خطاك السوء...


ذكرتني...

مره كنت اوصل الاهل مكان ووقفت بالشارع على طرف وعطيت الاربع اشارات... نزلت الاهل.. وجان اشوف حذالي موتر مخفي ينزل جامته ويبين انه الي بداخله حرمه.. قلت اكيد هاي وحده من الاهل تبغي تسلم.. لـــكن ظهرت وحده غريبه وقالت لي... ( الله يسامح الي عطاك الليسن شحقه واقف بنص الشارع)..

اولا.. عيب عليها ترمس ريال بالشارع وترفع صوتها عليه!! ثانيا كنت ضارب 4 اشارت عسب لحظات بس انزل الاهل ماشي ممكان ثاني انزلهم فيه ماتشوف هاي..

رديت عليها قتلها... اولا .. انا ماعندي ليسن عسب تدعين الله ان يسامح الي عطاني الليسن.. ثاني شي الوالده قالتلي من وقت وانا صغير .. اي بنت تنزلك جامتها لك وترمسك خذ رقمها.. فلو سمحتي شو رقمج ثرج منزله الجامه وترمسيني بليا حيا ولا مستحى.. . ماينفع معاهم الا اسلوب الاحراج!!

وفجاة ادوس ع الريس واطير بموترها!!

هاي سوالف الشوارع تشوف شخص يضربك بموتره وغيره يسبك وثالث حالته حالته!!

الواحد يطول باله احسن شي