مواقع الزواج .. الى ماذا تهدف ؟

[نجمة دبي]

السلام عليكم ورحمة الله وبركاته ..

هذا اول موضوع لي في هالواحه .. وان شاء الله اطرحه بالطريقه الصحيحه

مواقع الزواج .. الكل سمع عنها .. والكثير يشارك فيها ..

ولكن

باي هدف ؟

القليل منهم الجادين بالزواج .. ولكن للاسف الشديد .. اصبحت هذي المواقع للتعارف ..

اغلبيه اللي يشاركون بهالنوع من المواقع .. هدفهم التعارف والتسليه .. وخراب بيوت ..

نادرا ما انحصل اثنين تزوجوا عن طريق موقع للزواج ..

لكن رايي انا .. اشوف ان هالمواقع مالها اهميه .. اضرارها اكثر من منافعها ..

هذا هو موضوعي .. واتمنى اشوف راي الاعضاء

والسموحه

نجـــــ دبي ــــــمة

[زامبروتا]

مــواقع الزواج أصبحت وسيلة وللأسف لنشر الرذيلة معه احترامي الشديد للأصحاب هذه المواقع
ولكنه واقع نشاهده نحن رواد هذه الشبكة العنكبوتية يستحيل على أي شخص ان يقترن بقتاة دخلت
هذه المواقع لتعرض نفسها للزواج او للإرتباط بشخص وكأنها رخيصة أو سلعة تعرض للشراء
هذه المواقع لا تجمع رأسين في الحلال بل العكس تجمعهما في الحرام
المواقع أصبحت قديمة الان لان هناك قنوات جديدة ستبث قريبا باسم قنوات زواج

ولكم التحية

[نجمة دبي]

صح كلامك اخوي ..

اذا الواحد بيدخل هالمواقع بنيه صافيه .. عقب فتره بيغير رايه .. وبيغير نيته ..
اغلبيه المواقع .. التسجيل بفلوس .. والانسان طبيعي بيصرف نص راتبه على هالمواقع .. خصوصا ان اللي فيه يستاهل راتبه كله ..

كلامي هذا ينطبق على البنات بعد ..

والسموحه



نجــــ دبي ـــــمة

[بيور]

الصراحة اللي يدخل هالمواقع انسان فاضي وما عنده كرامة
يعني بالظبط شرات ماقالت نجمة دبي ... اذا الواحد بيدخل هالمواقع بنيه صافيه .. عقب فتره بيغير رايه .. وبيغير نيته ..

والسمووحة .. اختكم المتفيجة

[نجمة دبي]

تسلمين اختي ..

هالكلام ما ينطبق على الكل .. اصابع ايدنا مب قد بعض .. في ناس هدفهم الزواج ..

بس انا قصدي .. مب بهالطريقه .. مب عن طريق النت ..

اغلبيه اللي امسجلين في مواقع الزواج ... بياناتهم مزيفه .. وكل واحد يبين انه هو احسن من غيره ..


والسموحه


نجـــــ دبي ـــــمة

[زامبروتا]

اذا صــاحب الموقع نفسه عيونه زايغة ويدور على هذه الاشياء فما بالج بالزوار من المراهقين الشباب
المفروض وزارة الاعلام تحظر هذه المواقع

[الملهم]

السلام عليكم ..

بالنسبة لي ما أؤيد فكرة الزواج بالنت ..
وبالتالي لا احبذ هذه المواقع ..

[الدلووووعة]

اصلا امنو هاي امنو هو عسب يرضى على عمرة انه ياخذ وحدة من النت وخاصة من مواقع زواج
يعني هو شو دراه فيها وهي شودراها فيه هو او اهي اكيد مابيحطون بياناتهم الصدقية يعني دام من اول شي جذب في جذب متى بيبدئون فالصدق واصلا هيا المواقع كلها مواقع سخيفة ( السموحة يعني ) ومالها اي هدف محدد

[نجمة دبي]

صح كلامك اخوي .. زامبروتا .. لازم يحظرون هالنوع من المواقع ..


الله يهدي اللي يسوي هالمواقع .. ويهدي اللي يسجل فيهم ويصرف فلوسه على شي ( تافه ) ..

والله يقهرني ان اللي يسجلون في هالمواقع يشتكون من معاشهم اللي يخلص في اول اسبوع من راس الشهر .. دامكم تصرفون معاشكم على هالمواقع .. ومواقع ثانيه اخس منه .. ليش ترمسون ؟


والسموحه


نجــــ دبي ـــــمة

[بادي]

صراحه انا ماني عارف عنها اي شيء وشكرك اختى نجمة دبي موضوع حيوي

[ورديّـه]

هـب لـ مجتمعـاتنا

[نجمة دبي]

كيف يعني مب لمجتمعاتنا ؟؟

[ورديّـه]

أقصد غناتي ’’ما تناسب عادات و تفكير مجتمعاتنا الخليجية‘‘ مجتمعنا

حيث أصولنا الشرقية تحبذ *رغم أي تطوّر* إتباع طرقنا الشرقية الأصيلة مثل : خل نخطب من بيت فلان الفلاني - مَعْرِفة والنّعم فيهم .. أو شرايك فبنت الجيران نخطبها لك .. وهكذا
ها غير الزواج بعد علاقة حب أو تكليف خطابة للبحث وغيره

هب : والله شفنا بنتكم في موقع زواج وعيبتنا! . . ولو بغوا يرقعونها زيادة يقولون : والله ولدنا راسل بنتكم على النت وأُعجب فيها ها غييير لو ما عرفوا اسامي بعض اللّهم # التسلسلي الخاص بكل مشترك فالموقع !

مهما كان نحن لنا عاداتنا وطريقتنا مهما تعلمنا واتطورنا وسافرنا .. إنتم صكّة لول قصدي عيال عـرب والنّعم لنا مذهبنا و تقاليدنا وأسلوبنا الخاص ابيئتنا

مواقع الزواج يمكن تناسب الجنسيات العربية من دول الشام ولبنان + المغرب العربي أكثر , وغالباً تكون واقع حاصل في مجتمعاتهم . وتحصل عندهم وايد وتنجح

وصلت انشالله ^_^
والسموحه ع الاختصار قبل والإطالة احين

[دانة حتا]

السلام عليكم

صح اللي انقال المواقع هذي بس اسم اما غرضها تدمير الشباب
ما اعتقد حد يرضى ياخذ وحده او وحده تاخذ واحد بهالطريقة..
المواقع مصخرة وماحد ينصح فيها.
مشكووووورة نجمـــــــــــة دبي تسلمين
والسمـــــــــــــوحه

[نجمة دبي]

تسلمون والله عالمشاركات والراي الصائب ..


اختي ورديه : صح كلامج والله .. وما اتناسب مجتمعاتنا ..


يعطيكم العافيه والله ..

وربي يهدي الجميع



نجــــ دبي ـــــمة