تعذيــيييب ( فضفضة بالصـور والحرطمه ) .. !

[بلوة حلوة]

S$a||||||||aM'Zz @ll



ياخـي شـ سمه يعني انا معصبه الحين وميهـوده وهلكانه ولايعة جبدي
وكل شي .. احس ناس جـي تمشي فـ داخي وتتدااعم من الغصه ..

يعنـي شـ سمه والله حرااام عليهم كرفـونا

اتخيلـوا .. كل يـوم امتحااان شـ طوله وشـ كثر المعلومات اللي فيه
نحن بشـر بعد < حسـّوا فينا حسحسـونا >

مب حاله هاي قسم بالله .. !

برمـس عن حالتنا فـ رمضاان وبطنش الي قبله
اتخيلـوا جدولنا من بدا رمضـان كيف !!
ماشي رااحه مول
من أول أسبوع كل يوم امتحااان امتحااان امتحااان
انرد من المدرسـه نريـح شـوي وجـي
احتمال نذاكر قبل الفطور واحتمال عقب على حسـب > اليوع كافر
المـ ـهـ ـم ..
عقـب يبــدا الكراااف والتعذيـب ..
تحـضير 7 مواد + مراجعة الدرس الي طاف + حل واجبات
+ ترتيـب دفاتر وكراسات + مذاكرة امتحانات .. الخ
وفـي أشيا نقـدر نطنشهاا مثلا .. !
بـس بعـد وااايد كل يوم امتحااان ..

هـا جـدول امتحانات هالاسبوعين ..!
علمـا ان الاسبوع الياي كله متروس .. والي عقبه لين الاثنين مادري الثلاثا



اسمحـولي عاد .. خط مال قهر ..
لول

.
.
وهالكـتب كل يوم لازم تنفـتح عسب تكون ملحقين عـ المنهج
وفاهمين شـ السالفه من الحينه .. ( في 4 كتب بعد مش فـ الصورة ) ..


.
.
( الرياضيـات ) ..
حـلي الواجـب .. اختبار قصير بداية الحصـة .. حلي شي من التمارين العامه



.
.
( الفيزيا ) ..
اقري الدرس الي طاف .. افهمي واحفظي عدل .. حلي صفحة الدرس
الموجوده فـ الكراسه ..

.
.
( الكيميا ) ..
ذاكري الدرس الي طاف .. افهمي واحفظي عدل .. اذا شي مسائل حليها
كلها .. احتمال تكون عندج ورقة عمل حليها بعد ..


.
.
( EnGli$H ) ..
مافـجّه مووليّه .. الا اذا في هوم وورك ..
الحمدلله اوكي فـ الانجلش (=
بس فـي بنات يعني .. يراجعون الكلمات الي خذوها .. يقرون الدرس
يلاقون صعـوبه فـ فهم الماده فـ يحتايون انهم يدرسونها كل يوم ..


.
.

( اللغة العربية والتربية الاسلامية ) ..
نـادرا مافجـهم .. يوم تـدق فـ راسي واحضـر
وبالنسبه للدين .. استحالة نحتج على حفظ ايات واحاديث مثلا !!
وهي أصلا خفيفه .. ! .
والي يقهرني فـ العربي هالـثلاث اربع صفحات ورا كل قصيده او مقاله
ياربـّي ـيييه .. نفس الرمسه وكلاااام كثيرن كثيرن لول ..


.
.
( الأحيـا ) ..
ذاكري الدرس الي طاف .. اذا شي واجب حليه
واذا تفـيجتي عاد عقب خذي فكره عن درس الحصة اليايه ..

.
.
( الجيولوجيا ) ..
لول .. يا ربي شـ كثر هالـ مس جي مادري كيف .. لول > جان فهمتوا ههه
عـادي تدخل فـ نص الحصة .. ابلة وينج ليش اتاخرتي
نسيت ان عليكم حصه .. بس الي يشفعلها ان شرحها اوجـييه > اوكيه
اقري الدرس .. حضري جان تفجيتي لول .. حلي الدرس على الكراسه
واذا له مسائل ف تقويم الكتاب حليها > حتى ف الجيولوجيا مسائل !

