شكرا لنادي الشـعـب !!

[كـلـكـلـووش]

الســـلام عــليـــكم

مخــــزي .. الوضـــع اللــي يصــير فــعـلا مخـــزي !

أولا أحــب أشــكر نــادي الــشعب ع العــمل الانسـاني اللي قــامو فيــه
ألا و هو ســحب بــيت اللاعــب راشــد عـبــدالرحمن ..
فــ فـعــلا تــم سحــب الــبـيــت و طــرد عــائلــة راشــد من الــبيت اللي منحــــتـه له الحــكومـه !!

يــا نــاس والله قــهــر !
راشـــد تــرى ولــد البــلاد .. و قــبل ما يــكون لاعــب تــراه مواطــن و يحق لــه بــيــت شــعـبـي !

الـــيوم الصبـــح ..
فــي بــرنــامج اسـتـــديو 1 اتصــلت زوجــة راشــد عــبدالرحـــمن للــبرنــامج ..
والله لو سمــعـتــوها و هي تقــول القــصه لــجابر عــبـيد كيف هــددوها و كيــف ســحبو البــيت !
الله المسـتــعـان بس !

دوريـــنا يوصــل و يصــبح افــضل دوري عــربي و آســيوي و 16 عـــالميـــا .. و نحــن هنــا مع هــذي الاداره و هــذي العقــليه عــايشـــين !

زوجــة راشـــد كانت تشــكي الحــال لجــابر و كــانت تنـــاشد الــشيخ ســلطان التـــدخل كونهــا مواطــه و هي تعــامل بهــذه الطريـــقه ! ( والله يوم ســمعت جي قــلت بخــاطري .. لو زايــد موجــود خــــســـي حـــد يجرب صــوبـج و صــوب راشـــد ) ..

راشـــد قـــدم للإمارات ..
بيــقـضــي إجــازة العــيــد مع عــائلـــتــه و بعــدها راح يــرجــع لـ سويســـرا ليــكمل مســـيرتـه ..

خـــاطري اعــرف ليــش إدارة الـشعب تســوي كــل هــذا !!
ويـــن تـــبى توصـــل !!
يعـــني راشـــد قالــها .. إذا رديـــت البــلاد و جبرتني الاداره بعـتـــزل اللعـــب .. طيـــب .. شو تـــبونه دامه بيـــعـتــزل ,,
جنـــها عـنـــاد و بس .. !! تقــول يــهال مــاسكــين الاداره

صــدق ليـــن قال المثـــل ..
إن لـــم تــسـتـــح فــأفــعــل ما شــئــــت !

جــابر وعـــد زوجــة راشـــد بــأنه بيتـــابـع القــضيه و بيوصـــلها لأكــبـر المســؤوليـــن ..
نحـــن ويـاك يا جـــابر .. واللــي يصــير في اللاعــب و عــائلـتــه شي ينــرفز و ما يــرضى فــيه لا الله و لا رســـوله ..

الله يوفـــقك يا راشـــد و يفــك عــنك كربـــك !!

ســــلام

كـلـكـلـووش

[الدلووووعة]

والله هاي الادارة ويها لوح حشى شو جي
انزين انزين هي ليشش تسوي جي دام انه اصلا اذا رد بيعتزل

والله مايستاهل ان شاءالله جابر عبيد مابيقصر

بس ان شاءالله ادارة الشعب بتحصل جزاها على ها اللي تسوي

وانا ماعتقد بعد اي شاب رياضي بيفكر ينتسب لنادي الشعب دام جي ادارتهم

بس الله المستعان

والنعم الادارة الصراحة ^_^

[عفاريتووو]

عليكم السلام

معقوولة !!!! جيه احتكاار هو !!!
راشد عبدالرحمن يوم يسير يلعب و يتدرب في سويسرا
يستفيد من خبراتهم ،، يطور مهاراته
ليش يفكرون بس في اليوم ما يفكروون في المستقبل!!!
مب ها كله عشان يرفع علم بلاده فوق
بيستفيد منه لاعبين الاندية الاماراتيةعقب اذا رد كلاعب او مدرب
بدل ما يشجعونه يسحبون بيته !!

