السلام عليكم ورحمة الله وبركاته
هنا انا اعرض عليكم رسمه
رسمت فيها شير الفريج
طبعاً رسمتها في لحظة ملل لا يوصف
خدافس
السلام عليكم ورحمة الله وبركاته
هنا انا اعرض عليكم رسمه
رسمت فيها شير الفريج
طبعاً رسمتها في لحظة ملل لا يوصف
خدافس
أنا أبا أعرف شي واحد
أنا توني طالع من موضوع يديد لأستاذتنا عمة العيم
وداش موضوع يديد لنفس الفنانة
شو السالفة؟؟؟
في طريقة حلوة للعرض وهو إنه اتحطين رسمتين في موضوع واحد
هاي نقطة
والشي الثاني شو سالفة الملل
في ألف طريقة وطريقة لقتل الملل
أنا أحينه في البيت
أحس إني ما أحصل وقت حق الرسم
بس مع ذلك امشارك في الواحات عشان أجبر نفسي على الرسم
عشان ما افقد إلي تعلمته من مهاراتي القليلة
بس مع ذلك أتأخر في بعض الأحيان عن الطرح
أما عن الملل
فلا
هذا شي لازم توقفين عن حده
وإذا بغيتي تستغلين وقتج صح
حاولي في بداية يومج تبتدين بالقرآن
جزء واحد على الأقل في بداية اليوم
عشان باقي يومج يكون بركة بإذن الله
وعقب هذا فكري مب بس في الرسم
فكري في وايد أشياء
لو في قراءة الكتب أو الطبخ أو اي شغلة ثانية تلهيج
وبهاي الطريقة باتحسين بوقتج الثمين
أنا لو كان عندي مجال كبير من وقتي جان نافست الطباخين بعد ههه
لكن ماحصل وقت
كان في يوم من الأيام في خاطري والله أتعلم هذا مال العيايز هذا ( التلي )
وكان في خاطري أتعلم بعد مال عيايز الغرب ابرتين طوال ويحيكون الصوف
وكنت ابا اتعلم الكروشيه هي ابره وحده في حياكة الصوف أو الخيوط
كل شي والله خاطري اتعلمه
بس وقتي ما يسمح
أتذكرت شي
يوم كنت صغير علموني في المدرسة طريقة عمل النول وذلك باستخدام الصوف
ويوم انتهت المدرسة سرت عند النجار بسيكلي قلتله سولي نول عووود
والمشكله إني شالنه وبيتنا بعيد والشوارع خطرة كانت في السابق على صغير مثلي
عشان انسج في الإجازة واتمتع بوقتي
فأنصحج نصيحة
شغلي مخج في وقتج
ومفتاح القضاء على الملل في إيدج
كل تحياتي لأستاذتنا
محاق
محاقنا
الحاله النفسيه تأثر على قضاء الوقت ترا ههههه
بالنسبه للأشغال اليدويه ماخليت شي ماسويته بس اخاف اقول عقب تظربوني عسب ماراويتكم
و بعدين انا زعلانه
ماقلت لي رايك في جمال فريجنا
خدافس
أنا آسف والله
نسيت
بالنسبة للرسمة بلا مجاملة وايد حلوة والله
عجبني اسلوبج وايد بهاي الألوان
لأن الأشجار اتبين شبه حقيقية
وهالشي وايد عطى اللوحة نوع من التميو الممزوج بالألوان الحقيقية وغير الحقيقية معاً
لتعطي نمط جميل جداً
إعتذاري على عدم البوح عن رأيي تجاه اللوحة
( متحمس وايد حق النصيح )
كل التوفيق لأستاذتنا
رووووووووووعــه
مــاشالله ويــن هالفــريــج ؟؟وااايد نظيــف خخخ
تسلميـــن والله ع الرسمــه الحلــوه
ابدعتـــي حبيـــبتي
المــلل يعمــل حاجات حاجات ع قــوله اخــوانا المصــرييــن
والسمــوحه منج
شوكرن محاقنا
طبعاً انا رسمت و اتبعت خطوات استاذنا في المرسم
و مره ثانيه امدح عقب انصح هههه
حبوبة دبي
حياج في فريجنا بس ماعليج مسويه عمليات تجميل للفريج شوي في الرسمه هههه
و تسلمين عالمرور حبوبه
خدافس
الصراحة ومن غير مجاملات
رسمة عجيــــــــــــــــــــــ ـــــــبة
عمة العيم وومبدعة الرسم
اناملك رائعة ومتميزة تنمنم هذه الالوان على بياض الورق
شكرا عليها
طارق
بكائي ليس حزنا لوداعك يا أبي
بل شوقا للقائك في الجنان ....
السلام عليكم ورحمة الله وبركاته
اشكر مرورك اخي طارق
و اسعدني اعجابك برسمتي البسيطه
و انتظروا لوحات جديده
بالالوان الزيتيه
خدافس
عمة العيم ..
اذا هالملل سوى فيج جذي وخلاج...
اتقدمين لوحه جميله ومنظر رائع ..
فاقول هنياله الملل عيل .. لانج اترومين تستغلين هاك الوقت في رسم هالابداع
منظر طبيعي رائع ... والصراحه اللالوان جدا حلوه ورائعه ..
تسلمين يالغاليه
وسلمت ريشتج الرائعه
محاقنا .. افكارك حلوه ... وعمة العيم .. حاولي تستغلين وقت فراغج ..
واتنوعين فيه .. علشان ماااتملين من الرسم نفسه
خويتج/ الشوق
تسلمين الشوق على هذا الاطراء الرائع
وانا اقول لو رسمه بسيطه قلتي عليها كل هالكلام
عيل هنيالها لوحتي القادمه هههه
خدافس
. . .وعليكم السلام ورحمة الله وبركاته. . .
غاليتي
. . .عمـــووة العيــم. . .
مــــــا شاااء الله عليــج حبيبتي ،،
والله كلمة روعـــة قليلة في حقها. . .
أجمــل ما فيها ،، ورق الشجـــر ،،
والدقـــة في اختيار الألوان ومزجهـــا. . .
تســـــلم الأنامل عزيزتي ،،
كل الـــودّ. . .
دمعة العين
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)