حلى الفيمتــو

**شمه** · 26-10-05 ||, 07:52 PM

السلام عليكم..

شكلي اليوم فاضيه و رايقــــــه..
بخبركم كيف اتسوون حلى الفيمتو..سهله و مقاديرها موجوده في كل بيت..

المقادير..
الطبقه الاولـــى:
بسكويت اولكر..
زبده..

الطبقه الثانيـــــه:
علبة زبادي..
4 ملاعق سكر..
8 ملاعق حليب بودره..
بيضـــــه..

الطبقة الثالثــــــة:
نص كوب فيمتو..
علبة كريم كراميل..
كوب ماء..
2 ملعقة نشـــــــا..

الطريقـــــه:
نخلط البسكويت بالزبده.. و نرصـــه في الصينيــه (البايركس)..
،،،،،،،،،،،،

نخلط مكونات الطبقة الثانيـــــه و انصبــــه ع الطبقه الاولى (البسكويت +الزبده).. و ندخله الفرن.. و ننتظر لين يحمر الوجـــــه..و بعدين نطلعها من الفرن .., و نتركها تبرد اشوي..
انتبهوا لا اتسخنونها من تحت.. او بس ع الخفيف .. عسب ما يحترق البسكويت..

،،،،،،،،،،،

نحط مكونات الطبقه الثالثــــه ع النار مع بعض .. و نحرك لين انحس انه الخليط بدا يتماسك ,و يثقل..

و طبعا عقب ما تبرد الطبقه الثانيــــــه.. انصب الطبقه الثالثه فوقهـــــــا..

:)
وبــــــــس

**طير الغرام** · 28-10-05 ||, 01:07 PM

شكلها سهله
يباليه أجربها

بس سؤال الطبقه الأولى
الزبده انسيحها ع الضو ونخلطها مع البسكوت >> يعني شرا الشيز كيك

ولا كيف

**شمه** · 28-10-05 ||, 05:18 PM

انا جربتها مرتين مره بس طحنت البسكويت و خلطته بالزبده..
بس ما اتماسك عدل

و البارحه ع الضو.. فطلعت رهيبه..

وايد حلو .. شرات الجيز كيك..

بس اسهل..

جربيها و خبرينا عن النتيجـــــه ..

:)
شمـــــه

**طير الغرام** · 29-10-05 ||, 02:03 PM

إن شاءالله يوم بسويها برد عليج خبر ^_^

**أسيرة الشوق** · 30-10-05 ||, 12:40 AM

بسم الله الرحمن الرحيم

شكلها سهلة ان شاءالله بنجربها باجر

اممممممممممم

أسيرة الشوق

**طير الغرام** · 10-11-05 ||, 09:25 PM

سويتها من اشوي
و حطيتها ف الثلاجه >> هي تنحط ف الثلاجه صح

ومن أطلعها وأجربها بخبرج بالنتيجه
وبالصور إن شاءالله ^_^

**شمه** · 10-11-05 ||, 09:56 PM

اسيرة الشوق.. :)

طير الغرام..
لا تكونين اختي و انا ما ادري.. لاني بعد انا سويتــها و اختي كانت وياي في المطبــخ..

هيه تنحط في الثلاجـــــــه.. :)

:)
شمــــــــه