.
.
وفـ النهااايه .. عاد يلـسي ذاكري ( الامتحـان ) الي عليج !!



.
.
احنـا مش محتجـين على الامتحانات .. امتحنونا كيفكم ..
بـس عـ الأقل عطونا يوم واحـد فـ الاسبوع راحـه .. جي مانروم
والله تعذيــب .. يعني احنا بشـر بعـد .. كله مذاكره مذاكره مذاكره
3 اسابيع ونص .. امتحان يوم بـ يوم .. يوم واحد من هالـ3 اسابيع
الا وفيه امتحااان !! .. مش معقوله جي .. !:crosseyed
جي نفسية الواحـد تتعب مابيروم يستوعب شي زياده بيعيف الكتب اكثر عن
ماهو عايفنهـا لول .. بتستوي عنده حالة تشبع جـي .. والله تعذييييييب
واتـي كل مـس ترمس عن الماده وتحـتج وتبى يوم حق مادتها عسب تمتحنا
جنـه نحن ماندرس الا مادتها هي بـسسس !! .. مايقـدرون
طبعا مش كلهن ..
وخـصّه الحين فـ رمضان تخيلوا نسـوي هاا كله .. ماشي وقت والله
رمضان يعني زيادة عباده و الي تبى تدش المطبخ تدش والي بتطاع التيلفزيون
لو شويّه والي واللي .. وانتوا ادرى !!
وقلنـا بنرتاااح فـ الويك اند من عقب هالاسبوعين
طلع علينا امتحان رياضيات بكل الي خذناه يوم السبت
يعني عسب نخفف نذاكر الخميس واليمعه وشكلي بذاكر اليمعه بس
احس جــيي ..
والله تعــــــــــــــــــــــب
نحـن ثانويه عامة ومحتايين ناس ترفع معناوياتنا وتريح نفسيتنا
مب نـاس تكرفنا كراااف وتسـد نفسنا من الحينه ..
اذا توه أول شهر يخلص ونحن جـي ملينا بسبة هالكراف كله .. كيف
علـى اخر أيام .. الوحدة وين بيتم فيها حيل بعد !!:ghostface


.
.
بتقـولون .. ليش كل هالتحضير والمراجعه دامه مب محسوب
المسأله مش مسألة مش محسـوب .. بس من الحينه الوحدة تبدا
أحسـن .. والمذاكره أول بـ أول تفيــدنا .. حتى لو كان عدنا شهر شهرين
نذاكر فيهم قبل الفاينـل ..



.
.
شـ سوي يعني ؟؟
أجلع واير الكيبورد وأزغــد عمري به !!




.
.
سمحولي .. رمست وايد ..
يارب ما يعلق او يختفي الموضوع ..
يارب ماينغلق
.
.
الله كريم


اختكم

[أحلى منصوري]

عــدج أول ثانــوي

واحيــد أيــام الأول ثانوي .. من كثــر المواد تتبهدل في الامتحانات ,,

وانتوا زين يوم انه وقت الكلاس مخفض بسبة رمضان ,,

نحن انداوم شرات الــ ( الله يعزكم عنه ) ليــن اربع ولا اربع ونص وما شي تخفيض

موفقـــة وانتي لهـــا

والسموحه

..

[صمت الدموع]

.. السلام عليكم ورحمة الله وبركاته ..

.. بلوة حلوة ..

شدي حيلج اختيه ..

وماعليج من الثانوية عامة..

سهلـــه ..بس يبالها مذاكرة اول بأول ..

يالله الله كريــم

وبالتوفيــق يارب..

