شو أختــــار؟؟ منو متلخبط شراتي >_<

[شمعة أمل]

السلام عليكم ورحمة الله وبركاته

مساء الخيــــر

شحالكم اخباركم؟


انا في مصيبه

الآنسه الأبله مال careers الى بطريقه ما عبيطه تبا هالأوراق مال napo مادري شو يوم الأربعا وانا محلاتييي ولا حتى اعرف وين اسير
كنت من زمان حاطه في بالي AUS بس بعد الزحمه الى *لاتطاق* والدرب الى *شو طوله* والمدرسين هناك الى مالهم نفس يدرسون الطالب الا للفلوس غيرت رايي

ومن الصيف وانا ادور وادور وماعرف وين اسير


اختياراتي هم:-
HCT
AUD
*مابا زايد ولا بفكر فيها وعع*

المشكله في هالأثنين الى تحت انهم في قرية المعرفه = ماشي عرب *وللحين مايبالوي كتبي * ف يعني ربعي كله بيكونون اجانب والله يعيني
Middlesex University
Harriot Watt University



شو رايكم؟؟؟؟ ويــن أسير؟


اوه صح
وناويه اتخصص يا business management OR Tourism






والسموحه
شمعة أمل

[شتشووته]

هييه انا بعد متردده مب عارفه وين اروح

حتى ماعرف شو اتخصص

بس احنا عطونا الاوراق وخذوها عنا واخترت الHCT

بس الاكثر نصحووني بجامعة زايد والصراحه احسبها وايد اوكيه وتخصصاتها كشخة

بس مادري ليش اخترت الHCT

واتخصصت في تكنولوجيا المعلومات

والله يعييين

[بلوة حلوة]

أنـا روحي أشد عنج ..
للحيــن مش عارفه وين أروح ..!
هممم .. اترك الراي للي بيردون "تحتـي" .. لول .. ^.^"

[شمعة أمل]

شتشوته
انا جي ولا جي مستحيـــــل اختار زايد لانه نظامها نفس نظام مدرستنا وكل بنات مدرستنا بيروحون هناك وانا ابا مكان غيــــــــر لاعت جبدي.. وياهم من 5 سنين ابا بريك


بلوه حلوه
لووول me 2 ماشاءالله علينا
انا اقول لو يودنا رحله لجامعات بعدين نختار احسن

[بلوة حلوة]

شمعة أمل ..
صـح كلامج بس وين ولا وين بيـودون ..!
فـ بالي الـ AU بس مادري الـD أو الـ S ..
وجامعة الشـارجه ..
جامعة زايد مابـروح لاني أبى هندسه ومافيهـا هندسه ..!

شكلي آخر شي جامعة الامارات .. كيكيكي .. مع اني محطتنها فـ آخر اللست ^.^"

[شمعة أمل]

خلج ويا الD ال S الله يسلمج يذلووووونج ذل
اخو ربيعتي طلع منها تقولي انه يقول المدرسين يدرسونكم بدووووون نفس مول مالهم بارض لكم يسون كل شي عشان الفلوس ويرسبون معظم الصف يعني عادي ربعج يسيرون ثاني سنه وانتي بس جي مزاج يخلونج تعفنين في أول سنه
بعدين اذا انتي في دبي .. متفيجه تصكين درب في الزحمه كل يوم للشارجه s:


والD ترا بنت ناس وعرب فيها وتمدحها ^_^

بس جامعة الإمارات اميييييييه الله يعينج >_<

[بلوة حلوة]

أنـا فـ راس الخيبه ^.^ لا دبي ولا الشارجه .. (=

يعني هممم بكـون بين الـ AUD وجامعة الشارجه .. والـخ بس هاييلا الاساسـي ..

وعن جامعة الامارات .. محـد مـدح لي اياها بس شهادتهـا اوكيك ..
بـس ماعليج ان شالله مابـروح .. كيكيك .. لان كل ربيعاتي الي راحوا اهناك مب عايبنهم الوضع
وايد بس يوم يلتمون ويا ربعهم تعيبهم السالفه أما عن الدراسه وايد واايد مشددين ..!

الله يعين بس ^.^"

[شمعة أمل]

Good Luck >_<

[هزاايم]

الله يعينكم
انا دراستي برع البلاد إلي يحب ينظم حياااكم ناويه ادرس مدري سياحة أول سنه وثاني سنه نشم هوى وثالث سنه نفكر
لا أسووولف
الشيخه ترى أقولج حطي جامعة زاايد عسب يكون اسمج مسجل ولين ماتخلص السنه بإذن الله راح تلقين المكان المناسب
بس قدمي لهم الطلب عسب يتسجل عندج

[خيال الحب]

الله يعينكم... اانا نفس الشي بعد يوم كنت في الثانويه ماكنت اعرف وين اسجل كان في بالي كلية الشرطه... بس للاسف ما حصل نصيب..

نصيحتي لج اختي شمعة امل ادخلي تخصص ناااااااادر في الدوله.. احسج تنفعين لهالنوع من الدراسات والله يوفقج ان شاء الله :)

[حفله]

شمعة امل من لطيفه الخاصه صح ؟

[شمعة أمل]

هزايم
انا عادي يخلوني اسافر وادرس برع بس مـابا لانه ماعندي اخو يوديني لا عادي بسافران شاء الله حق الماجستير الحينه وايد صغيرونه

خيال الحب
خلاص قررت ادش سياحه واعرف اي جامعه بسير بس ماتوقع بيقبلوني

حفله
its for me to know and you to find out




المهم
انا قررت اسير اكادمية الأمارات emirates academy for tourism and hospitality
وان شاء الله يقبلوني مع انه النسبه 40% يمكن لانه مايقبلون غير الشطار الشطار الشطار وانا حليلي عاديه بس احلى شي نلبس suits جنه بزنس وومن

[المقاتل]

.. الجامعــات إلي هنــــه حدث فلا حرج ،،

:: يوم عطونا أرواق الجــامعـات السنة إلي طافت قلت لأهــل جامعـة الأمـ .. ما كملت أقول الكلمــه زيــن ما فلعوني فـ جوتي ،،

إشتهرت الجامعه فـ ضعـف دراستهـا وبصراحــه لأسف الشديد وهي حقيقه مـرّه ..

:crosseyed ليش ما تختارين بعثـه .. !!



- بالنسبــة للبنــات وإن ييتي لأقوى جامعـة بنـات فأنا أرشح جامعـة زايد بكل المقاييــس بغض النظر عن جوانبها السلبيه فهي وبلاشكـ دراستها قويـة .

http://www.zu.ac.ae

سؤال - شو السبب إلي مكرهنـج جامعة زايد !!

فكري فـ سكن جامعة الامارات .. !! هيهيهيه !!

[دمعة شوق]

أشـوفـكــم طـايـحيـبـها طيـحة جـامعة الامـــارات
حــدكــم عــــــــــــــــــــــــ ـــــاد
كلــه ولا جـامعـة الامــارات

...

شمعـة أمـل

بـالتـوفيـج فديـتـج

[هزاايم]

تعرفين شمووعه
خلاص انا قررت بااخذ هندسه كيميائيه بس المشكله يقولون في aus
الأهل عاادي عندهم لكن انا خواافه
بتنظمين معاايه بنرووح المعهد البترولي بيفتحون للبنااات ولو مافتحوا بنشل عمارنا ويا والدينا كلهم بهج بس عسب حنا ندرس>>عيال دلع