نملووه وخراب تون

[فركوشه]

السلام عليكم

الين متى؟؟

الين متى؟؟

الين متى؟؟

انش من الصبح

والتفلزيون مفتوح عـ خراب توون

والعيون امبققه عليه لا اكل ولا شرب

الين متى بتم سبيس توون جي؟؟

وكل سنه اتطلع اجزاء تخرب فكر الياهل

شو الفايده من ابطال الديجيتال؟؟

شو الفايده من بات مان وسبايدر مان وسوبر مان؟؟

شو وشو وشو؟؟

ولا كونان الصراحه مصخوها..

هاييلا يخربون شباب المستقبل

الحينه شو الفايده من بي بليد؟؟

اليهال يشترون الشبس عشان فيه بي بليد

وتستوي ضرابه عـ هاللعبه

وكل ما ابا اطالع تلفزيون

تستوي ضرابه سبت سبيس توون

وعيال عمتيه اييبون الشادر اونه بات مان ويتناقزون ويطيحون
وعقب تعالوا ودوهم المستشفى..



وانا سمعت انه في بنيه امسويه عمرها شرات البوكمون
ونقزت من البلكونه وماتت..

عـ الاقل يخففون اشوي من مسلسلاتهم


احسن شي عندهم البحث عن المعرفه
ومحد يطالعه

وفكرت اني امسح خراب توون

بس يردون يسوون سيرج

وبعد طلعت قناه ثانيه

احلى عالم عالم ام بي سي فور..

شفتوا الجاسوسات
شو الفايده منهم؟؟

ولا شو يوغي يو؟؟!!

لاعت جبدي

[أمواج]

وعليكم السلام و الرحمه

يسعدني اكوون اول من يعقب على موضووعج الحلو ...

والله صدقج ياختييه

عدنا هالقنااة و دوووم كل ما ابا اشووف التلفزيوون انرااغ رووغه محترمه بسبت اخوويه الصغير عشان شو يبا يشوف الرسووم الفلااني ولا يتريا الرسوووم الفلاااانيه .. الصراحه مب حاله عيوونهم راحت اليهال من كثر ما امبققينها على هالقنااه اوكي قلنا رسووووم ماعليه بس طوول الوقت ..حشى جبدي لاعت من هالقناااه .. و اليهاال ما يملوون .. والله كل ما انزل البيت اكتشف في رسووم يديد نازل .. شو الفايده من كثرة الرسووم .. ولا بس جيه خقه .... والله انا اشووف الكابتن ماجد ولا كاليميرو ولا توم و جيري احسن بواايد عن هالرسووم الماصخه اللي مالها لزمه ....

الحلو في هالقنااة انهم مخصصين جزء من هالقنااة للعلووم و المعرفه يعني يعلموون يهالنا معلوومات و العااب دقة الملاحظه بس والله هالشغلااات مب وااايد يعني اتم دقاايق والله ..

بس لو يسوون تعدييلات على هالقناااة مثل انهم يرااوحوون من الرسوووم و المعرفه بتكوون القنااة رووعه ,,

يالله الله كرييييم

تسلمييين اختي على هالموضووع الشيّق اللي طرحتييه

وفكره حلوه :)

[نبراس الليل]

مشكورة اختي( نملة الواحات!!!!!!!)اسم عجيب

ياليت هالشي يحتصر على الاطفال لكن هالكارثة تسود جميع الاعمار الصغار والكبار

ولاننسى العاب الفيديو ...فقد تم اكتشاف طبي جديد ان العاب الفيديو تؤدي الى جلطة الدماغ
وذلك لقوة التركيز ...والخ

الله المستعان
والغرب يحاول يوصل لنا شره بكل السبل والطرق فبالرسوم المتحركة يتم زرع قصص خيالية وافكار غريبة لدى الاطفال ,,هيركوليس هالرسوم اللي استغفر يتكلم على ان ابن الله نزل الارض ..والخ والكل يعرف كيف كبارنا وصغارنا تعلقوا بهالرسوم ولكن يعلم الجميع انه لايجوز وضع صورة للخالق المصور وكيفيته وكيفية الملائكة ....,هذا خراب وحرب من الغرب على المسلمين بالذات ..

