مشكلة الأسامي والله ...؟؟!!

[فركوشه]

بالنسبه لـ اسمي

المفروض اغير اسمي هب يكون لي اسمين..



بس شو الناس كلها تعرفني باسم .......

يعني ما اروم اغير ولا اختار اسم مستعار

وانا اقول حقكم لا تسمون بناتكم شراتي

والله بيعقدون


بالنسبه لكم عادي

بس بنسبه لي هب عادي

واللي زاد الطين بله ربعي يقولولي شو يدلعونج فالبيت

:ghostface

بروحه اسمي يلوع بالجبد
..

[لمّــاح]

السلام عليكم . .

هالمشكلة انعاني منها حتى نحن ، مثلا ولد عمتيه كل ما اشوفه ازقره حمدان ، و هليه كلهم يزقرونه حمدان (( حتى أمــه تزقره بهالاسم )) و هو اسمه الصدقي أحمـــد

و بعض اليهال من زود الدلع ينسون اسمهم الصدقي ، مثلا ولد خالتيه ياهل من أول ما انولد و خلق الله يزقرونه نونو ، الحين يوم كبر استوا بو 3-4 سنين يتلخبط ، مثلا في ميلس الرياييل يوم يسئلونه عن اسمه يقولهم اسمي نونو ، و هو أصلا محمد . . !