جاوبوني بصراحة

[الكتكوت المرعب]

انا من السعودية....
وعشان انا احب الشعب الإماراتي....
ودي اعرف وبدون اي مجاملات.....
وش رايكم في الشعب السعودي؟؟؟؟؟؟؟
وارجوكم عطوني رايكم بصراحة....
مهما كان الكلام جارح....
بس رجاء بدون اي إهانة
ويعطيكم العافية

[أمواج]

اممم الصراحه انا لهجتكم تعيبني وااااايد و احاول اقلدكم بس مافي فايده

ولي عوده

[فركوشه]

بالنسبه لي ما شي حساسيه بينا و بينكم..

يعني الشعب الاماراتي والسعودي اخواان..

بس عاد خلونا ناخذ اللقب الاسيوي الاثنين الياي ..

[اناستازيا]

السلام عليكم ..,,

أولا مرحبابك يا الكتكوت المرعب بين اخوانك وخواتك ..,,

من نحايتي انا أحب الشعب السعودي وعندي ربع من السعوديه وهم واايد طيبات ..,,

وهذا اللي حببني فالسعوديه أكثر وأكثر ..,,

[الدلووووعة]

انا كنت عادي عندي الاهل السعودي

لاكن عقب الحركة النذله اللي سواها اربيع اخويه السعودي فيه كرهتهم


اربيعك ويهكر على كمبيوترك واخويه هاك اليوم كان داخل من كمبيوتر البيت وتعال وهكر عليه
وكان يتجسس على كل شي واخويه قاله امسح الملف قاله ان شاءالله فالك
يب عقب شهر قال لخويه انتو محطين صور الاهل وماعرف شو ماعنه نحن اصلا مكنا محطين غير صور اخويانهي والاولاد واختيه الصغيرة صدق من هاي الحركة كرهت السعودين وحسيت انه فيهم عرق نذاله

سمحلي اخويه على هاي الرمسة ( وطبعا هب الكل )

[الكتكوت المرعب]

مشكورين اخواني وخواتي ......
اولا لمشاركتكم.....
وثانيا عشان مشاعركم كانت صريحة معاي.....
وانا اتأسف لك يا الدلوووعة واتمنى انك تزيلين الكره اللي علينا لأن احنا ناس طيبين والله ونحبكم ونحترمكم....
على فكرة:
تدرون ان اكثر الشباب عندنا حاطين على سياراتهم صورة شيخكم وشيخ الجميع زايد الله يرحمه...
وهذا ابسط دليل على معزتنا لكم.........
مشكورين مرة ثانية

[حبوبه دبي]

شعــب طيب

ودامكم اتحبــونا اكيــد نحن بعد انحبكــم وانعزكم

وكلنــا اخــوان ومــايفــرقنــا شــي

والسمـوحه
...

[الكتكوت المرعب]

يعطيك العافية حبوبة....
ومشكورة على المشاركة....

[أمرين]

الشعب الاماراتي والسعودي اخواان
وكلنا شعب وااااحد
والله يديم المحبة


محبتــي:
أمــــــــــريـــــــــــ ــن

[سفير الخيال]

الله يديم المحبـــه بين الجميــــع :)

ومبــروك عليكم العيــــد مقـــدما

[خنفروش]

أفا عليك يالكتوكوت المرعب \ أهل الخليج تراهم عائلة وحده مهما صار أو بيصير \ أذكر مره كنت مع صديق لي من الامارات \ و ركبنا تكسي من عند الحرم عشان يوصلنا العزيزيه طبعا لما نزلنا و جينا بندفع طلب السايق مبلغ كبير فثار صديقي ليش تطلب هالمبلغ مب مسأله بخل إنما استغراب يقول صديقي ليش انتوا جيه اسعاركم مرتفعه نحن الاسعار عندنا نازله و كان جواب السايق نحن عندنا الحرم و انتوا ما عندكم الحرم خرجنا انا و صديقي نضحك على جوابه الي لا يمكن نحن نجاريه (( ياخي انتوا عندكم الحرم و عندكم المدينه )) فحبكم فطري في قلوبنا \ بلا شك ان في كل دولة تلقى الزين و تلقى الشين \ فأنت بتلاقي إلي ما يحب السعوديه و بلاقي الي ما يحب الامارات \ و هذا الشاذ في نظرته و الشاذ لا حكم له و كل عام و انت بصحه وسلامه

[ألم ترى]

بسم الله الرحمن الرحيم ..

مثل ما قال الأخ خنفروش : محبتكم فطرية ..

ربي يحفظكم ويرفع من شأنكم ..

[ألم ترى]

ينقل لواحة الاصدقاء كونها الأنسب مع وجود ضابط بعدم طرح تلك المواضيع ..

عدم طرح مشاركات لا تحمل أي مضمون جدي ..

عذرآ ..

[الكتكوت المرعب]

حبيت اشكر الجميع على المشاركة الفعالة...........
بس عندي سؤال لمحب الشيخين...ليه تعتقد إن الموضوع ما له مضمون جدي؟؟؟؟؟؟؟
لأنه بالنسبة لي مهم واااااااااايد إنه نعرف راي الأخوان الإماراتيين عنا......
لأن على حسب اعتقادي احنا شعب مو محبوب كثير في الدول الثانية.....
بس من خلال هالموضوع اكتشفت إن احنا ناس محبوبين عندكم ..........
ومشكوووووووووووووووورين مرة ثانية........
وعلى قولكم:
والسموحة

[ملك]

و الله انكم

عسل و فن و ذوق