التقليد لشخصيات الكرتون كثير من الاطفال يحاول تقليد الشخصيات من خلال اللبس والحركات
فمثل ماتفضلتي عن قصة البنت للي رمت نفسها من البلكونة الله المستعان ...

شكرا على هذا الموضوع يانملة الواحات

[الغاليه]

حلو موضووعج يانملة ..

سبيس تووون .. او قناة شباب المستقبل ( انقهر منهم يوم يقولون جي ) .. بس لقيت انه صدق هالاطفال هم نفسهم شباب المستقبل الياي .. بس موضع هالجملة غلط .. المفرووض ايكوون في موضع مشرف .. في قناة معرفة او معلومات او شي من هالامور .. مب في قناة رسوم .. يعني بمعنى ثاني كانهم يقولولنا شباب مستقبلكم هم شباب تافه اساس تنشئتهم هالرسومات التافهة ..!! وبالتالي بيكونون تافهين ومخهم فاضي..

وعلى فكرة علماء التربية دووم يوصوون بابعاد الأطفال عن التلفزيونات في مراحل طفولتهم .. لانه هالشي يساعد في تربيتهم تربية سليمة بعيدة عن المؤثرات الدخيلة الغير مرغوب فيها ..

لكن ماشاالله علينا نحن .. الام يوم تبا الفكه من عيالها حطتهم امجابل هالتلفزيونات وهالرسومات..
والطفل يقضي اغلب يومه بين قنوات الرسووم والبلي ستيشن .. وها كله ياثر تأثير كبيـــــــــــر على نمو الطفل العقلي ..

عقب يتشكون ليش عيالنا متبلدين .. وليش عيالنا بطيئين الاستيعاب .. وليش مايركزون وليش وليش .. الخ

هذا غير عن انه الرسومات الحاليه تزرع العدوان في نفوس الاطفال وتأثر على نفسياتهم .. ولو تلاحظون انه اغلب الرسومات اليديده كلها حروووب و اشكال خياليه اقرب للقبح منها للجمال .. او اشكال ماتعرف هي شوو اصلا انسان ولا حيوان ولا نبات .. والمشكله انهم ابطال هالرسومات ..

هذا كله يأثر عالطفل ويمده بخلفيات تفكيريه غير طبيعية تأثر عليه وتخالف فطرة الانسان واحيانا قيمنا الدينية ..

لكن بيني وبينج سبيس توون احسن عن غيرها من القنوات..

عالاقل هالقناة لو لاحظتي بدت اتحط شريط المسجات ( باللون الاحمر ) تحت الشاشه ويكتبون فيها مواعظ وحكم واحاديث وايات قرانيه حلوه .. وهاي فكره ووااايد حلوه

وبعد تحاول انها توجد بديل للباربي وتستبدلها ب( فلة ) .. لعبة بناتية بهوية عربية ..

وبعد اتحط أناشيد حلوة .. ودوومها تربط الاطفال بالمناسبات الدينيه واذكرهم فيها ..

واحس بدت هالقناة تتحسن في برامجها ورسومها .. احسن عن غيرها ....

ولو الاطفال مانوجد لهم قناة رسووم بيتموون على قنوات المسلسلات والبرامج اللي بتفتحهم على اشياء اكبر من سنهم .. على كل حال نحن في زمن غريب .. يحتار الواحد فيه كيف يتصرف..


مشكووره مره ثانيه

تحياتي لج

[أمرين]

يااااااخي الصراااحة وبيتنا يشكي من نفس هالمرض

حتى اختي الصغيرة جااان بدلنا القناة تسويلنا مناااااحة

ومحد يأدبهم غير أبووووي والأخبااااار ... هههههههه

وأخوي كل بيزااااته بي بلد وبلابل
وأختيه ما اداني الا فله .. وكل يوم تطلع لنا بشي .. وأمس كنا فتويز أر أس
من دشت وهي تدور بيبي أموووري .. لا حول الله

تسلمين غناااااتي عالموضوووع الرائع

أمــــريـــــــن

[طرفشانه]