والسموحه

[بلوة حلوة]

أحلى منصـوري
تندوري



ثااااااالث وعلمـييييييي
شو أول ثانوي .. أعضك الحيييين
.
.
خفضـوا وقت الحـصص وزاادوا الامتحانات شـ الفايده ..

.
.
شكرا تنــدوري .. بالتوفيج خـيـّـو ..

[بلوة حلوة]

صمـت الدموووع ..

انا ماشتكيـت من الثانويه العامه
بالعكـس الحمدلله .. واتريا هالسنة من زمااان

كنت اتشـكى .. من الامتحااانات الزايده والتعذيب هذا
والشكوى لغير الله مذله ..


شكرا الغاليـه ..
بالتوفيج ..
ادعي لي ..

[العجيبة]

حـي الله بـــح

والله حسسييييت فيـــج .. حلييييلج والله " تدرين ان الياهل يزعـل من هالكلمة عند البدو "

بس ليش انتـوا سبع حصص .. نحن ندرس خمس حصص نظام الساعـات واحس بعـد الحصة الثالثة مخي مقفـل > اصلا هـو من الصبح مقفل خخ < عـاد لو سبــع .. ده يبـأى اعدام بطيئ !

نحــن مب أحسـن عنكــم .. والله احمدي ربج حالج أهـون بوااايـد

الهـلاك اللي عندنـا شو .. كـل مس تبا لهـا فايـل ورتبــوه وعـدلوا وسووا ..
وغيـر هذا تبـا نشـاط > هالنشـاط ودرجـاته العـشـر أسخـف ما اخترعـوه في المدرسه <
لا وأبيـخ شـي لو الله بـلاج واستـويتي رئيسة مجمـوعة غصـبا عنـج ..
عـاد لازم تحـاتـيـن منو سوت ومنو ما سـوت ، لازم نهتـلك في الحصة يا بنـات الناس شاركن وياهـا
لو المجـموعه رقـاااد وما منهـا فـايـدة بينصـب على راسـج ..
والأبيـخ من ده كلو انهـا ع اليومين تعالوا في الفسحة أباااكـم ..
يا خي الا هي ثلث ساعة خلينـا نتهنى فيهـا
لا والأبيـخ لو البنــات اللي ويـاج باردات وما منهـن فايدة.. ما يتحـركن الا بالدز

ياخي صيحتيني .. ذكـرتينـي بأسـوأ شـي ممكـن إنـي أتذكـره !!


لا واللي يحبــط أكثـر .. معاملة المســات

مثل مس الرياضيات .. تحسس الوحـدة انهـا غبيــة بشكــل اففف منه
ولا مس العـربي شو تقــول .. تدري بنـا شاردين من الأدبي لأن العربي من 300
يـت عنــدنـا عقـب ما مـر شهـر تقولنـا انه العربي من 200 في الادبي..
لا وبعـد ما امتحنا تقـول ترانـي أحاسب بنـات العلمي في الامتحـان على كل شـي ،
وبنـات الأدبي عـادي أتغاضى عن وايـد أشياء .. انتوا بنـات علمي لازم تحلون بشكل دقيق
تقهـــررر والله .. عـاد كل اللي رمت أقولهـا ايـاه " ما تبينـا نحل بشكـل طحيـن بعـد "
يعنـي في العـربي مفـعـول انـي " حفيـدة أحمد الفراهيـدي " مووول مب نافـع


فـوق هـذا كله .. ولا علامـة امتحــان محتـرمة وترفع المعنـويات .. كله زي الزفت


بس بس ..

بدل ما اواسيـج فضفضت بعــد ..

يالله ما علييييش يا بــح .. هــانــت

الا هـي هالسنــة وبتعـدي على خيــر ان شاء الله ..

تعـرفين شو تسـويين ؟

حطـي جامة جدامج وانتي تذاكرين .. زخي كتاب وحطي كتاب ثانـي جدام الجامه ، جيه بتذاكرين مادتين في نفس الوقــت ..

