<font color='#000000'><p align=right><font size=3><strong>السلام عليكم و رحمة الله و بركاته...

موضوع صدق حساس.. و فعلا حاستبج أختي البنوتة...

اللي شفتيه من ربيعتج صدقيني ولاشي من اللي أشوفه في دوامي .. كل يوم أشوف شي يشيب شعر الراس و المشكلة ماروم أتدخل لأن عيزوا اللي قبلي من نصحهم..

<font color=#000066>*بنات.. توهم مخلصات الثانوية.. يشتغلون معانا بعد ما يخلصون التدريب النظري لمدة شهر في قسم التدريب.. و طبعا.. يكون التدريب مختلط مع شباب الثانوية..و يوم ايون عندنا حق التدريب العملي.. تلقين كل وحدة عاشت قصة حب و غرام ويا ربيعها اللي تعرفت عليه في فترة التدريب و تتحرقص عسب تسير كل شوي قسمه تسلم عليه.. و هاااات يا تليفونات و الا مسجات (طبعا أنا لهم بالمرصاد و مستويتلهم بع بع هههههه أونه الموبايلات ممنوعة خلال فترة الدوام,, و من يطولون في المكالمات ازقرهم و اعطيهم شغلة يخلصونلي اياها.. لعينة صح خخخ)</font>

طبعا اللي قتلج اياه.. في الحالات البسيطة جدا...

في الحالات الصعبة.. أقولج المتدربات يعشقون منو؟؟ و انا ع فكرة قصدتها كلمة يعشقون لأنها أقوى درجات الحب.. والله ما بتصدقين.. هنوووووووووووود.. و قسم بالله هنوووووود..

<font color=#000066>* وحدة أعرفها حق المعرفة.. تموت في تراب فراش عندهم في القسم... و وصل عمرها الـ26 و هي مب طايعة اتعرس عشانه..
* وحدة أعرفها.. يا ربيعها المواطن الدوام &nbsp;و اتضارب ويا ربيعها الثاني الهندي و سوالنا فضيحة جدام الناس.. على فكرة.. المواطن معرس و عنده عيال و الهندي مسيحي..
* وحدة ربيعة القبلانية.. تدافع عن ربيعتها و اتقول.. شو فيها نحب هنود.. جيه مالهم رب&#33;&#33;&#33; اوكي ما اختلفنا.. لهم رب.. بس قولي هالرمسة حق ابوج جان فيج خير خخخ وطلعت هي الثانية عاشقتلها هندوسي و تظهر معاه..
* موظف هندي.. هندوسي.. قل احترامه جدامي ع المواطنات.. بعد ما هزأته جان يقول: لو تبين براويج أرقام المواطنات اللي عندي و روحج اتصلي و اتأكدي.. صدق قفط ويهي و حسيت بالإهانة والإحراج ...
</font>
وخارج نطاق العمل..

<font color=#000066>* بنات في العالمية.. قسم الألعاب.. يوم الحريم.. لابسات هاللبس اللي ماله داعي اوصفه و يتلزقون في الأجانب و الهنود اللي يشغلون الألعاب.. بعيني شفت وحدة في مهرجان العام اتقول حق ولد الحمرا : عطني رقمك و بدقلك في الليل&#33;&#33;&#33; يا بوج أنا اللي مب متحجبة حسيت بعمري أشرف عنج ياللوث خسكن الله&#33;&#33;&#33;</font>




<font color=#cc0000>يا ترا جيه اتسوون بعماركم جيه؟؟ معقولة باجر بتكونون ربات بيوت اتصونون حرمة رياييلكم و اتربون عيالكم اللي الله يعلم بيكونون ذرية صالحة و الا طالحة؟؟

عنبو ما فكرتوا في نظرة هالأجانب و الا نظرة الشباب لكم ؟؟ ما ينلامون جان ما بياخذونكم جان هاي سواياكم...

وين اسلامكم.. شو خانة الشيلة و العباة.. عقيها أحسن.. شو ذنب أهلج.. شو ذنب بلادج اللي ما قصرت عليج عسب اتشوهين صورتها جدام العالم..</font>


هالكلام موجه لفئة معينة و ما اعممه للكل.. بس خوفي لا هالفئة اتعم في يوم من الأيام... <img src="http://oasis.bindubai.com/emoticons/down.gif" border=0>&nbsp;يالله اذا أنا اشوف هالبلاوي في زماننا عيل شو بيشوفون عيالي.. الله يستر...



يالله اللهم لا أسألك رد القضاء.. لكني أسألك اللطف فيه..



واسمحوالي جان طولت عليكم...

</p></strong></font></font>