تسلمين (نمله الواحات) على هالموضوع
وبصراحة بسبب قنوات (شباب المستقبل) على قولتهم
الصغار صارت طبايعهم مب شرات الاول
الحين الواحد منهم ما يهمه غير شو صار في المسلسل الفلاني ولا شو صار في الثاني
ومنو اتغلب ومنو فاز
لا والمشكله انهم يقلدونهم يعني
مثلا ولدين ايون يقلدون باتمان والجوكر ويضاربون ومنو يقلب
وبعدين تعالي وداوي اليروح
وبعدين مسلسلات قبل احسن عن مسلسلات الحين
ماحلاتها قبل نيلس ونشوفها وما كان فيها ضرابه وايد
بس شو بنقول القنوات العربيه تحاول تقلد القنوات الاجنبيه
بس شو بنقول غير لا حول ولا قوه الله يكون في العون
والله يستر من باجر

[الثعلب الرمادي]

مسلسلات الرسوم المتحركة للأطفال ما في طفل إلا و يحب يشوفها و حتى لما كنت أنا طفل كنت أحب أشوف الرسوم المتحركة و كانت تمثل شغف بالنسبة لي و حتى يوم أشوفها الحين أحس بنفس الشعور لأنها فن عريق يحرك المشاعر ... إذا كاتبة الموضوع ماكانت تشوف الرسوم المتحركة في طفولتها فهذا شي غريب و شاذ لأنها جزء من ثقافة أي طفل في أي مكان في العالم ... لكن إنا نحن نضغط على الطفل من أول أيام حياته شوف هذا و لا تشوف هذا فنتيجة لهذا الشي نطاق تفكيره راح يكون محدود و هذا الشي سوف يؤدي إلى انبثاق الغرائز الحيوانية عند الإنسان في لحظات معينة من حياته بشكل مكثف من الجنون إلى الغضب الشديد مرورا بالانحراف الجنسي على تصعبون الحياة على أنفسكم و لا تصعبونها على غيركم لأن التوازن هو أهم شي

هذا رأي :(

[دانة حتا]

مرحبا نمله
هي صدق خراب توون بس بعد يهالنا مدمغين
ما يحلى فعينهم الا الاشياء العبيطه

وانا صراحه احب يوغي ههه شرات اليهال ادري
بس صدق الحين التلفزيون يخربه عيالنا
تسلمين الغاليه واحنا نقدر معاناتج

[أحلى منصوري]

الحمـــد لله ما عندنـــا ( دش أســود ) في البيـــت

ومحطيــن حق عيــال اختيــه اليهـــال ( دش قنــاة المجــد )

الله يكون بعونــكــم

..

[الملهم]

عجيب رد الثعلب الرمادي ^___^
فكرة جديدة ..

ولكن ايضا نحس بان الاطفال زادوا في حبهم للرسوم ..
يقلدون الرسوم بشكل كبير .. فهذه هي المشكلة ..

والان نجد اكثر الناس مالوا الى " الانيمي" وهذه الرسوم اليابانية
اكثر " خرطا " عن الرسوم العادية الموجودة في سبيس تووون ..

أشكركِ على الموضوع ^___^

[راعي الزعـامه]

أنا اعتقد ان من حق الطفل انه يشاهد الرسوم المتحركه فهو طفل وهاذي نوع من انواع تسليته
ومثل ما نحن كنا نشاهد الرسوم فمن حقهم مشاهدتها الان
و لكن مثل ماقيل ان هناك بعض المسلسلات الكارتونية التي قد تؤثر في عقلية الطفل وقد يتأثر بها ويحاول تقليدها مما يؤدي الى نتائج سلبية للغاية
ونحن في هذه الحاله لا نستطيع ان نفعل للطفل شيئا او لانستطيع ان نمنعه من مشاهدتها
فالخطأ هنا هو خطأ القناة نفسها .. فاذا كان هدفها هو تهيئة أطفال للمستقبل فعليها أن تثمن المسلسلات التي تعرضها على قناتها
فالطفل قد يتأثر بأي شيء يراه امامه


تحياتي لك اختي على الموضوع الرائع

[عمة العيم]

انا رايي من راي الثعلب الرمادي

و ألقي اللوم على اولياء المور....لازم يعاملون الطفل معاملة الكبار يعني نفهمهم كل شي هذا غلط هذا صح و هذا ليش غلط وهذا ليش صح؟ ناس يقولون هذيل يهال مابيفهمون....لكن الحقيقه تقول ان الطفل يفهم لو ماكان يرمس لازم نحسسهم انهم افراد مثلنا نعبرهم في ابسط الأمور و مانطنشهم و هالشي يخليهم يثقون في انفسهم و عقولهم تكبر و بيفكرون قبل لا يسوون اي شي...

