عليه باجر تقديم مشروع في مادة الفيزياء ساعدوني

[القلب القاسي]

السلام عليكم


انا عليه باجر تقديم مشروع في مادة الفيزياء


انا في ثاني ثانوي الادبي و المشاريع عليها 50 علامه انا هب عارف اسوي هاي المشروع الصعب


ان شاء الله اتساعدون في المشروع


المشروع :

في لعبة الاقراص الخشبيه ( الكيرم): ادرس تاثير كتلة الاقراص المتصادمه وسرعتها عند

1- اصطدام قرص بقرص اخر له كتله نفسها

2- اصطدام قرص صغير بقرص كبير

3- اصطدام قرص كبير بقرص صغير

4 - التصاق القرصين بعد التصادم




الرجاء المساعده ضروري

[شوق القلوب]

الســـلام عليـــــكم...

هلا أخوي..

مم.. شو اللي تباه بالضبط...؟؟

هل تبا تفسير بالكلام..؟؟ ولا لازم بمعادلات و هالسوالف...؟؟

[القلب القاسي]

لا انا ابغي بس التأثير والسرعه على النقاط الي حطيته يعني كل نقطه وتاثيرها وسرعتها وبس


الله يهديه من مدرس

[عافك الخاطر]

وعـليكم السلام ..
هو اكيد بيعطيكم مشروع له علاقة بالدروس اللي تاخذونها .. فـ انت اربط هالشي بدرس من الدروس
صح انا كنت علمي بس ما اقدر اجازف و اخبرك ويطلع غلط
بس تدري شو تسوي ..
ييب لعبة الكيرم و انت طبق الكلام المكتوب و شوف.. يعني جنها تجربة وانت تكتب اللي اتشوفه ؛لأنك لازم اتشوف الشي عملي عشان تعرف نتايجه ..
مشكلة الفيزيا
هذا والله أعلم

بالتوفيق خيّو..
..

[شوق القلوب]

هلا أخوي..

أنا بكتبلك على حسب خلفيتي... وعليك انك تتأكد منها علمياً..

1- اصطدام قرص بقرص اخر له كتله نفسها

اذا اصطدم القرص بقرص آخر له نفس الكتله فانه تأثير القرص الأول على الثاني يكون بنفس القوه وبالتالي سرعه تباعدهم تكون متساويه . حيث انه لهم نفس قوه الاحتكاك و الكتله.


2- اصطدام قرص صغير بقرص كبير

اذا اصطدم قرص صغير بآخر كبير فان سرعة تحرك الكبير ستكون قليلة أو معدومه ، حيث ان قوة احتكاك القرص الكبير أكبر من الصغير وبالتالي فهو يحتاج الى قوه أكبر حتى يتحرك..

3- اصطدام قرص كبير بقرص صغير

اذا اصطدم قرص كبير بآخر صغير فانه يؤدي الى تحرك الصغير بسرعه كبيره وذلك نتيجه صغر حجم الكتله.

4- التصاق القرصين بعد التصادم

هذا يعني انه سرعة القرصين متساويه و تساوي صفر. بسبب انه قوه الاحتكاك كان لها تأثير في بطئ حركه الاقراص و سرعتهم حتى تلاشت.


...

كلامي مب وايد امرتب... بس هذا يعتمد على ذاكرتي.. و للاسف ماعندي كتاب فيزيا عشان أعطيك المعلومه صح... لكن أتمنى اني عطيتك مفتاح للاجابه.. :)