أنا حاولت

[أنا فقط]

السلام عليكم إخواني و أخواتي أعضاء هذه الواحات الطيبة


كل عام و أنتم بألف مليون خير و عيدكم مبارك و عساكم من العايدين (كم يمّعتوا عيدية )

الله يسلمكم .. أنا (و أعوذ بالله من هالكلمة) عندي لوحة رسمتها بالألوان الزيتية

عمرها تقريبا سنة .. و هي أول محاولة .. و أعتقد .. آخرها


حبيت أعرضها لكم ( تو الناس )






بانتظار انتقاداتكم

[عافك الخاطر]

وعـليكم السلام ..
الله يبارك فيج .. خلص العيد يا ناس (لا تقولين اليوم خامس يوم مصختوها )
اممم اللوحـة حسيت ألوانها باهتة شوي (وهذا الاحساس احساس عام نابع عن جهل في هالأمور يعني باختصااار مجرد احساس )
بس عيبني مزيج الألوان اللي تحت ،وعيبتني فكرة الشمس اللي طالعة من ورى ..
وبالتوفيق خيتو..
..

[حبوبه دبي]

لــوحه جميــله

وان شالله مــاتكــون اخــر لــوحه

مــوفقه والى الامــام

والسمـوحه

[طير الغرام]

والله حلوه
وحلو إنه الواحد يحاول ^_^

[المحاق المشتعل]

وعليكم السلام ورحمة الله وبركاته


كل عام وانتي خير فنانتنا القطرة الطيبة

رسمة بسيطة ذات مضمون ٍ سهل ٍ جميل

والمزيج جميل ٌ أيضاً

وأحب أن أعطي نقطة

لو كثرتي من المزيج الأحمر الزهري

بين مزيج ألوان السماء

وفي الماء

لازدادت لوحتك روعة وجمالاً

وفقت فنانتنا الطيبة



محاق

[شمه]

ما شاء الله حلوه..

بس انا ما افكر ارسم..لو رسمت بتنجلب الموازيــــــن

[المقاتل]

:: CoOol :: Or:: NiCe ::

I Think the 2

نتمنى منج الإستمرار إختي / قطرة ندي .

رسمـه حلوه .. وهاديــه جــدا ..

:: المقاتل ::

[وردة بلادي]

رسمه حلوووه منج اختي
بالتوفيق ان شا لله
وننتظر المزيد منج


اختج ..
وردة بلادي

[أنا فقط]

عافك الخاطر

ما خلص العيد ..

و إذا ع الألوان فهي و لله الحمد باهتة .. مسكينة هاللوحة .. أكل الدهر عليها و شرب !!

ثانكس ع الرد




حبوبه دبي

هلا خيتووو .. ردج الأجمل ..

ان شاء الله ترجع المياه لمجاريها بيني و بين الألوان الزيتية




طير الغرام






بابا محاقنا

وينك ما تبين ؟

أولا : و انت بألف خير .. و عساك من عوادة العيد ( كم التاريخ اليوم )

و ثانيا: داخ راسي ويا هاللوحة .. ما خليت مزيج ما سويته .. اتقول يالسة أطبخ

و ثالثا: سعيدة جدا بهذا التواصل الجميل من حضرة جنابكم (احلفي انتي بس )

و ننتظر شيئا (من صوب) باباتنا


تحياتي : بنتك قصدي تلميذتك قطرة ندى

[أنا فقط]

وردة بلادي

ردج الأحلى .. شاركة تواصلج

[نبراس الليل]

ليست محاولة بل تواضع من ابداعك

ابداع وربي

لاننحرم من الجديد

[الونه]

بسيطة و معبرة وااااايد

[أنا فقط]

أخي المبدع نبراس الليل ..

هي فعلا محاولة .. محاولة متواضعة !!

شاكرة تواصلك الطيب .. و سعيدة جدا بردودك ..

دمت و دام قلمك ..





أختي الونة ..

تسلمين




أختكم: قطرة ندى