وعـليكم السلام ورحمة الله وبركاته ..
هاي الأفكار النفسيـة اللي تنتاب الأشخاص اللي يعيشـون في مجتمـع عـربي بغض النظر عن أصولهم سواء هندية او ايرانية ..الخ اعتقد ان أسبابها عديدة...
أول شي العتب على اهلهم اللي ما ربوا فيهم شعور العزة بالنفس والأصل .. لأن هذا النوع غالباً ما تلقينه يردد (جان زين احنا عرب ) وغيرها من الجمل اللي تنم عن عدم الرضا .. وهاي الأمور علاجها او تجنب حدوثها يكون من الصغر .. يعني الطفل لازم يُعود على هالشي وهو صغيـر ..صح هو عايش في مجتمع عربي ولازم يتقيد بعاداته وتقاليده ..الخ لكن المفروض ما ينسى ان شي شطر ثاني من اهله في مجتمع ثاني يختلف تماماً عن مجتمعه .
والعتب الكبيـر هو على بعض الشرائح اللي في مجتمعنا .. واللي تكون لها نظرة دونية لهالأشخاص ..
البعض للأسف يدعي انه ما يفرق بين عربي واعجمي الا بالتقوى.! لكن وين الفعل.! وانت اذا سمعت ان فلان امه مب عربية قمت على طول و قطعت علاقتك معه .! و قمت تتحاشى ترمسه جنه نكرة.! او على الطالعة والنازلة اتعايره بهالشي.! شي طبيعي راح يتولد عند هالانسان هذا الشعور .!
وانا شخصياً وايد لاحظتها بحكم ان امي مب عربية ..
بعض البنات اول ما يتعرفون عليّ يسألوني" انتي من قوم اشو ؟ " وشو اصلكم وشو فصلكم .! جنه هذا مقياس وعلى اساسه بترابعني
المشكلة ان وايدين يعقون رمسة وما يعرفون شو ممكن اتسوي في الشخص .! حتى لو ابتسم فـ ويهك وساير مزحتك او اي كلام قلته .. لكن هو من الداخل يتضايق.! ممكن اتقول المفروض يكون واثق من نفسه وما اتاثره هاي الكلمات.! زين و لو هو كان شخص مب واثق من نفسه لأسباب راجعة لطريقة تنشئته انقوم احنا نستغل هذا الشي فيه عشان نواصل ذمنا لأصله و بلده ..
انتوا ما تدرون شو كانت ظروف هالناس اللي خلتهم يهاجرون من بلادهم ويسكنون في الإمارات .. او شو اللي خلا أبهاتهم يتزوجون حريم مب عربيات عشان اتعايرونهم بهالشي .. واتذكروا دايماً ان هذا الشي هم ما اختاروه بارادتهم عشان نعق اللوم عليهم
..
خلو تفكيرنا وتعاملنا يكون راقي أكثر وانساني أكثر مع غيرنا:) .. وترى اللي يميز الانسان هو دينه وادبه و أخلاقه مب أصله ..صح احياناً الأصل مهم
لكن مب الأهم ..(وهناك فرق بين المهم والأهم :) )
بس خيتو يمكن هاي البنية اللي استنكرت كان قصدها انها اهي مواطنة- يعني عندها جواز- لكن أصلها مب امااراتية؛لأن البعض يربط مفهوم الوطنية بامتلاك الجواز.
ما ادري انا قلت يمكن
خبصت السالفة انا
وطرح شيق..
موفقة خيتو ..
..
مواقع النشر (المفضلة)