شو أختــــار؟؟ منو متلخبط شراتي >_<

[رشفة عسل]

بصراحة أنا في ال AUS والدراسة وايد فنانة وحلوة..
وبالعكس..معظم المدرسين وااااااايد زينين وحبوبين..
و هذا مب تحيز ومب معناته إن كل مدرسينا زينين، كل جامعة فيها المدرسين الزينين والشينين.. :)
بس فيه ملاحظة مهمة جدا جدا جدا حق اللي يبا يدخل AUS
لاااااااازم لاااازم لااازم تكونون NERDS عسب تقدرون تمشون في الجامعة P:
أصلن الجو الدراسي بيخليكم غصبن عنكم تكونون NERDS :p
lol
Take Care, Good LucK :)

[شمعة أمل]

المقاتل
ماحتاج بعثه ابويه يروم يدفع وانا مافكر اسافر حالياً لكن أكيد للمجستير والدكتوراه ان شاء الله
الاجابه على السؤالك..
الأسباب الى مكرهتني في جامعة زايد:-

• كل بنات صفي بيسيرون هناك وابا اغير ابا اعرف ناس يدااد هالبنات حافظتنهم من فوق لتحت وياهم من 5 مادري 6 سنين
• نظام الجامعه نفس مدرستناااااااااا ولاعت جبدي من مدرستنا
• ماشي حريه وماترومون تختارون الكلاسات على كيفكم .. الجدول منظم لكم * ف ماتحسون بجو الجامعي الحقيقي*
• مب مختلط *ماقصد هالشي بطريقه بايخه لكن انا طول حياتي بس ويا بنات و90% مواطنات والحين وصلت الفتره الى لازم اختلط مع ناس من جنسيات مختلفه سواء بنات او شباب واذا ماصار هالشي كيف بشتغل؟؟ بحس عمري غلط وكله بستحي * مثلااااااااااا ابويه يقولي مايحب يشغل بنات من جامعات حكوميه *الا بنات التقنيه لانه متعودين على الشغل* لانه في البدايه يوم يعطونهم شغل يقولون نستحيييييي
• أبا جامعه زيــــــــنه ومعروفه واظمن لنفسي شغل يوم اطلع من هالجامعه نفس اكادمية الإمارات الى ناويه ادخلها ان شاء الله

هالاسباب تكفي ولا تبا زياده؟؟؟





دمعة شوق
ماتخبلت اسير جامعة الإمارات



هزايم
عااااااااد هندسه كيميائيه؟ بصراحه انا ماينيت عشان اخذ هالشي لاحبيبتي خلني ويا السياحه احسن لي
وعن aus المشكله بعيده وزحمه وانا قايله لابويه اذا اسير هناك جي ولا جي بتم في السكن لانه الشغل وايد والدرب أرف لكن على حظي ابويه يحبني ومابيخلني اعفن في السكن



رشفة عسل
هيه ندري لازم نكون NERDS + GEEKS اذا نبا انسير الامريكيه في الشارجه
لكن غريبه انج تقولين معظمهم زينين لانه انا سامعه العكس اسمع انه المدرسين كجره بس المنهج صعب صعب صعب *ومن ناس اعرفهم ويدرسون هناك*

[رشفة عسل]

شمعة أمل
والله حسب تجربتي وياهم معظمهم زينين!
والمنهج مب وايد صعب،، بس يحتيايله شغل وايد !
يعني جامعتنا جامعة كــــــراف.. ما ينفع فيها الدلع إذا الواحد يبا يستمر فيها !! O_o

[شمعة أمل]

أكيد هالشي
بس شو الفايده اذا يمكن بس بينجحون نص الصف.. دراسه على الفاضي

[المقاتل]

كل بنات صفي بيسيرون هناك وابا اغير ابا اعرف ناس يدااد هالبنات حافظتنهم من فوق لتحت وياهم من 5 مادري 6 سنين
نظام الجامعه نفس مدرستناااااااااا ولاعت جبدي من مدرستنا
ماشي حريه وماترومون تختارون الكلاسات على كيفكم .. الجدول منظم لكم * ف ماتحسون بجو الجامعي الحقيقي*
مب مختلط *ماقصد هالشي بطريقه بايخه لكن انا طول حياتي بس ويا بنات و90% مواطنات والحين وصلت الفتره الى لازم اختلط مع ناس من جنسيات مختلفه سواء بنات او شباب واذا ماصار هالشي كيف بشتغل؟؟ بحس عمري غلط وكله بستحي * مثلااااااااااا ابويه يقولي مايحب يشغل بنات من جامعات حكوميه *الا بنات التقنيه لانه متعودين على الشغل* لانه في البدايه يوم يعطونهم شغل يقولون نستحيييييي