غريبين
الله يكون في عونه

[العجيبة]

معقوووووووولة لهالدرجه عـــااااد !!

شو يتحرون عمارهم .. شاريين اللاعبين !

الله يعينهااا أسرة راشد عبدالرحمن ..

[نبراس الليل]

الله على الخبر

...

اكيد سحبوا البيت لدعم ميزانيه النادي ...

والله صدق مقهور من الخاطر ..صرح القائد العام لشرطة دبي الفرق/ضاحي خلفان بان مافعله اللاعب المواطن الاماراتي ابن زايد هو عين الصواب وان مافعله ليس بالخطا وانه يؤازر ويؤيد مافعله راشد ةفي ذهابه لسويسرا

ربي يحفظك ياراشد واتمنى لك كل خير

الله يعينه اهله

بس شوفوا الفرق اذا راشد عبدالرحمن طلب من ناديه السويسري فيلا ..مش بيت شعبي حتى راح يعطونه
وهذيل مستبخلين عليه وفوق هذا اهو مواطن اماراتي

لكن السؤال كيف انسحب البيت اللي اعرفه البيت ماينسحب الا بامر من الحاكم ؟؟؟

قلوبنا معك ياراشد يابطل

[ولد الشحوح]

وانا قريت اليوم فالبيان انه اسمه مش موجود مع اسامي اللاعبين وان المدرب ما يعرفه كيف ونحن جفناه في دورينا .... ؟؟!!؟؟ السالفة فيها هواااااامير ....

[متساند على الباب]

شكله نغزة جابر نغموش ما عورتهم

صح البيان كاتبه انه الاعب غير مسجل مع النادي
بس انا مااصدق جريدة البيان هالايام وايد تكتب

[مزيونه العرب]

والللللللللله قهر
بعدين راشد عبدالرحمن ما يستاهل
يعني هو لاعب متميز في الشعب
ليش جي يسوون فيه؟؟

الله يعينه ويعين اهله يارب

[سبانش مان]

الله على الظالم...

كل من ظلم وظلم هاللاعب ربي ياخذ روحه امين يارب العالمين

[ولد الشحوح]

ومحمد سرور شو آخر أخباره ؟!!؟

[دبور]

ادارة نــــادي الشـــعب مــــا تعــــرف ويــــن الله حـــاطهـــا
طـــايــحــــين فـــي عيــــال البـــــلاد ،،

مـــا اقــــول غــــير

حســـبــــي الله ونــــعـــم الـــوكـــيــــل،،،

نـــاس مـــو عـــارفة ويــــن الله حــــاطـــهــــا
ادارة ،، والنــــعـــم

[نبراس الليل]

تم حل الموضوع بواسطة استوديو واحد جزاهم الله خير

قاموا بالاتصال لسكرتير الشيخ الدكتور سلطان القاسمي حاكم الشارقة وافاد ان الدكتور سلطان افاد اذا

النادي سحب البيت راح بيدخل شخصيا لوقف هذا الهراء

تهانينا لك ياراشد هذا الولي الامر الكبير

تسلم ياشيخنا سلطان القاسمي وربي زادت مبحتي لك

جزى الله خير حكامنا واولياء امورنا الله يحفظهم ان شاءالله

[كـلـكـلـووش]

و فـــووق هــذا يــا خوي ..

الشيــخ قــال اي حــد يتعــرض لراشـــد و اهلـــه .. فــعقــابه بيــكون عـنــده هو ,,

ربي يطـــول عــمرك ..

[نبراس الليل]

الله يطول بعمره يارب

الولي الامر الصالح مايرضى على رعيته

وقفة ماننساها ياشيخنا وعزنا

وتسلم كلكلوش ..اسمك يعذب كيبوردي ههههههه