ما يستوي اللي يصير..

[دانة حتا]

السلام عليكم
شخباركم ؟....
باخبركم عن شي يمكن احنا سويناه يوم صغار
او شفناه في المدارس بس ما عليه كنا نقول طيش مراهقين..
الحين انا سنه اولى جامعه بس مستغربة طاولات الدراسة عندنا
صايرة كانها صفحات شات..او واحة تعليقات وتعارف.
كل يوم ادخل الكلاس( الصف) اقرا اللي مكتوب مرات
وحده تبي تتعرف ومرة وحده ترد عليها وتسال عن رقمها وهذيك ما تقصر تكتبلها
يوم صغار قلنا مب مشكله كلنا كتبنا على طاولات المدرسة اشعار واهداءات
بس يرضيكم طالب او طالبة جامعيين يسوون هالحركة..اذا الكبار مب عقال شو بقا للصغار..
صدقوني ما يستوي..خلنا شوي متحضرين ونحافظ على ممتلكات الدولة.

اذا حد عنده راي ثاني يشاركنا به

والسمــــــــــــــــــــ ـــــــــــــــــــــــــ ــوحه

[أمرين]

السلام عليكم

انا كل يوم أدش الكلااااس أشوف الطاولة اللي بقعد عليها ماشاءالله
لوحة فنية

المهم لازم نعرف
انه نظافة المكان يدل على نظافة اهله
وبعدين النظافة من الايمان

والله يسامح اللي يتفننون عالطاولات..
ياخي كل وحدة أو واحد عنه شي خل يكتب خواطره في مذكرة


كل الود:
أمــــــــــريـــــــــــ ـــن

[الملهم]

السلام عليكم

انا احيد هذا ايام المدارس ..
بس في الكلية لا .. الطاولة نظيفة 100% ..
كبرنا على سوالف الاغاني والاشعار ..
بس عاد كلية البنات ما ادري كيف ^_^ ..
خسارة طاولة الحكومة ^_^ ..

شكرا على الموضوع

[أمرين]

الملهم

الأولااااد والبنااااات

[زامبروتا]

الواضح أنهم يكبرون في العمر ولكن لازالت عقولهم صغير

وعشق البنت للبنت شذوذ
هذا ما عندي
ولكم التحية

[الدلووووعة]

بعدني ماشفت طاولات الكليا او الجامعات

بس انا اللي يسونه الحينه بنات المدارس مول مايعيبني
حركات سخيفة صدق بمعنى الكلمة (ها الشي ظهر على ايامنا )

يعني صدق قبل ماشي من ها السوالف

الله يستر من اللي ياي

وتسلمين اختيه عالموضوع

[بنت الشارقة]

مادري والله بخصوص الجامعات ..

بس الي اشوفه في المدرسه احس انه شي عادي نحن مراهقيين وفينا طاقه .. لوول .. يعني شو فيها لو شخبطنا شويه عن خاطرنا .. بس شخاابييط بريئة مجرد أغاني واشعار ..

بس اعتقد لو انا في الجامعه ما بسوي هالشي لان خلاص ما عدنا يهال

[حبوبه دبي]

حتــى في الجــامعات !!

هـاي الســوالف احيدهــا بــس في ايــام المدارس
والحينــه الحمدلله مـاشي الطــاوله نظيفــه

الله يهديهم بــــس

...

[دانة حتا]

مشكوررين على المشاركة
وكلامكم في محله
تسلمـــــــــــــــــــــ ـون

[الملكه الدلوعه]

السلام عليكم ورحمة الله وبركاته

تسلمين الغاليه على هالموضوع ..

وااايــد منتشر هالشي بالمدارس .. نحن عندنا يوم نروح المختبرات نشوف وحده كاتبه هذا ايميلي واللي تبى تتعرف ادش الساعه ....... واللي كاتبه سب لفلاانه ... واللي كاتبه اهداءات ... لووول ^_^ ماعندهم شغل

الحمدلله ما اكتب بس ساعات امسك القلم واكتب حرفي^_*

والسموحـــــــه

[بنت الدلع]

مرحبا جماعه

موضوعج حلو

هذا الشي صار روتيني
ماعرف عن طاولات الجامعات بس اللي اعرفه عن المدارس طاولات اللابات والكلاسات

خاصه طاولات اللابات
يحليلهم المدرسه كل مايصبغون
ايون البنات ويشخبطون

على قولت بنت الشارجه طاقه
لوووووووووولز

[دانة حتا]

صدق والله بس شو السالفه ليش كل اللي يردون البنات
شو اونه الشباب ما يسوون شي والا كيف