وابتسمــي انتي في رااااك .. لا اتمـي مبـوزه ، عشان اتييبين نسبة أوكـي

نباااااااج الأولى ع الدولة ان شاء الله .. شدي حيلج

ســوووري وايـد طولت .. باي

[عنود الريف]

مرحبا الغالية
اشحاالج ؟ واا عليه عنج .. احس بمعاناتج .. صح هالسنه حلوة .. بس متعبه للي يبا نتيجه حلوة ..
الله يوفقج الغالية ..
بس الحمدلله نحن كانت ادارتنا واايد طيبه واتسهل عليج امورج .. اتسوي لنا جدول امتحانات للتقويم ..
وما تيج ابلة اتقول عليج امتحان والثانية تي واتقول عليج امتحان ..
الحمدلله
بس ان شاء الله كل شي بيكون سهل .. والله يوفقج
اما عن دوامنا الحين في الجامعه .. فوالله اني مرتاااحه والحمدلله ..
كل اسبوع عندي يوم اجازة ما اداوم ..
وكل يوم عندي كلاس وساعات كلاسين في يوم .. بس بسرعة اخلص .. اسير اخر وحده وارد قبلهم كلهم ..
الحمدلله مرتاحه في جدولي مال الجامعه ..
فان شاء الله انتي بترتاحين ..
والسمووحه الغاليه على الاطالة ...

[طير الغرام]

وحليلج صدق اتعانين
بس اتعرفين أحس إنهم يعوضون الوقت القصير ف ارمضان بالامتحانات

وحتى احنا بعد ما بدا كرافنا إلا ع ارمضان
الله يعين ويرحم

وربي يوفقج اف دراستج إن شاءالله ويسهل عليج ^_^

[عافك الخاطر]

والله حنيت لهالأيام
صدق تعـب وكراف والحالة النفسية تنزل في الحضيض ومحاتاة وسهـر وتحضير و مراجعة و كوّزات و امتحانات وسوي وودي وحطي ..بس عقب كل هالتعب ببتنسينه يوم بتاخذين النتيجة ان شاء الله ..
تبين اتخففين عن نفسج .. نصيحتي لج خذيلج مشوّة كل يوم بعد العشا او حتى قبل على البحر او في مكان اتحبينه انتي وحد من اهلج.. بترتاحين نفسياً .. او حتى امشي فـ بيتكم خذي لفة في الحوي ..
من ناحية الحصص وزيادتها ،ها اكثر شي كرهته في المدرسة ،خاصة ابلوات الفيزيا والرياضيات ،ما يمر يوم الا وهم متضاربين عشان حصة بس والله مب ذنبهم يعني، المنهج يباله اعادة نظر ووقت الحصص بعد يبالها تمحيص وتفحيص من يديد ،والمدرسة تبا مصلحتكم >>اونه يعني

وعشان ما تملون ،انتوا غيّروا جو الحصة .. سوو ازعاج واستوو شياطين ، ودقوا سوالف ويا الابلوات .. احلى شي اصلاً الوقت يوم يضيع على السوالف البطالية
وعشان تفتكون من سوالف الامتحانات. سووا شراتنا تموا اجلوا اجلوا اجلوا ليين ما تخلص السنة صدق كل يوم كنا نتلعث بشي ، مرة مب فايجين،مرة مب مذاكرين بضميير .. ساعات انقولهم وقت الحصة ما يساعد اونه .. وجيي لي ما يطفرون


ادري وايد هذربت .. بس صدق مشتاقة للثانوية للمدرسة بكبرها

موفقة خيتو..
..