• أبا جامعه زيــــــــنه ومعروفه واظمن لنفسي شغل يوم اطلع من هالجامعه نفس اكادمية الإمارات الى ناويه ادخلها ان شاء الله .

إنتي تبين تدرسيـــن ولا تلعبين ؟!

تبين مختلط بعـــد عيل أنا شو أقـــول .. منأرف إني بسير مختلـــط .. وفوقه أدعي ربي بالسلامه من المختلط .. وإنتي تبين إتسيرين مختلـط .. .

:: من ناحية الإختلاط ::
مثل ما قال دكتورنـا يوونا بعض الشباب .. وقالوا يبون يتعلمون إنجليزي .. عسب يتقنون .. لازم يسيرون مع أسرة أجنبيــــه .. ( والنيـــة الله يعلمهـــا ) .. الحبيب شويه يبا ياخذله حريـة عسب يسويله صداقات سواء بنات أو شباب وغيره.. وعلى قولته يبا يتقن الإنجليزي .. وعقب 6 شهور .. إيي عند الدكتورو يصيح الدم يبا يــرابعله شباب عرب عسب إنه يحس بالغربــه .

:: الله يحفظج ::

.. أنا ما أعني شي من هالقصه غير إني أدعيلج بالخير ..

السموحه على الإطالـــه

:: المقاتل ::

[الدلووووعة]

ياختج انا بعد محتاره من بين جامعة زايد وتقنيه

لاكن جامة الامارات مافكر فيها لنه الكل وحتى اختيه تقولي نصيحة لاتسيرينها لنها بهدله
ولاحتى تقنيه العين تقول اني انا مابتعود على السكن لني انا ماحب سوالف السكن وجي

وماعرف وين اختار الحينه بس انا حطيت اول شي جامعة زايد

بس انا خاطري اسير الجامعة الامريكيه اللي فالشارجة ( بس للاسف الشديد محد بيخليني مستحيل هاالشي ولا اني اسير برع البلاد ^_^) يعني مالنا غير هيل اللي فبوظبي

[شمعة أمل]

المقاتل
أكيد سايره عشان أدرسسسسس ولا جان ماخترت اكادمية الإمارات وعاد انا اختلف عن هذاك الولد ومب مهم عندي ربعي من اي جنسيه بس اهم شي انه عندي my best friends وبعدين ربع الجامعه عشان يكون عندي حد اسولف معاه في الجامعه


الدلوعه
GOOD LUCK
بالتوفيييييق

[طرفشانه]

السلام عليكم ورحمه الله وبركاته
حبيت اطرح رايي في الموضوع
لانه حالي من حالكم
في البدايه اول ما عطوني استمارة (napo)توهقت
ما عرفت شو اختار
المهم استلمت هالاستماره قبل اجازه العيد والمدرسه طالبتنها بعد الاجازه
في هالوقت الواحد ما يقدر يسال لاني الدواير كلها في اجازه
المهم ما سويتلهم سالفه
والمشكله اني كن حاطه في بالي طب من اربع سنين
واللي صار ان الاهل نصحوني اني اغير وظهروري مساوئ ما تنعد
المهم قلت بدخل هندسه بس ما شي الا في زايد ولا التقنيه ومستحيل اسير جامعة الامارات
المهم طبعا طفرت التعليم العالي بالاتصالات والجامعات اسال عن التخصصات
المهم بعد طلعت روحي عرفت كل اللي ابغيه
واخترت
اول شي :سياسه
ثاني اختيار :الاعلان
الثالث الا جيه مختارتنه:اداره واقتصاد
المهم للحين ما ادري بس شكلي بسير جامعه الشارجة لانه الكل يمدحا ويمدحون جامعه زايد

[ريم العين]

الله يوفقكم بحياتكم