هالامور تلعب دور في اسلوب الاطفال و سلوكهم

هذا رايي :)

تسلمين نملة الواحات على الجهد

خدافس

[الدلووووعة]

والله انه تسلي يوم نكون ملانين

انا وحده مدمنت رسوم بس السنه ماشوف تلقزيون يمكن بس ساعة اشوف مسلسل (والسبه الامتحانات )

لاكن ايام الاجازة ماشي يالسه وياهم والحينه عدكم اجزيه الاطفال ^_^

والله انا يوم العيد الناس تعيد وانا اطالع فار وقطو وهيل ^_^

[الجنيه]

السلام عليكم ورحمة الله وبركاته ,،،

نمووووووووله ,, أشحالج حبوبه وشو أخبارج ..

ممم هاي السالفه الله يسلمج عندنا فكل بيت عندهم يهال فيه ,, صح قناة اسبيس تون فيها أنواع وأشكال الرسوم بس اليهال محتاجين ارشاد من الأهل يعني مب كل شي يشوفونه يقلدونه لا ابد ,,,

أنا عن نفسي أعشق الرسوم خصه مال أول يعني قوم ليدي وسالي وأخي العزيز وتوم جيري بس بعد أحيانا أشوف رسوم هالزمن الصراحه بيني وبينكم مب شي بس اسمها رسوم والياهل مرده يعرف أنها كلها خريييييييييط هم صح ليل نهار ما يشلون العين عن هالقناه بس بعد تراهم يستفيدون منها اشوي ...

ويوم ما حصلوا شي على سبيس تون ربعو لكارتون نتورك وما ادري شو من قنواة والله على زماننا ماشي غير قناة الشارجه في الاجازات بعد الساعه عشر حطوا هالرسوم بس عيال اليوم متعززين ,,,

وبعدين نموله لا تنسين حبوبه أنه لو مب سبيس تون ترا في أشيا بديله ممكن أتخربهم يعني البلاي ستيشن مثلا في بعض الألعاب خطره واتدمر عقولهم ,,,

الأهل المفروض يكون لهم دور بأنهم مثلا يتطالعون الرسوم ويا عيالهم وبطريقتهم الخاصه يفهمونهم أنه الرسوم مجرد خيال لا أكثر مافي شي واقعي واذا شافوا رسوم ما أتناسبهم يحاولون يفهمونهم بوجهة نظرهم ويبينون سلبيات وايجابيات الرسوم للياهل وماشاء الله عليهم يعني مب كلهم بس اغلبهم يسمعون الرمسه مثل عيالنا فديتهم ...

[دموع قلم]

وعليـكم السـلام ورحمـة الله وبركـاته

ليـس لنـا الحـق بأن نحـرم أطفـالنـا من مشـاهـدة الـرسوم المتحـركـة المسليـة والممتعـة بعضهـا, وهذا حق
مـن حـقـوق الأطفـال يجـب علينـا أن لا نحـرمـهم منهـا, ولكـن كـل شي بحـدود, والحـد من هـذا الأمر هو منع
أطفـالنـا بمشـاهـدة كـل أنـواع الرسوم والـزيادة منهـا

كنـا بالأمـس أطفـال نشـاهـد الرسـوم, فـلما نحـرم أطفـالنـا من مشـاهـدتهـا الآن..؟!
لا يحـق لنـا منعـهم ولكـن علينـا وضـع الحـد, لأن هنـاك فـرق بيـن الرسـوم في الماضي والرسوم في زمننـا
الآن, كنـا نـرى رسـوم جميلـة بريئـة مثلنـا, والآن نـرى الديجيتـال والبوكيمـون ورســـوم أخـــرى ليـس لهـا
معنـى, وفـي زمـن أطفـالنـا سـ نـرى انتشـار رسـوم الأنيـمس على شـاشة التلفـاز, وكمـا نعلـم بوجـود نـوع من الـرسوم الخليعـة في الأنيمـس!! وعسـى ربـي يحفظ أبنـاءنـا في المستقبـل يــــااارب



أشكـرك أختـي نملـة الـواحات على الموضوع
وننتـظر المـزيـد من مشـاركـاتك المفيــدة..

:)