[اناستازيا]

الله يعيينا ويعينج ع العلمي ..,,

مادري كيف بنذاكر الأحياء والجلوجيا والفيزيا والرياضيات والكيميا الكتاب كله آخر السنه ..,,

يالله الله كريم ..,,

[أنشودة المطر]

بلوة الحلوة

هونيها و تهون

لازم تي فترات يكون فيها الضغط زايد

بس بعد آخر سنة في المدرسة "غير"

::بالتوفيق ان شالله::

[ورديّـه]

كتبي في صفحة راي الناس في الاتحاد وسجلي فالشكوى اسم المدرسة والمرحلة الدراسية اول ثانوي *عاد شوفي الحشرة اللي بتستوي كل مس بتيي تباغم منوووو سوتها منكن ولييييش وكيف !! وردكن هو : ماعرف شييي. . احيد بنات من دفعتنا سوّنها في مدرسة رياضيات الله يستر عليها ويااات حشرت الصف منو وشووو هاااد هيهي

الله يعينكم خويتي كلنا كنّا في وضعكم ( :ghostface ) . .
بس شي ناس اطنش وناس تكرف وناس تشتكي والقصة مكملة !

بس عطوا بعض المدرسات ملاحظات في مكتبهن لأن جدام الصف ما يبون يبينن عمرهم ضعيفات شخصية ويبون يراونكن منو المس هنيه ومنو تقول هيه و لأ!
.
.

الله يعينكن

[ولد الشحوح]

والله يا بلوة انتوا مرتاااحين والله نحن قبل رمضان بأسبوع يوميا امتحان لا وبرمضان زاد الكراف عندج اليوم ثلاث امتحانات كل امتحان اطول من الثااااااااااني شو بنقووول وطبعا حظكم انكم بنات والله في اهتمام من الأبلات لو تجوفون مدرسينا وتدريسهم ما اظني بتنجحون هخهخهخه يالله ربج كريم والله يعينا كلنا يا رب
سلااااااااااااام

[الدلووووعة]

تبين الصدق نحن كانوي يكرفونا قبل الرمضان يعني صدق صدق كنا ننكرف قبل ارمضان
تعرفين انا كنت انش عالساة 5 من ارقاد ابدأمن الساعة 5ونص لين الساعة 9 او تسع ونص وانا
مجابله ها الكتب وها كله بعد ماشي امتحانات بس الامتحانات اللي خذناها قبل رمضان كانت درجاتي عال العال
لاكن من يوم ينا رمضان مديرتنا وايد مهتمة بالثانويه يعني ابد مايضغطون علينا وايد شرات قبل والمدرسة بكبرها بدت متحانات من الاسبوع اللي طاف ونحن ماخذنا غير امتحانين فرمضان ومتحانيني وعادي يعني هب صعبات

بس عا ها الاسبوع بيبدأ الكراف بعينه بيكون الاسبوع والاسبوع الياي كله امحتانات ماعدا يوم واحد من الاسبوعين ماشي امتحان فيه ( عاد اسمينا بنهلك ) بس تعرفين يعين اذا يوم واحد مارديتي تراجعين اللي خذتيه وخاصة المواد العلمية نسير فيها وخاص الاحياء

بس يله الله يعينا ويعينج إلا هي ها السنه وبفتك من عوار الراس ( بس تعالو انتو كيف ترضون امتحانيني فيوم واحد لو انهم هب وايد صعبين المواد نحن لو القبر مارضينا ) بس اللي يقهر فرمضان انه الابلوات يوم تبين تسوين تجربة يسونا او مايسونها ويقوللج تعالو فالفسحة بنسويها ليش الفسحة كم ساعة إلا هي 10 دقايق فرمضان نحن بسير نتمشى ولا بنسير نكتب اللي مازرينه عالصبورة ولا بنيج نسوي تجربة شو بنسوي وشو بنخلي

شكلي واد رمست بس خلاص ما ازيد والله يوفقج ويوفقنا وياج

[أمواج]

عاد اتصدقيين يا بــح

انه لو اقوولج كيف جدولي بتصيبييني بعيييين قويه

يالله بالتوفيييج انشالله و كلنا تعبنا ومحد اترتاااح بهالسنه .. بس والله احلى سنه

وبعدين ((لكل مجتهد نصيب))