الترتووبيه
والله يعينا عالحشره

**نبراس الليل** · 21-11-05 ||, 10:16 PM

متى يخلص وافتك من التعب اللي فيه

ناس تستانس بالمعرض وناس تشقى وانا منهم

شكرا على الصور

طارق

**العجيبة** · 23-11-05 ||, 10:48 AM

جمييييييييييل ..

تسلم يدينج

**عنود الريف** · 23-11-05 ||, 06:40 PM

المتفيزرة عالعرقوب
هيه والله كل شوي الدكتور يوقف وعقب يكمل .. اذيه والله
يالله اليوم ما ادري باجر بيخلصون .. نحن افتكينا منه الحين...
تسلمين الغاليه

هزاايم
هلا الغاليه ,, يا مرحبا بج
الله يعين الجميع .. بس مثل قلت للمتفيزرة الحمدلله افتكينا منه ..
هيه ادري الغاليه .. بس للاسف ما سوولنا .. البنات اللي دوامهم من 8 لين 12 يفتكون شوي.. انا للاسف دوامي من 1 لين 4 ونص .. حشرة في حشرة ..

تسلمين الغلا

نبراس الليل
الله يعطيكم العافية .. ويجعله في ميزان حسناتكم ..
وخلاص هانت ما بقى شي .. خلصوا

العجيبه
تسلمين الغاليه

**الحاضر الغايب** · 24-11-05 ||, 12:43 AM

السلام عليكم ...

تسلمين على الصور اختي عنود الريف
والله يعطيج الف عافية ...

والسموحه ...

**الشوق** · 25-11-05 ||, 01:10 PM

عنود الريف...
تسلمين يالغلا على الصور ..
بس كنت اتمنى تعرضين ...لنا صور لان اتحصلون صور مختلفه لانواع كثيره .. ومختلفه منها الصغيره ومنها الكبيره ومنها السريعه ومنها البطيئة .. وكفايه الحركات البهلوانيه اللي اتصير في الجو ...
في هذي المناسبه ..
.
.
.
كل هالذكريات شفناها على ايام الجامعه ..
.
.
.
وخلينا انشوف المزيد من هالصور
خويتج/ الشوق